Platfform Map Cyhoeddus
Nod ein prosiect gwerth £4.6 miliwn a ariennir gan Gyngor Ymchwil y Celfyddydau a’r Dyniaethau (AHRC), sef 'Y Platfform Map Cyhoeddus' yw rhoi’r grym yn nwylo cymunedau drwy gynnig platfform y mae modd ei addasu sy'n integreiddio lleisiau amrywiol i mewn i ddata gofodol, a hynny er mwyn gwella’r broses o wneud penderfyniadau a dyrannu adnoddau.
Gan ddechrau ar Ynys Môn, sy’n symbol o wydnwch cymunedol, mae’r prosiect hwn wedi cael cryn dipyn o gymorth gan awdurdodau lleol sy'n awyddus i wella lles y gymuned yno. Yn y prosiect hwn, prif ffocws ein tîm yw mapio Ynys Môn yn amgylcheddol, gan fynd i'r afael â gwres, llygredd aer, a llifogydd drwy fonitro ar y safle mewn ysgolion a chynnal teithiau cerdded gwledig ar yr hinsawdd, mewn cydweithrediad â gwyddonwyr dinasyddiaeth.
Mae'r dull hwn nid yn unig yn ysgogi unigolion i wella eu hamodau byw, ond mae hefyd yn rhoi canllawiau i awdurdodau lleol fedru lliniaru’r straen ar yr amgylchedd. Yn y bôn, diben y prosiect yw ceisio grymuso gwydnwch amgylcheddol y gymuned drwy gyfuno technoleg ac ymgysylltu’n weithredol â’r cyhoedd. Ynghlwm wrth y prosiect ymchwil amlddisgyblaethol hwn y mae Prifysgol Caergrawnt, Prifysgol Caerdydd, a Phrifysgol Glyndŵr.
