Pwyllgor Taliadau

Y Pwyllgor Taliadau yw'r corff sydd â chyfrifoldeb cyffredinol dros ymagwedd y Brifysgol at gyflogau.

Fel rhan o'r rôl hon, mae'n gwneud penderfyniadau am dâl yr unigolion yn swyddi uchaf y Brifysgol, gan gynnwys y Llywydd a'r Is-Ganghellor.

Prif rôl y Pwyllgor yw pennu fframweithiau a pholisïau tâl priodol ar gyfer cyflogau. Mae'n goruchwylio gwaith rheolwyr y Brifysgol o'u rhoi ar waith, ac yn cadarnhau eu bod yn cael eu gweithredu mewn modd priodol.

Polisi'r Brifysgol yw nad oes unrhyw un yn cyfrannu at y gwaith o bennu ei gyflog ei hun, felly mae'r Pwyllgor hefyd yn ysgwyddo'r cyfrifoldeb am bennu cyflog y Llywydd, Is-Ganghellor a’r rhai sy’n uniongyrchol atebol iddyn nhw ac y Rhag Is-gangellorion y Colegau.

Mae pwyllgor rheoli uwch ar wahân, Pwyllgor Cyflogau Athrawol a Staff Uwch, sy'n gyfrifol am roi'r polisïau a safonau a bennir gan y Pwyllgor Taliadau ar waith.

Mae'r Pwyllgor Taliadau wedi'i sefydlu gan y Cyngor, ac yn atebol iddo. Y Cyngor sydd ag atebolrwydd cyffredinol dros y Brifysgol, ond mae ganddo ddigon o awdurdod i weithredu'n annibynnol.

Mae cylch gorchwyl llawn y Pwyllgor Taliadau ar gael yn yr Cyfansoddiadau Pwyllgor Prif Bwyllgorau.

Aelodaeth

Mae gan y Pwyllgor Taliadau bedwar aelod, ac mae pob un ohonynt yn annibynnol o dîm rheoli'r Brifysgol. Mae Cadeirydd y Pwyllgor yn aelod annibynnol o'r Cyngor, ac mae cylch gorchwyl y Pwyllgor yn atal y swydd hon rhag cael ei dal gan Gadeirydd y Cyngor.

Pennaeth Arweinyddiaeth a Datblygiad Staff, neu aelod arall o’r tîm Adnoddau Dynol ar lefel gyfatebol, yw Ysgrifennydd y Pwyllgor.

Gallai fod gofyn i aelodau eraill tîm rheoli'r Brifysgol fynd i'r Pwyllgor Taliadau i'w lywio ac i gynnig cefnogaeth dechnegol, ond nid ydynt yn cymryd rhan mewn penderfyniadau. Mae gofyn iddynt adael yr ystafell ar gyfer trafodaethau ynglŷn â'u cyflog eu hun.

Polisi cyflog staff uwch