Canolfan Ymchwil Cinaesioleg Glinigol (Labordy RCCK)
Mae Labordy RCCK yn labordy dadansoddi symudiadau o'r radd flaenaf.
Offer
| Enw | Brand/model | Manylion |
|---|---|---|
| GRAIL | MMGRA-30140601 | Mae'r GRAIL yn cynnwys melin draed wedi’i hofferynnu ac iddi ddau felt, system recordio symudiadau ac amgylchedd realiti rhithwir cydamserol a thri chamera fideo. Mae dau felt i’r felin draed, gyda phlatiau grym integredig wedi'u gosod ar ffrâm symudiadau â dwy radd o ryddid. Mae mecanwaith harnais ynghlwm wrth y nenfwd ar gyfer diogelwch ac mae canllawiau ar bob ochr i'r felin draed. Mae sgrîn taflunio silindrog 180o o flaen y system gyda 3 thaflunydd wedi'u gosod ar y nenfwd i roi tafluniadau lens ongl lydan. Mae camerâu recordio symudiadau (isgoch) wedi'u gosod ar y nenfwd a'r wal. Caiff hwn ei gefnogi gan rac gweinydd sy'n dal cyfrifiadur D-Flow, cyfrifiadur recordio symudiadau, generadur delweddau (meddalwedd taflunydd), gweinydd fideo, switsh prif rwydwaith, switsh rhwydwaith fideo, KVM (fideo, switsh llygoden bysellfwrdd), Vicon lock+ a mwyhadur sain. Mae yna hefyd gabinet rheoli melin draed (MIC). Caiff hyn oll ei gyflawni gan y ddesg weithredu lle mae tri monitor, dau fysellfwrdd a chonsol gweithredu system. Mae'r feddalwedd yn cynnwys D-Flow, MoCap a Nexus. Mae'r GRAIL wedi'i integreiddio ag offer sy'n ein galluogi i fonitro lefelau gweithgaredd y cyhyrau (trwy electromyograffeg arwyneb) yn ystod symudiadau ac ysgogi nerfau neu gyhyrau’n drydanol neu roi ysgogiad trawsgreuanol magnetig (i’r ymennydd) wrth gerdded ar felin draed. |
| Camera Vicon | Vero 2.2 | Mae’r system hon yn cynnwys system Vicon Vero v2.2 12-camera, gyda chamerâu wedi’u gosod ar y waliau neu drybeddau neu wedi’u gosod ar y nenfwd, dau gamera fideo Vue ac un cyfrifiadur recordio a monitor. Mae dau blât grym yn y llawr sy’n integreiddio â’r system Vicon. |
| Tobii Pro Spectrum | Tobii Proc Spectrum | Mae Tobii Pro Spectrum yn system tracio’r llygaid perfformiad uchel a ddyluniwyd gyda nodweddion uwch sy'n caniatáu tracio’r llygaid yn fanwl gywir mewn amrywiol amgylcheddau a gweithgareddau. Mae'r system yn gallu recordio data manwl ar syllu, symudiadau llygaid, a maint canhwyllau llygaid, gan ei gwneud yn ddefnyddiol ar gyfer deall sylw gweledol, prosesau gwybyddol, ac ymddygiad defnyddwyr wrth wneud tasgau cymhleth. |
| Tobii Glasses 2 | Tobii Glasses 2 | Mae Tobii Glasses 2 yn ddyfais tracio llygaid arloesol y gellir ei gwisgo ar gyfer astudio ymddygiad a sylw gweledol yn y byd go iawn. Mae'r ddyfais hon yn integreiddio technoleg tracio’r llygaid gyda fformat cryno, gwisgadwy. Felly mae’n addas ar gyfer amrywiaeth o gymwysiadau, megis astudiaethau profiad defnyddwyr, ymchwil glinigol, ac astudiaethau arsylwi mewn amgylcheddau naturiol. |
| Ysgogi magnetig trawsgreuanol (TMS) | Modiwl Magstim 200 BiStim | Ysgogi’r ymennydd yn anymwthiol – ysgogiadau pwls sengl ac mewn parau |
| Electromyogram (EMG) | System Delsys Trigno gyda synwyryddion Avanti a Quattro a gorsaf sylfaen di-wifr | System EMG aml-sianel di-wifr |
| Deinamometr Isocinetig Biodex | Biodex 840-10 | Deinamometr Isocinetig yw Biodex sy'n mesur cryfder a phŵer y cyhyrau |
Cysylltwch
Dr Catherine Purcell
- purcellc2@cardiff.ac.uk
- +44 (0)29 2251 0961
Lleoliad
-
Ty Dewi Sant
Ysbyty Athrofaol Cymru
Parc y Mynydd Bychan
CF14 4XN