Cyfleoedd hyfforddi

Bydd y gweithdy undydd hwn ar gyfer gweithwyr proffesiynol yn rhoi dealltwriaeth fanwl i chi o weithgynhyrchu adiol (AM), gan gynnig taith tywys gynhwysfawr a chipolygon o’r broses, gan gynnwys dylunio ac ôl-brosesu.

Mae'r gweithdy hwn yn cynnwys:

• trosolwg cynhwysfawr o dechnolegau, deunyddiau a chymwysiadau sy’n gysylltiedig â gweithgynhyrchu adiol
• cipolwg ar y llif gwaith sy’n gysylltiedig ag argraffu 3D, o gynllunio gyda chymorth cyfrifiadur (CAD) i ôl-brosesu
• taith estynedig o amgylch cyfleusterau labordy Prifysgol Caerdydd

Ar gyfer pwy mae hwn:

• peirianwyr
• dylunwyr
• gweithwyr proffesiynol ym maes gweithgynhyrchu
• arweinwyr busnes
• rheolwyr
• entrepreneuriaid
• busnesau newydd

Manteision:

• Dealltwriaeth Drylwyr
  • Cewch wybodaeth sylfaenol am wahanol dechnolegau gweithgynhyrchu adiol, gan gynnwys trosolwg o ddeunyddiau a chymwysiadau.
• Arbenigedd Llif Gwaith
  • Cewch Gipolwg ar y Llif Gwaith Argraffu 3D, o ddylunio cychwynnol gyda chymorth cyfrifiadur (CAD) i'r camau terfynol ar ôl prosesu.
• Taith o Amgylch y Cyfleuster
  • Ewch ar daith o amgylch cyfleusterau gweithgynhyrchu adiol Prifysgol Caerdydd sy'n cynnwys ystod eang o brosesau a pheiriannau gweithgynhyrchu adiol. Dyma gyfle i ofyn cwestiynau, gweld samplau, peiriannau a lleoliadau labordai.
• Gwella Sgiliau
  • Datblygwch eich sgiliau proffesiynol, i fod yn fwy medrus ym maes gweithgynhyrchu adiol.
• Cyfleoedd i Rwydweithio
  • Cysylltwch â grŵp amrywiol o weithwyr proffesiynol, gan gynnwys peirianwyr, dylunwyr ac arweinwyr busnesau.
• Mantais Gystadleuol
  • Byddwch gam ar y blaen yn eich diwydiant trwy ddeall galluoedd technoleg gweithgynhyrchu adiol.

Bydd y gweithdy hanner diwrnod hwn yn trochi’r sawl sy’n cymryd rhan ym myd argraffu 3D gan ddefnyddio Modelu Dyddodiad Ymdoddedig (FDM) a Ffabrigo Ffilamentau Ymdoddedig (FFF), gan roi dealltwriaeth sylfaenol a’r sgiliau ymarferol sy'n hanfodol ar gyfer peirianneg a dylunio modern. Bydd y gweithdy hwn yn paratoi’r sawl sy’n cymryd rhan i ddatrys heriau yn y byd go iawn gan ddefnyddio argraffu 3D.

Mae'r gweithdy hwn yn cynnwys:

• dysgwch hanfodion argraffu 3D gan ddefnyddio FDM/FFF, gan gynnwys meddalwedd sleisio a chynhyrchu gcode
• byddwch chi’n cael profiad ymarferol o baratoi a dechrau argraffiad 3D
• byddwch chi’n trin a thrafod galluoedd argraffu 3D RemakerSpace a chael taith o amgylch y labordy
• gallwch chi gasglu darn wedi’i argraffu ar argraffydd 3D ar ddiwedd y sesiwn

Ar gyfer pwy mae hwn:

• peirianwyr
• dylunwyr
• gweithwyr proffesiynol ym maes gweithgynhyrchu
• arweinwyr busnes
• rheolwyr
• entrepreneuriaid
• busnesau newydd

Manteision:

• Gwybodaeth Hanfodol
  • Meddwch ar ddealltwriaeth o'r egwyddorion y tu ôl i argraffu FDM/FFF 3D.
• Profiad Ymarferol
  • Datblygwch sgiliau ymarferol wrth osod a chychwyn argraffiadau 3D.
• Cipolwg ar y Cyfleuster
  • Cymerwch gipolwg ar alluoedd argraffu 3D datblygedig yn RemakerSpace.
• Gwella Sgiliau
  • Datblygwch eich galluoedd peirianneg a dylunio, i fod yn fwy hyfedr wrth weithredu atebion argraffu 3D.
• Cysylltiadau Proffesiynol
  • Dewch i gwrdd a rhwydweithio gyda gweithwyr proffesiynol eraill yn y maes, gan gynnwys peirianwyr, dylunwyr ac arweinwyr busnes.

Mae’r cwrs hanner diwrnod hwn yn cynnig cyflwyniad ymarferol i ddylunio’n benodol ar gyfer argraffu 3D, gyda ffocws ar ddefnyddio egwyddorion dylunio ar gyfer gweithgynhyrchu adiol wrth ddefnyddio technolegau amrywiol ym maes gweithgynhyrchu adiol.

Mae'r cwrs hwn yn cynnwys:

• deall dylunio ar gyfer gweithgynhyrchu adiol a sut i’w ddefnyddio yn rhan o brosesau gweithgynhyrchu adiol
• canllawiau cyffredinol ynghylch dylunio ar gyfer gweithgynhyrchu adiol ar gyfer gwahanol dechnolegau gweithgynhyrchu adiol
• taith o amgylch labordy RemakerSpace a’i offer gweithgynhyrchu adiol

Ar gyfer pwy mae hwn:

• peirianwyr
• dylunwyr
• gweithwyr proffesiynol ym maes gweithgynhyrchu

Manteision:

• Gwybodaeth Graidd
  • Cewch sylfaen yn egwyddorion dylunio ar gyfer gweithgynhyrchu adiol a'u cymhwyso at wahanol brosesau gweithgynhyrchu adiol.
• Canllawiau Dylunio
  • Dysgwch ganllawiau ymarferol dylunio ar gyfer gweithgynhyrchu adiol sy'n berthnasol i ystod o dechnolegau argraffu 3D.
• Cipolwg ar y Cyfleuster
  • Crwydrwch o amgylch labordy RemakerSpace a'i offer gweithgynhyrchu adiol datblygedig.
• Meithrin Sgiliau
  • Rhowch hwb i'ch sgiliau dylunio, i fod yn fwy medrus wrth ddefnyddio argraffu 3D yn eich prosiectau.

Bydd y gweithdai pwrpasol hyn yn esbonio potensial dylunio ac argraffu 3D i fynd i’r afael â heriau cynaliadwyedd, wedi’u teilwra i anghenion unigryw eich sefydliad.

Mae'r gweithdai hyn yn cynnwys:

• mynd i'r afael â heriau cynaliadwyedd gyda dylunio ac argraffu 3D
• sesiynau trafod syniadau a phrototeipio
• ennill sgiliau dylunio 3D ymarferol i fynd i'r afael ag anghenion sy’n benodol i’ch cwmni

Ar gyfer pwy mae hwn:

• peirianwyr
• dylunwyr
• gweithwyr proffesiynol ym maes gweithgynhyrchu
• arweinwyr busnes
• rheolwyr
• entrepreneuriaid
• busnesau newydd

Bydd y cwrs hanner diwrnod hwn yn rhoi trosolwg o egwyddorion yr economi gylchol, rheoli adnoddau ymarferol, a strategaethau cynaliadwy ar gyfer y gadwyn gyflenwi.

Mae'r cwrs hwn yn cynnwys:

• cyflwyniad i gysyniadau o ran yr economi gylchol a'r strategaethau ‘10R’ craidd
• strategaethau ar gyfer adennill adnoddau ac ailgylchu wrth greu cynnyrch
• effaith cynaliadwyedd ar gadwyni cyflenwi

Ar gyfer pwy mae hwn: Gweithwyr proffesiynol sydd â diddordeb mewn egwyddorion yr economi gylchol.

Mantais:

• Dealltwriaeth Gynhwysfawr
  • Cewch afael gadarn ar egwyddorion economi gylchol a'r strategaethau 10R.
• Systemau Rheoli Adnoddau
  • Dysgwch strategaethau effeithiol ar gyfer adfer adnoddau ac ailgylchu wrth ddatblygu cynnyrch.
• Cadwyni Cyflenwi Cynaliadwy
  • Darganfyddwch sut i weithredu arferion cynaliadwy mewn cadwyni cyflenwi.
• Twf Proffesiynol
  • Datblygwch eich sgiliau a'ch gwybodaeth am gynaliadwyedd, i fod yn fwy gwerthfawr yn eich maes.
• Cyfleoedd i Rwydweithio
  • Cysylltwch ag unigolion o'r un anian sy'n angerddol am gynaliadwyedd