Bu’r Uned DPP yn cydweithio â Dr Saloomeh Tabari, Cyfarwyddwr y Rhaglen MBA Ysgol Busnes Caerdydd, i ddatblygu a chynnal Ysgol Haf Weithredol unigryw ar gyfer myfyrwyr MBA Prifysgol Xiamen. Drwy weithio gyda’n gilydd, fe wnaethon ni greu amgylchedd dysgu sy’n ysbrydoli gweithwyr proffesiynol o gefndiroedd gwahanol i ddysgu, rhwydweithio ac astudio gyda’i gilydd, ac annog y rhai sy’n cymryd rhan i gysylltu theori â’u hymarfer yn eu rolau proffesiynol yn Tsieina.

Fe wnaethon ni ddylunio’r rhaglen, a barodd wythnos ac a oedd yn gwbl bwrpasol, i fod yn brofiad dwys ac ymdrwythol i fyfyrwyr MBA sy’n gweithio yn y diwydiant ochr yn ochr â’u hastudiaethau. Roedd y rhaglen yn gyfuniad o ddarlithoedd, astudiaethau achos, siaradwyr gwadd a chyfleoedd i rwydweithio.

Cymerodd pum cynrychiolydd ran yn y rhaglen, a rheini o amrywiaeth o gefndiroedd gan gynnwys cyllid, peirianneg awyrofod a TG. Cynhaliwyd y digwyddiad yn Ystafell Addysg Weithredol ein Canolfan Addysgu Ôl-raddedig gwerth miliynau o bunnoedd. Roedd pedwar myfyriwr o raglen MBA Caerdydd yn astudio gyda nhw.

Dyma a ddywedodd Dr Saloomeh Tabari, arweinydd y rhaglen

Trwy ddefnyddio enghreifftiau amrywiol o bedwar ban byd mewn darlithoedd a chyflwyniadau, ac annog rhannu syniadau rhwng y cynadleddwyr gwadd a myfyrwyr MBA o Brifysgol Caerdydd, rydyn ni wedi creu rhaglen wirioneddol unigryw a fydd yn rhoi gwerth yn y byd go iawn pan fydd y rhai a oedd yn cymryd rhan yn dychwelyd adref.

Roedd ein rhaglen yn cynnwys meysydd pwnc sydd o ddiddordeb byd-eang megis dylunio gwasanaethau, ymarfer di-wastraff, deallusrwydd artiffisial a marchnata er dyfodol cynaliadwy. Roedd y rhaglen yn galluogi’r rhai oedd yn cymryd rhan i gymharu'r hyn yr oedden nhw wedi'i ddysgu yn erbyn eu profiadau eu hunain ac yng nghyd-destun eu gwledydd a'u rhanbarthau cartref.

Yn dilyn llwyddiant y rhaglen hon, rydyn ni bellach yn trafod y posibilrwydd o groesawu carfannau o fyfyrwyr MBA o bob cwr o’r byd, yn ogystal â pharhau i feithrin ein perthynas gyda Phrifysgol Xiamen.

Partneriaeth strategol

Mae ein partneriaeth strategol gyda Phrifysgol Xiamen yn cefnogi cyd-raglenni academaidd, cynllun ysgoloriaeth PhD a chyfnewid staff a myfyrwyr. Caerdydd oedd y ddinas gyntaf yn y DU i efeillio â dinas yn Tsieina wrth ddod yn bartner â Xiamen bron 40 mlynedd yn ôl.

Mae’r bartneriaeth gyda Phrifysgol Xiamen, sy’n cael ei rheoli gan y tîm Partneriaethau Byd-eang, yn estyn ein perthynas hirsefydlog a'n prosiectau cydweithredol cyfredol mewn meysydd o ddiddordeb cyffredin.

Cysylltwch â'n tîm cyfeillgar os hoffech chi ddysgu sut y gallwn ni weithio gyda'ch sefydliad i greu rhaglen DPP bwrpasol.

Mae ein myfyrwyr yn gwirioni ar Gaerdydd. Beth sy’n gwneud y brifddinas mor ddeniadol?

Rydym yn groesawgar

Rydym yn wyllt

Barod am antur? Â Pharc Cenedlaethol y Bannau Brycheiniog dim ond awr i’r gogledd o ganol y ddinas, a milltiroedd o arfordir euraid i’r gorllewin, Caerdydd yw’r ganolfan berffaith i'ch anturiaethau. Ar ben hynny, gyda thros 330 o barciau a gerddi, rydyn ni'n ymffrostio bod mwy o fannau gwyrdd y pen yng Nghaerdydd na sydd yn unrhyw ddinas graidd arall yn y Deyrnas Unedig.

Rydym yn anfarwol

Er mai ni yw prifddinas ieuengaf Ewrop, mae gennym gryn dipyn o hanes yma. Mae aneddiadau canoloesol, adfeilion hynafol a chaerau trawiadol yn britho’r ardaloedd o’n hamgylch. Mae Castell Caerdydd yng nghanol y ddinas yn tystio i hanes Ifor Bach a'r arglwyddi Normanaidd.

Rydym yn ddiwylliedig

Rydym yn egnïol

O Bencampwriaeth y Chwe Gwlad i Hanner Marathon Caerdydd, mae ein strydoedd, ein stadia a’n canolfannau chwaraeon yn cynnal digwyddiadau anhygoel gydag athletwyr o safon fyd-eang. Ond peidiwch â bod ofn ymuno – mae gennym ganolfan dŵr gwyn o safon Olympaidd, rinc iâ, cyfleusterau dringo a chlybiau chwaraeon dirifedi i’ch cadw’n brysur.

Rydym yn caru bwyd

Gyda chaffis cŵl, stondinau bwyd stryd a marchnadoedd ffermwyr, mae sîn bwyta ac yfed Caerdydd ar i fyny, ac yn cynnig cymaint mwy na dim ond pice ar y maen – er eu bod nhw'n eitha' danteithiol hefyd. Cewch ddewis a dethol rhwng crystau Danaidd, bwyd stryd Indiaidd, pasta Eidalaidd go iawn a rhagor. Be' arall fyddech chi’n ei ddisgwyl gan ddinas mor gosmopolitaidd?

Rydym yn hwyl

Os hoffech ddawnsio drwy’r nos i’r caneuon pop diweddaraf neu weld band sydd heb ei ddarganfod mewn gig clyd, gallwch dreulio’r noson berffaith yng Nghaerdydd. Mae’r ddinas yn falch o’i statws Baner Borffor, sy’n golygu bod ein tafarnau, ein clybiau, ein bariau a’n lleoliadau cerddoriaeth yn amrywiol, yn ddiogel ac yn groesawus i bawb.

Rydym gam o flaen pawb arall

Mae'r brifddinas yn cynnig cymysgedd deniadol o frandiau mawr, siopau adrannol, siopau annibynnol a stondinau dros dro. Beth am grwydro drwy ein harcedau Fictoraidd i ddarganfod orielau celfyddydol, dillad henaidd, siopau o dlysau peraroglus, a siop recordiau hynaf y byd; ewch wedyn o gwmpas Marchnad Hanesyddol Caerdydd, lle gallwch brynu pysgod neu glywed eich ffawd gan ddarllenwr ffortsiwn.

Find out about Open Days and visits

Os na fedrwch ymweld, dysgwch fwy am y Brifysgol a'r ddinas drwy fynd ar ein taith ryngweithiol ar-lein.