Dinas Hanesyddol Ajmer-Pushkar: mapio haenau o hanes, defnydd ac ystyr ar gyfer cynllunio a chadwraeth gynaliadwy

Y Cefndir

Mae Ajmer a Pushkar, sydd ill dwy wedi’u lleoli yn Rajasthan, yn ganolfannau pererindod ffyniannus ar gyfer gwahanol grefyddau, sy’n denu miloedd o ffyddloniaid yn ystod gwyliau crefyddol. Mae’r cynnydd chwim a welwyd yn nifer y twristiaid wedi gosod straen aruthrol ar y seilwaith. Ffocws yr ymchwil oedd ymchwilio i’r rôl y mae credoau a chymdeithasau, prosesau o gynnal defodau crefyddol, ac ymddygiad ffyddloniaid a phererinion yn y ddau le yn ei chael, er mwyn gosod y rhain yn ffactorau hanfodol wrth geisio dylunio a diogelu mannau cyhoeddus sydd ag arwyddocâd crefyddol.

Y prif nod oedd cynllunio a chreu prototeipiau ar gyfer adnoddau digidol, ac ynddyn nhw fyddai’r canlynol: delweddau a gwybodaeth am y ddinas, ei hanes a'i threftadaeth, gan ganiatáu i grwpiau gwahanol allu myfyrio, cyfnewid barn a chynnal deialog yn eu cylch.

Mae'r modelau rhyngweithiol a gafodd eu creu’n rhan o'r prosiect hwn eisoes wedi’u llwytho ar-lein i allu ychwanegu atyn nhw a’u beirniadu. Ar ben hynny, anfonwyd canfyddiadau a ddaeth yn sgil yr astudiaeth hon at yr awdurdodau perthnasol.

Gweithdy

Ar 18 a 19 Chwefror 2016, cafodd gweithdy rhyngddisgyblaethol ei gynnal yn Akbari Qila, Ajmer. Yn y gweithdy hwnnw, tynnwyd ar arbenigedd a safbwyntiau amrywiol er mwyn coethi’r adnoddau hyn ymhellach, yn ogystal â thrafod y dulliau o gasglu rhagor o ddata ar ragdybiaethau gwahanol am y ddinas a’r gwahanol weithgareddau a wneir ynddi.

Allbynnau'r prosiect

Cynhaliwyd y prosiect hwn o fis Ionawr 2016 tan fis Rhagfyr 2016. Mae modd cael hyd i ragor o fanylion am weithgareddau ac allbynnau'r prosiect ar wefan y Dronah Foundation:

The town of Pushkar in India with historic white buildings and birds in mid-flight.

Dronah Foundation - project summary and findings

A summary of the project to map layers of history, use and meaning in the historic city of Ajmer Pushkar for sustainable planning and conservation.

Y tîm

Prif Ymchwilydd

Yr Athro Adam Hardy (Ysgol Pensaernïaeth Cymru), Prif Ymchwilydd

Cyd-ymchwilwyr

Dr Shikha Jain (DRONAH Foundation)
Dr Oriel Prizeman (Ysgol Pensaernïaeth Cymru)
Yr Athro Ajay Khare (SPA Bhopal)
Dr Norbert Peabody (Coleg Wolfson, Caergrawnt)
Dr Rima Hooja
Manas Murthy
Vanicka Arora
Uttra Dasgupta
Pooja Agarwal
Uditi Agarwal
Neha Saxena
Dr Vishakha Kawathekar, Ramesh Bhole, Shweta Vardia, gyda myfyrwyr o SPA Bhopal
Dr Vaishali Latkar, gyda myfyrwyr o Goleg Pensaernïaeth Singhad, Pune

Cynghorwyr Arbenigol

Rhwydwaith o aelodau, a’r sawl a gymerodd ran yn y gweithdy ym mis Chwefror.

Yr Athro AGK Menon, Cynullydd INTACH, Delhi
Dr Yaaminey Mubayi, Cymdeithasegydd, Uwch-gymrawd ICHR
Ratish Nanda, Aga Khan Trust for Culture
Dr Rohit Jigyasu, Llywydd, ICOMOS India Pwyllgor Gwyddonol Cenedlaethol
Munish Pandit, Pensaer
Yr Athro Kiran Mahajani, Coleg Pensaernïaeth Aayojan, Jaipur
Shahul Ameen, Uwch-ddarlithydd, Canolfan Rheoli Treftadaeth, Prifysgol Ahmedabad
Sri Raman, Archeolegydd Goruchwylio, Cylch ASI Jodhpur

Prif gydweithredwyr

Ysgol Pensaernïaeth Cymru, Prifysgol Caerdydd
Ysgol Cynllunio a Phensaernïaeth (SPA), Bhopal
DRONAH Foundation

Arianwyr

Ariannwyd y prosiect hwn gan Gyngor Ymchwil y Celfyddydau a'r Dyniaethau (AHRC) a Chyngor Ymchwil Hanesyddol India (ICHR) drwy Grant Rhwydweithio Ymchwil ar "Treftadaeth Ddiwylliannol a Threfoli Cyflym yn India". Cynhaliwyd y prosiect hwn o fis Ionawr 2016 tan fis Rhagfyr 2016.