Datblygu a defnyddio technegau sbectrosgopeg, gan gynnwys cyseinedd parafagnetig electronau a sbectrosgopeg mwyhau ceudod, yn ogystal â dulliau cyfrifiadurol modern, i’w defnyddio gyda rhywogaethau sydd o ddiddordeb cemegol a biolegol, megis deall strwythur a deinameg rhyngolynnau adweithiol, catalyddion a biofoleciwlau.
Mae ein diddordebau ymchwil yn canolbwyntio ar ddatblygu technegau sbectrosgopeg uwch a’u cymhwyso, ynghyd ag ymchwil ddamcaniaethol sylfaenol i adeiledd electronig a moleciwlaidd.
Ymhlith ein prif gryfderau yw Cyseiniant Paramagnetig Electron (EPR) a sbectrosgopeg laser mwyhau ceudod, sy’n cael eu defnyddio i daflu goleuni ar fecanweithiau a phriodweddau rhywogaethau dros dro sy'n berthnasol i amrywiol feysydd mewn cemeg.
Mae’r gwaith damcaniaethol yn cynnwys datblygu dulliau newydd at ddibenion gwella cywirdeb a dibynadwyedd cyfrifiadau egwyddor gyntaf, wedi’u cymhwyso i ragfynegi a deall strwythur ac adweithedd moleciwlaidd, a rhyngweithiadau rhyng-foleciwlaidd a rhai o fewn y moleciwl nad ydynt yn gofalent.
Caiff llawer iawn o'n gwaith ei wneud ar y cyd ag adrannau ymchwil eraill, gan gynnwys Catalysis a Gwyddoniaeth Ryngwynebol, Cemeg Fiolegol, a Synthesis Moleciwlaidd.
Ymchwil
Diddordebau ymchwil
Mae gan y grŵp amrediad eang o ddiddordebau ymchwil, gan gynnwys:
Sut y defnyddir Cyseiniant Paramagnetig Electron (EPR)
- Dealltwriaeth fecanyddol o lwybrau adweitheddau mewn catalysis unffurf
- Ymchwilio i ffotocatalysis golau gweladwy o systemau metel ocsid
- Canfod y rôl y mae rhyngolynnau radical rhydd yn ei chwarae mewn ocsideiddio catalytig dethol, ac ymchwilio iddi
- Deall y strwythur a’r newidiadau cydffurfiadol i gymhlygion metel trosiannol sy'n berthnasol i gatalysis anghymesur
Mae gennyn ni ddiddordeb hefyd mewn datblygu dulliau aflonyddu o astudio cineteg adweithiau catalytig, gan gynnwys gwasgedd ac aflonyddiadau a ysgogir gan MW, a hynny er mwyn monitro rhyngolynnau paramagnetig di-ecwilibriwm sy’n ymwneud ag adweithiau catalytig.
Sbectrosgopeg uwchfioled ac isgoch uwch
- Ymchwilio i sbectrosgopeg mymrynnau nwyon atmosfferig a radicalau, gan ddefnyddio trawsnewidiadau optegol uwchfioled ac isgoch at ddibenion canfod hynod ddetholus
- Defnyddio sbectrosgopeg isgoch i ymchwilio i fecanweithiau adweithiau atmosfferig radical a'u cineteg adweithiol
- Defnyddio sbectrosgopeg isgoch i fynd i wraidd mecanweithiau cnewyllol aerosol a’u cyfansoddiad
Datblygu dulliau damcaniaethol newydd
- Datblygu brasamcanion a dulliau cyfrifiannu newydd at ddibenion gwella cywirdeb a dibynadwyedd strwythur electronig moleciwlaidd egwyddor gyntaf
- Rhoi dulliau ab initio ar waith ar gyfer moleciwlau mawr, gan gynnwys methodoleg graddio llinellol, a dulliau mewnblannu hybrid
- Cyfrifiadura perfformiad uchel, gan gynnwys cyfrifiadura cyfochrog
Cymhwyso dulliau damcaniaethol
- Astudiaethau damcaniaethol o ryngweithiadau nad ydynt yn gofalent, gan gynnwys bondio hydrogen a phentyrru π, a'u rôl mewn moleciwlau biolegol a chyffuriau
- Priodweddau moleciwlaidd i ddisgrifio a rhagfynegi rhyngweithiadau rhyng-foleciwlaidd a rhai o fewn y moleciwl
- Rhagfynegi hydoddiant a chludo cyfansoddion fferyllol a diwydiannol
- Ymchwil ddamcaniaethol ar fondio cemegol ac adweithedd mewn cyfansoddion organig ac anorganig
Cewch chi hyd i ragor o fanylion am aelodau’r grŵp a’u diddordebau ymchwil drwy edrych ar eu proffiliau unigol.
Cwrdd â’r tîm
Group leader
Staff academaidd
Ysgolion
Y Camau nesaf
Ymchwil sy’n gwneud gwahaniaeth
Mae ein hymchwil yn gwneud gwahaniaeth i fywydau pobl wrth i ni gweithio ar draws disgyblaethau er mwyn ymgodymu â phrif heriau sy’n wynebu’r gymdeithas, yr economi ac ein hamgylchedd.
Ymchwil ôl-raddedig
Mae ein graddau ymchwil yn rhoi'r rhyddid i chi i archwilio pwnc arbennig mewn dyfnder ymhlith ymchwilwyr blaenllaw.
Ein heffaith ymchwil
Mae'r astudiaethau achos hyn yn rhoi sylw i rai o'r meysydd lle rydym yn cael effaith ymchwil gadarnhaol.