Mae data amlgyfrwng, megis testun, sain, delweddau, animeiddiadau a fideo, wedi dod yn rhan annatod o fywyd bob dydd.

Rydym yn cynnal ymchwil i ddeall, creu, dadansoddi a phrosesu cynnwys amlgyfrwng. Rydym yn canolbwyntio ar ddatblygu technolegau a systemau sy'n gwella profiad a pherfformiad dynol, ac sy'n mynd i'r afael â'r heriau sy'n wynebu’r rhai sy’n darparu gwasanaethau cynnwys ar-lein.

Mae cyfrifiadura amlgyfrwng hefyd o fudd i ystod eang o feysydd, gan gynnwys iechyd, telathrebu, diogelwch ac addysg.

Mae gan y grŵp hanes cryf o gyflawni effaith drwy ymchwil. Mae ein hymchwil yn dod a modelau mathemategol, deallusrwydd artiffisial, technegau dysgu peiriannol, a ffactorau dynol mewn datblygu algorithmau a gwerthuso ynghyd.

Mae ein harbenigedd yn cwmpasu ystod eang o bynciau, gan gynnwys prosesu delweddau, golwg cyfrifiadurol, realiti estynedig/rhithwir, cerddoriaeth gyfrifiadurol, dadansoddi lleferydd, a delweddu. Mae gennym hanes cryf o gydweithio yn y Brifysgol a'r tu allan iddi.

Nodau

• Datblygu algorithmau ar gyfer dadansoddi, prosesu ac asesu data amlgyfrwng
• Datblygu systemau sy'n gwella profiad a pherfformiad dynol
• Datblygu technolegau sy'n datrys heriau deallusol, diwydiannol a chymdeithasol

Prosiectau

Cyllid

Enw’r prosiect: Cyfuno’r gallu i greu afatar fideo realistig â llwyfan gwybodaeth gofal iechyd sy’n defnyddio deallusrwydd artiffisial
Wedi'i ariannu gan: Partneriaeth Trosglwyddo Gwybodaeth
Prif ymchwilydd: Yr Athro David Marshall

Prif ymchwilydd: Yr Athro David Marshall

Digwyddiadau

Cyflwynir seminarau yn y gyfres seminarau ymchwil cyfrifiadura gweledol.