Byddwn yn hyrwyddo astudiaethau rhyngddisgyblaethol sy’n ymwneud â’r Oesoedd Canol gan ddod ag arbenigwyr o nifer o feysydd pynciol gwahanol ym Mhrifysgol Caerdydd at ei gilydd i gydweithio ar faterion ymchwil ac addysgu graddedigion.

Ein nod yw hyrwyddo astudiaethau rhyngddisgyblaethol o’r Oesoedd Canol, gan ddod ag arbenigwyr o nifer o feysydd pynciol gwahanol yn y Brifysgol at ei gilydd i gydweithio ar ymchwil o safon ac addysgu graddedigion. Ymhlith aelodau’r Ganolfan mae staff a myfyrwyr ôl-raddedig o’r Ysgol Hanes, Archaeoleg ac Astudiaethau Crefyddol, Saesneg, Cyfathrebu ac Athroniaeth a’r Gymraeg.

Rydym yn cynnal rhaglen reolaidd o seminarau ymchwil sy’n rhoi’r cyfle i academwyr gydweithio â’i gilydd a thrafod yn ogystal â dod ag ysgolheigion dramor i’r Brifysgol. Mae ein digwyddiadau academaidd a chymdeithasol yn agored i ganoloeswyr nad ydynt yn aelodau o’r Brifysgol yn y rhanbarth, a bydd y rhain yn ymuno â’n gweithgareddau’n aml.

Cwrdd a'r tîm

Staff academaidd

Myfyrwyr ol-raddedig

Digwyddiadau

Rhaglen Seminarau

Rydym yn cynnal rhaglen rheolaidd o seminarau ymchwil gan siaradwyr allanol ar draws ein meysydd pynciol gwahanol.

2024-5

1 Hydref: ‘How to end wars – comparing the medieval and modern’, Dr Jenny Benham (Prifysgol Caerdydd) a Dr Miranda Melcher (ymchwilydd annibynol)

12 Tachwedd: ‘The Late Medieval Life of a Lesser-Known Welsh Saint, St Ieuan Gwas Padrig of Llwyn and Cerrigydrudion’, Yr Athro Jane Cartwright (Prifysgol Cymru Y Drindod Dewi Sant)

10 Rhagfyr: ‘William of Tyre looks West’, Dr Andrew Buck (Prifysgol Caerdydd)

4 Chwefror: ‘The Evidence for Bear Baiting: Literary, Visual and Archaeological Perspectives’, Dr Liam Lewis (Prifysgol Caerdydd)

11 Mawrth: Casgliad o bapurau gan ymchwilwyr ôl-radd Prifysgol Caerdydd - Jessica Shales (Ysgol y Gymraeg); Callum Smith (Ysgol Hanes, Archaeoleg a Chrefydd); Caitlin Coxon (Yr Ysgol Saesneg, Cyfathrebu ac Athroniaeth)

Darlith Henry Loyn

Mae Canolfan Astudiaethau’r Oesoedd Canol yn trefnu Darlith Goffa Henry Loyn bob dwy flynedd. Yn Ebrill 2024, traddodwyd y ddarlith gan yr Athro Huw Pryce ar y pwnc ‘Mynd i’r afael â’r amgylchedd yn Gerallt Gymro’.

Bydd manylion Darlith Goffa Henry Loyn 2026 yn cael eu rhannu yma.

Cynadleddau a Gweithdai

Yn Ebrill 2024, cynhaliwyd cynhadledd rhyngddisgyblaethol ar Gymru’r Oesoedd Canol gyda chefnogaeth Canolfan Astudiaethau’r Oesoedd Canol. Bu siaradwyr o ystod o ddisgyblaethau (gan gynnwys hanes, archaeoleg a llenyddiaeth) yn cyflwyno papurau ar yr ymchwil ddiweddaraf ar y Gymru ganoloesol.

Yn Haf 2024, cynhaliodd y Ganolfan dwy weithdy ar balaeograffeg a golygu testunau. Roedd y gweithdai hyn yn cynnwys hyfforddiant, papurau ar amrywiol agweddau, ac yn cynnig cyfle i fynychwyr rwydweithio gyda chanoloesegwyr o sefydliadau eraill.