Treuliwyd y ganrif ddiwethaf yn ceisio deall egwyddorion mecaneg cwantwm. Yn y ganrif nesaf, bydd yr egwyddorion hynny’n cael eu harneisio, eu rheoli a’u defnyddio ar gyfer cymwysiadau ymarferol.

Bydd yr astudiaeth sylfaenol o effeithiau mecanyddol cwantwm mewn deunyddiau sylfaenol, ffotoneg, a dyfeisiau electronig yn sail i baradeimau'r dyfodol megis prosesu gwybodaeth cwantwm, cryptograffeg cwantwm, ac electroneg y dyfodol.

Bydd cymhwyso egwyddorion mecaneg cwantwm a’u profi’n drylwyr yn parhau i wella ein dealltwriaeth o ddeunyddiau cwantwm ac yn ein galluogi i ddarganfod sut y byddai modd eu defnyddio, ac nid yw’r cyfyngiadau ar hynny’n hysbys eto.

Mae ein hymchwil yn trin a thrafod potensial deunyddiau cwantwm yn y dyfodol a sut y gall eu priodweddau gael eu defnyddio. Rydyn ni’n anelu i’n gwaith fod ar flaen y gad yn y maes cyffrous hwn ac yn gobeithio y bydd iddo oblygiadau dwys i’r gymuned wyddonol a’n dealltwriaeth o’r bydysawd.

Wedi’u lleoli yn y cyfleusterau ymchwil rhagorol yn yr Ysgol Ffiseg a Seryddiaeth, mae ein staff yn ymwneud â nifer o brosiectau ymchwil parhaus ar hyn o bryd, yn ogystal â chefnogi’r ymchwil ôl-raddedig hynod weithgar yn yr Ysgol.

Prosiectau

• Cydlynu a Chyplu Dotiau Cwantwm Unigol
• Diraddio ym maes Dotiau Cwantwm
• Datblygu dyfais metaddeunydd ar gyfer dyfeisiau lled-optegol
• Dyfeisiau Cwantwm sy’n Seiliedig ar Droelli a Gwefru
• Dargludiad Moleciwlau Unigol
• Ffiseg Laserau Dotiau Cwantwm InAs
• Electrodynameg Ceudodau Cwantwm gyda Dotiau Cwantwm
• Magnetedd rhwystredig