Clinig

Mae Ian yn Athro Seiciatreg yn yr Is-adran Meddygaeth Seicolegol a Niwrowyddorau Clinigol ym Mhrifysgol Caerdydd. Mae hefyd yn Seiciatrydd Ymgynghorol Anrhydeddus yn Ymddiriedolaeth GIG Caerdydd a’r Fro.

Mae ei ddiddordebau ymchwil yn ymwneud ag anhwylderau sbectrwm deubegynol ac yn arbennig y berthynas rhwng anhwylderau hwyliau a genedigaeth.

Mae ei ddiddordeb clinigol yn y broses o nodi a rheoli menywod sydd mewn perygl mawr o episodau ôl-partum difrifol.

Mae Arianna Di Florio yn uwch ddarlithydd clinigol ym Mhrifysgol Caerdydd ac yn seiciatrydd ymgynghorol anrhydeddus ym Mhwrdd Iechyd Prifysgol Caerdydd a’r Fro.

Mae ei hymchwil yn astudio pam mae rhai menywod mewn mwy o berygl nag eraill o ddatblygu anhwylderau seiciatrig sy’n gysylltiedig â newidiadau mewn hormonau rhyw. Nod cyffredinol ei hymchwil yw gwella’r dull presennol o ymdrin ag iechyd meddwl menywod.

Yn glinigol, mae’n rhoi ail farn ledled y DU ar risg, diagnosis a rheolaeth anhwylderau seiciatrig difrifol sy’n gysylltiedig â digwyddiadau atgenhedlol fel y cylch mislif, genedigaeth a phontio i’r mislif. Yn fwy cyffredinol, mae’n darparu ail farn sy’n sensitif i ryw ar ddiagnosis a rheolaeth anhwylder deubegynol mewn menywod.

Mae Marisa Casanova Dias yn seiciatrydd academaidd clinigol yn yr Is-adran Meddygaeth Seicolegol a Niwrowyddoniaeth Glinigol ym Mhrifysgol Caerdydd a seiciatrydd ymgynghorol anrhydeddus ym Mwrdd Iechyd Prifysgol Caerdydd a'r Fro.

Mae ei diddordeb ymchwil mewn anhwylder deubegynol yn y cyfnod amenedigol.

Yn glinigol, mae'n rhoi ail farn ledled y DU ar ddiagnosis, a rheoli salwch meddwl difrifol, gan gynnwys cyngor cyn beichiogi.