Ymchwil

Mecanweithiau imiwnedd yr endid lletyol wrth ymateb i diwmorau a heintiau ar feinwe

Mae monocytau gwaed amgantol yn cael eu galw i ficro-amgylcheddau tiwmor, lle maent yn cael eu trosi i fod yn facroffagau cysylltiedig â’r tiwmor, naill ai yn facroffagau llidiol M1 (gwrth-diwmor) neu’n facroffagau gwrthlidiol M2 (tyfiant tiwmor / metastasis).  Gan nad ydyn ni’n deall y mecanweithiau sy'n rheoleiddio ffurfiant macroffagau M1 ac M2 mewn amgylcheddau tiwmor, yn llwyr, mae ein hymchwil yn ymchwilio i'r mecanweithiau y mae micro-amgylcheddau tiwmor yn eu defnyddio i achosi digwyddiadau o'r fath.

Mae microbiota geneuol o bwys nid yn unig o ran iechyd y geg, ond hefyd o ran iechyd systemig. Mae ymatebion yr endid lletyol i ficrobiota geneuol wedi'u cysylltu â chlefydau cardiofasgwlaidd a diabetes mewn pobl. Rydym yn ymchwilio i sut mae celloedd imiwnedd a macroffagau cynhenid yn ymateb i fioffilmiau microbaidd a'r mecanweithiau cysylltiedig; gellid, o bosib ddefnyddio’r rhain i helpu i wneud diagnosis a thrin clefydau geneuol a systemig.

Streptococcus pneumoniae yw prif achos niwmonia a drosglwyddir yn y gymuned, gydag 20% o achosion yn gwaethygu i fod yn heintiau ar lif y gwaed ac yn arwain at gyfradd uchel o farwolaethau.  Mae ein hastudiaethau’n ymchwilio i ymatebion celloedd T rheoleiddiol i Streptococcus pneumoniae, gyda’r nod o ddefnyddio’r canfyddiadau hyn i ddatblygu brechlynnau newydd yn erbyn niwmonia a achosir gan Streptococcus pneumoniae.