Mae ein grŵp yn canolbwyntio ar wahanol agweddau ar Brosesu Iaith Naturiol, yn ddamcaniaethol ac yn gymhwysol. Un o is-feysydd Deallusrwydd Artiffisial yw Prosesu Iaith Naturiol, sy'n ymwneud â’r ffordd y mae cyfrifiaduron yn delio ag iaith. Mae'n ddiwydiant byd-eang sy'n tyfu, gyda gwaith ymchwil yn mynd rhagddo i sawl cyfeiriad gwahanol.
Rydyn ni’n credu mai pwnc rhyngddisgyblaethol ei natur yw Prosesu Iaith Naturiol a gellir gweld hyn yn niddordeb ein grŵp mewn arbenigwyr ym maes Prosesu Iaith Naturiol a meysydd eraill, sy’n gallu datblygu’r maes a sicrhau effaith mewn cymwysiadau sydd o bwys.
Nodau
- Deall sut mae cyfrifiaduron yn delio ag iaith a thestun.
- Gwella adnoddau awtomatig sy’n delio ag iaith.
- Rhoi systemau Prosesu Iaith Naturiol ar waith mewn cymwysiadau a gaiff effaith gymdeithasol.
Ymchwil
Rydyn ni’n gwneud gwaith ymchwil i bynciau amrywiol sy’n ymwneud â Phrosesu Iaith Naturiol, gan gynnwys:
- semanteg eiriol
- rhesymu synnwyr cyffredin
- cyfryngau cymdeithasol
- Prosesu Iaith Naturiol amlieithog
- cymwysiadau sy'n gysylltiedig ag iechyd.
Prosiectau
Caiff ein prosiectau Prosesu Iaith Naturiol ryngddisgyblaethol eu hariannu gan Gyngor Ymchwil Ewrop (ERC), Llywodraeth Cymru, Ymchwil ac Arloesedd y DU (UKRI), Cyngor Ymchwil y Gwyddorau Ffisegol a Pheirianneg (EPSRC), y diwydiant (megis Google, Snap) ac eraill.
Dyma sampl fach o allbynnau rhai o'n prosiectau:
- TweetEval: meincnod unedig ar gyfer dosbarthu trydariadau + modelau iaith parod ar gyfer Twitter
- Meemi: mewnosodiadau geiriau trawsieithog (côd+modelau parod). Hefyd ar gael ar gyfer Twitter
- Mewnosodiadau perthnasau: pecynnau i ddysgu mewnosodiadau perthnasau (SeVeN a RELATIVE)
- T-NER: llyfrgell Python ffynhonnell agored ar gyfer Adnabod Endidau a Enwir.
Cwrdd â’r tîm
Prif ymchwilydd
Staff academaidd
Yr Athro Alun Preece
Athro Cyd-Gyfarwyddwr Systemau Deallus y Sefydliad Arloesi Diogelwch, Trosedd a Chudd-wybodaeth
Digwyddiadau
Rydyn ni’n trefnu sesiynau wythnosol bob dydd Iau am 13:00 (GMT).
Mae'r sesiynau hyn yn cynnwys grwpiau darllen neu sgyrsiau gan siaradwyr mewnol ac allanol, ymhlith eraill. Mae rhai sesiynau ar agor i bobl o’r tu allan i’r brifysgol mewn rhai achosion.
Gweler yr amserlen ddiweddaraf o weithgareddau.
Ysgolion
Camau nesaf
Ymchwil sy’n gwneud gwahaniaeth
Mae ein hymchwil yn gwneud gwahaniaeth i fywydau pobl wrth i ni gweithio ar draws disgyblaethau er mwyn ymgodymu â phrif heriau sy’n wynebu’r gymdeithas, yr economi ac ein hamgylchedd.
Ymchwil ôl-raddedig
Mae ein graddau ymchwil yn rhoi'r rhyddid i chi i archwilio pwnc arbennig mewn dyfnder ymhlith ymchwilwyr blaenllaw.
Ein heffaith ymchwil
Mae'r astudiaethau achos hyn yn rhoi sylw i rai o'r meysydd lle rydym yn cael effaith ymchwil gadarnhaol.