Bydd y Ganolfan Gofal Cymdeithasol a Dysgu Deallusrwydd Artiffisial (SCALE) yn harneisio potensial Deallusrwydd Artiffisial ym maes gofal, gyda'r nod o roi hwb i weithgarwch ac adeiladu màs critigol mewn maes ymchwil trawsddisgyblaethol newydd, cyffrous a chyflym.
Mae galw cynyddol a thoriadau mewn cyllid ar gyfer gofal cymdeithasol yn creu heriau sylweddol i'r sector. Mae deallusrwydd artiffisial yn cynnig y potensial i fynd i'r afael â'r heriau hyn, ac adeiladu gwasanaethau gofal cymdeithasol craffach, mwy ystwyth a mwy effeithiol sy'n cefnogi ac yn gwella perthnasoedd dynol.
Fe wnaethon ni lansio ym mis Ebrill 2025 ar ôl derbyn £1.8 miliwn o gyllid gan Ymchwil Iechyd a Gofal Cymru.
Amcanion
Gan fod gan benderfyniadau anghywir mewn gofal cymdeithasol botensial uchel o niwed, bydd cyflwyno Deallusrwydd Artiffisial yn gofyn am dechnegau newydd i reoli risg a diogelwch. Mae'n rhaid i atebion hefyd fod yn gost-effeithiol, a sicrhau nad oes unrhyw rhaniad digidol yn lefel ac ansawdd y gofal a ddarperir.
Bydd SCALE yn sicrhau effaith go iawn trwy roi'r rhai sydd â phrofiad uniongyrchol o wasanaethau wrth wraidd ein gwaith. Byddwn yn cynnwys defnyddwyr gwasanaeth o ofal cymdeithasol oedolion a phlant, yn ogystal ag ymarferwyr a llunwyr polisi, i adeiladu cydweithrediadau hirdymor cynaliadwy ac i sicrhau cyllid allanol.
Ymchwil
Bydd ein hymchwil yn cwmpasu pob maes Gofal Cymdeithasol Plant ac Oedolion gyda Deallusrwydd Artiffisial (gan gynnwys Prosesu Iaith Naturiol, Gwyddor Data a Dadansoddeg, Roboteg, Cyfrifiadura Gweledol).
Byddwn yn canolbwyntio i ddechrau ar:
- gefnogi'r gweithlu gofal cymdeithasol ac arweinyddiaeth
- cefnogi oedolion, plant, gofalwyr a theuluoedd
- dadansoddi data mewn ffyrdd newydd a diddorol
Pobl
Bydd SCALE yn dod â grŵp trawsddisgyblaethol o ymchwilwyr Prifysgol Caerdydd o'r Ysgol Cyfrifiadureg a Gwybodeg, y Ganolfan Ymchwil a Datblygu Gofal Cymdeithasol i Blant (CASCADE), y Ganolfan Gofal Cymdeithasol i Oedolion (CARE), ynghyd â'r Ganolfan Treialon Ymchwil (CTR) a'r Banc Data Cyswllt Diogel Gwybodaeth Ddienw (SAIL) ym Mhrifysgol Abertawe.
Partneriaid
Camau nesaf
Ymchwil sy’n gwneud gwahaniaeth
Mae ein hymchwil yn gwneud gwahaniaeth i fywydau pobl wrth i ni gweithio ar draws disgyblaethau er mwyn ymgodymu â phrif heriau sy’n wynebu’r gymdeithas, yr economi ac ein hamgylchedd.
Ymchwil ôl-raddedig
Mae ein graddau ymchwil yn rhoi'r rhyddid i chi i archwilio pwnc arbennig mewn dyfnder ymhlith ymchwilwyr blaenllaw.
Ein heffaith ymchwil
Mae'r astudiaethau achos hyn yn rhoi sylw i rai o'r meysydd lle rydym yn cael effaith ymchwil gadarnhaol.