Datganiad Canlyniadau Gradd

Mae prifysgolion yng Nghymru a Lloegr yn cyhoeddi Datganiad o Ganlyniadau Graddau, fel y nodir yn Natganiad o Fwriad Pwyllgor Sefydlog Asesu Ansawdd y DU (UKSCQA), i ddiogelu gwerth graddau’r DU ac i ddangos sut mae safonau academaidd yn cael eu monitro a’u hadolygu.

Fe gyhoeddodd Prifysgol Caerdydd ei Datganiad cyntaf o Ganlyniadau Graddau yn 2020, a hwn yw’r ail Ddatganiad a gafodd ei ddiweddaru yn 2024.

Mae'r Datganiad o Ganlyniadau Graddau yn rhoi trosolwg o ddosbarthiad graddau'r Brifysgol. Mae canlyniadau myfyrwyr yn cael eu hadolygu’n feirniadol bob blwyddyn drwy system ansawdd academaidd y Brifysgol. Mae hyn yn sicrhau bod safonau academaidd yn cael eu pennu’n briodol a’u cynnal, gan gyfeirio at ddisgwyliadau allanol.

Ar ben hynny, mae'r Datganiad yn rhoi manylion arferion asesu, trefniadau llywodraethu, a chamau gweithredu yn y dyfodol i ddiogelu safonau academaidd dyfarniadau ac i wella dulliau dysgu ac asesu i sicrhau bod myfyrwyr yn gallu gwireddu eu potensial.