Dysgwyr
Mae RemakerSpace yn cynnig cyfle i ddysgwyr gymryd rhan weithredol mewn gweithgareddau sy'n ymwneud ag ail-weithgynhyrchu, atgyweirio a chynaliadwyedd.
Mae ffocws y Ganolfan ar ymgysylltu trwy ddigwyddiadau a gweithdai arloesol, lle gallwn ymgysylltu â dysgwyr yn greadigol. Mae'n ffordd wych o ennill sgiliau ymarferol wrth gyfrannu at ddyfodol mwy cynaliadwy.
Mae’r ystod eang o offer sydd ar gael yn RemakerSpace yn rhoi’r cyfle i’r Ganolfan gyflwyno gweithgareddau ymgysylltu ac allgymorth i ddysgwyr gymryd rhan arloesol i ddatblygu a gwella eu gwybodaeth a’u dealltwriaeth o’r economi gylchol.
Sut rydyn ni yn gweithio gyda sefydliadau addysgol
Mae'r Ganolfan wedi cyflwyno gweithgareddau difyr yn llwyddiannus i ddysgwyr ar draws pob grŵp oedran. Dros y 12 mis diwethaf, rydyn ni wedi croesawu mwy na 500 o fyfyrwyr i'n Canolfan. Mae ein gweithdai rhyngweithiol, gyda phwyslais brwd ar ddylunio ac argraffu 3D, wedi ennyn diddordeb a chreadigrwydd ymhlith ein dysgwyr. Mae'r sesiynau hyn yn galluogi myfyrwyr i ryddhau eu dychymyg, cydweithio, a dyfeisio atebion arloesol i heriau'r byd go iawn.
“Cynigiodd RemakerSpace brofiad addysgol gwerthfawr i’n dysgwyr i ymgymryd â gweithgareddau a oedd yn ymgymryd â’r ymholiad yr oeddem ni yn ei gynnal yn yr ystafell ddosbarth. Roedd ymweliad y dosbarth â RemakerSpace yn galluogi disgyblion i ddysgu mewn ffordd ymarferol a chreadigol ac o ganlyniad, dyfnhau eu dysgu o amgylch rhaglenni dylunio ar-lein ac argraffu 3D. Roedd y disgyblion wedyn yn gallu myfyrio ar y sgiliau roedden nhw wedi’u dysgu ac yn gallu esbonio sut mae’r rhain i gyd yn sgiliau hanfodol ar gyfer y dyfodol!”
“Cynigiodd RemakerSpace weithdy diwrnod llawn sy’n rhan o ystod fwy. Mae Pasbort i'r Ddinas yn cydweithio â Phrifysgol Caerdydd i gyflawni ar gyfer ysgolion. Roedd y gweithdai’n cynnig cyfleoedd dysgu arbrofol, ymarferol, gyda mynediad at arbenigedd ac adnoddau, na fyddai’r dysgwyr yn cael y cyfle i’w profi fel arall. Roedd y wybodaeth a rannodd staff RemakerSpace gyda’r dysgwyr, a’r mynediad at dechnoleg safonol y diwydiant, yn cynnig cyfleoedd gwahanol i amgylchedd ystafell ddosbarth traddodiadol. Mae'r newidiadau presennol i'r cwricwlwm wedi golygu bod angen i ysgolion geisio cydweithio’n ystyrlon gyda gweithwyr proffesiynol yn y diwydiant. Gall RemakerSpace yn sicr gynnig profiad dysgu go iawn i geisio mynd i'r afael â hyn.”
Os oes gennych ddiddordeb mewn dysgu rhagor am ein sesiynau rhyngweithiol ac ymarferol i ddysgwyr, byddem yn falch iawn o rannu mwy o fanylion ac archwilio sut y gallwch gymryd rhan: