Gwybodaeth ariannol
Cadwodd y Brifysgol ddiffyg gweithredu sylfaenol o £12.7m yn 2022/23, cyn y newid yn narpariaeth pensiynau cynllun USS.
Yn 2022/23 cynyddodd cyfanswm ein hincwm i £636m, i fyny o £634m yn 2021/22. Ein gwariant oedd £639m gan gynnwys credydau cronfeydd pensiwn nad yw'n arian parod o £10m.
Adroddiad Blynyddol a Datganiadau Ariannol 2023
Y flwyddyn a ddaeth i ben ar 31 Gorffennaf 2023.
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Diffyg sylfaenol
| Costau gweithredu | (£m) |
|---|---|
| Gwariant | 639 |
| Ychwanegu credydau cronfa bensiwn nad ydynt yn arian parod | 10 |
| Costau Gweithredu Sylfaenol | 649 |
| Incwm | 636 |
| Costau Gweithredu Sylfaenol | -649 |
| Diffyg sylfaenol | -13 |
Cynhyrchwyd gennym £30m o arian parod yn sgil gweithgareddau gweithredu, gan fuddsoddi £57m i gaffael adeiladau a chyfarpar i staff a myfyrwyr.
Arian parod a'r hyn sy'n cyfateb i arian parod
| (£m) | |
|---|---|
| Arian parod cychwynnol | 96.4 |
| Gweithgareddau gweithredu | 30.3 |
| Buddsoddiad (gweler isod) | -76.2 |
| Cyllido | -13.9 |
| Arian parod terfynol | 36.6 |
Buddsoddiadau
| Gweithgareddau buddsoddi | £m |
|---|---|
| Buddsoddiad mewn tir ac adeiladau | 33.5 |
| Buddsoddiad mewn cyfarpar | 23.0 |
| Buddsoddiadau eraill | 19.7 |
| Cynfanswm | 76.2 |
Buddsoddiad mewn Adeiladau
| Buddsoddiad mewn Adeiladau | £m |
|---|---|
| Y Ganolfan Ymchwil Drosi (TRH) | 7.42 |
| Adleoli gofal iechyd | 8.79 |
| Buddsoddiad mewn adeiladau eraill | 8.79 |
| Cyfanswm | 33.50 |
Buddsoddiad mewn cyfarpar
| Buddsoddiad mewn cyfarpar | £m |
|---|---|
| Cyfarpar ymchwil | 9.49 |
| Cyfrifiaduron | 5.36 |
| Cyfarpar arall | 8.15 |
| Cyfanswm | 23.00 |
Parhaodd y flwyddyn ariannol a ddaeth i ben ar 31 Gorffennaf 2023 i’n herio, o ystyried bod heriau economaidd newydd wedi cyrraedd lefelau chwyddiant nas gwelwyd ers yr 1980au, yn enwedig mewn perthynas â chostau ynni.
Cafwyd colledion yng ngwerth ein portffolio buddsoddi ond arweiniodd cyfraddau llog uwch at newidiadau cadarnhaol yn ein rhwymedigaeth o ran pensiynau.
Roedd her chwyddiant yn golygu bod effaith wedi bod ar staff a myfyrwyr fel ei gilydd, ac aethom ati i gynnig cymorth gan wneud (ymhlith pethau eraill) taliadau unwaith ac am byth, dyfarniadau cyflog carlam, a rhagor o daliadau caledi i fyfyrwyr.
Bu gostyngiad hefyd yn incwm y ffioedd dysgu, a hynny’n bennaf o ganlyniad i beidio â chyflawni ein targedau recriwtio tramor, elfen a gafodd ei gwrthbwyso gan gynnydd mewn incwm ymchwil.
O ble y daw ein harian
Cawsom 4.0% yn llai na'r llynedd yn y ffioedd dysgu a chontractau addysg, a chafodd hyn ei wrthbwyso gan ymchwil ac incwm uwch yn ymwneud â gwasanaethau masnachol. Parhaodd y gweithgarwch ymchwil i dyfu yn ystod y flwyddyn ariannol hon, gan greu £134 miliwn o incwm.
Cyfanswm yr incwm
| Cyfanswm yr Incwm | £m |
|---|---|
| Ffioedd dysgu a chontractau addysg | 310.6 |
| Grantiau cyrff cyllido | 90.2 |
| Grantiau a chontractau ymchwil | 133.6 |
| Incwm arall | 90.9 |
| Incwm yn sgil buddsoddiad | 9.7 |
| Rhoddion a gwaddolion | 1.4 |
| Cynfanswm | 636.4 |
Yr hyn rydym yn gwario ein harian arno
Yn 2022/23, gwariasom £639m o’i gymharu â £607m y flwyddyn flaenorol. Cafwyd cynnydd o £32m, yn bennaf oherwydd y cynnydd mewn gwariant ar eiddo a gwariant academaidd.
Ar gyfartaledd, cynyddodd nifer y staff cyfwerth ag amser llawn 3%, a hynny’n bennaf mewn meysydd academaidd wrth inni ymdrechu i wella profiad y myfyriwr a chyflawni ein hymrwymiadau ymchwil. Roedd costau staff ar sail cyfran o’r incwm yn cyfateb i 57.1%, sef cynnydd o’i gymharu â’r flwyddyn flaenorol (54.2%).
Cynyddodd y treuliau gweithredu £13.4m i £226.3 miliwn yn ystod y flwyddyn. Rydym yn buddsoddi ymhellach yn y gwaith o gefnogi staff a myfyrwyr yn ogystal â sicrhau campws diogel tra bod amrywolion Covid-19 yn dal i gylchredeg ym mhoblogaeth y DU yn gyffredinol.
Cyfanswm y gwariant
Gwnaethom agor y Ganolfan Ymchwil Drosi yn swyddogol ym mis Mai. Diben craidd y Ganolfan hon yw darparu ymchwil wyddonol sy'n cael ei throi'n gyflym yn gynnyrch a phrosesau newydd sydd o fudd i’r gymdeithas.
Bydd y Ganolfan hefyd yn creu swyddi o safon i raddedigion ac yn rhoi hwb i dwf economaidd yn ein rhanbarth.