Rhaglen gynhwysfawr 13 wythnos ar gyfer cynrychiolwyr o lefel ganol i lefel staff uwch o brifysgol Tsieinëeg yn cael ei chyflwyno gan yr Uned Datblygiad Proffesiynol Parhaus ac Ysgol Busnes Caerdydd.

Cefndir partneriaeth

Mae gan y Brifysgol berthynas hirsefydlog â Tsieina, ac wedi meithrin nifer o gysylltiadau academaidd ffurfiol gyda hwy yn ogystal â chytundebau partneriaeth strategol gyda phrifysgolion ar draws y wlad ar gyfer ymchwil ar y cyd a chyfnewid myfyrwyr.

Yn ystod ymweliad y Dirprwy Brif Weinidog Madam LIU Yandong i Gaerdydd ym mis Medi 2015, llofnodwyd memorandwm o ddealltwriaeth ar gyfer datblygu a chyflwyno rhaglen arweinyddiaeth.

Noddwyd hwn gan Gyngor Ysgoloriaethau Tsieina (CSC), sy’n cefnogi arweinwyr lefel ganol/uwch o brifysgolion Tsieinëeg. Mae CSC yn trefnu’r rhaglenni hyn yn flynyddol o amgylch y byd (mae digwyddiadau tebyg wedi’u trefnu yn flaenorol yng Nghanada a Singapore).

Mae’r Brifysgol wedi bod mewn partneriaeth â Chyngor Ysgoloriaethau Tsieina ers nifer o flynyddoedd ac mae wedi helpu ysgolheigion symud ymlaen o astudiaethau ôl-raddedig i uwch-swyddi academaidd.

Cynadleddwyr

Yn ystod blwyddyn cyntaf y rhaglen, mynychodd 38 cynadleddwr y rhagln. Yn 2017, cynyddodd y nifer o gynadleddwyr i  52, acyn 2018, mynychodd 106 cynadleddwr o 83 prifysgol gwahanol. Dros gyfnod o tair blynedd, croesawodd y Brifysgol 112 o brifysgolion Tseina i Gaerdydd. Roedd y rhan fwyaf o gynadleddwyr yn gweithio ar lefel Dirprwy Gyfarwyddwr, yna Cyfarwyddwyr ac Is-Ddeoniaid.

Braslun o'r rhaglen dysgu

Rhedodd y rhaglen breswyl o fis Mehefin i fis Medi 2017.

Y thema ar gyfer y rhaglen oedd arweinyddiaeth a rheoli mewn cyd-destun prifysgol, gyda ffocws benodol ar arloesi. Roedd y rhaglen yn cynnwys:

• sesiynau academaidd (darparwyd gan yr Ysgol Busnes)
• sesiynau rheoli Prifysgol
• sesiynau ‘Saesneg er mwyn Cyfathrebu’ ddwywaith yr wythnos
• sesiynau tiwtorial prosiectau gwella yn arwain at gyflwyniadau terfynol yn ystod wythnos olaf y rhaglen
• digwyddiadau rhwydweithio ac ymweliadau â chyfleusterau Prifysgol Caerdydd
• ymweliadau â phrifysgolion lleol eraill gan gynnwys Prifysgol Bryste a Phrifysgol De Cymru
• amser ymchwil unigol
• ymweliadau i sefydliadau eraill fel Llywodraeth Cymru
• sesiynau opsiynol wedi’u trefnu mewn ymateb i feysydd diddordeb a nodwyd gan y cynadleddwyr.

Uchafbwyntiau’r rhaglen

• Ebostiwyd dadansoddiad hyfforddi cyn y cwrs i’r holl gynadleddwyr, ac fel wnaeth yr ymatebion helpu i lywio’r rhaglen.
• Cyflwynwyd y cwrs yn gwbl ddwyieithog (Saesneg a Mandarin) gan ddehonglwr hynod fedrus oedd yn gweithio drwy gydol cyfnod y rhaglen, gan adeiladu perthynas ac enw da gyda’r cynadleddwyr.
• Rhoddwyd pecyn croeso ar-lein dwyieithog i’r holl gynadleddwyr wythnos cyn iddynt gyrraedd yng Nghaerdydd. Roedd y pecyn yn cynnwys eu hamserlen addysgol llawn, gwybodaeth am eu llety a’r cyfleusterau ar gael iddynt ym Mhrifysgol Caerdydd yn ogystal â chanllaw manwl o’r ddinas.
• Cynhaliwyd cyfarfodydd monitro bob yn ail wythnos rhwng tîm prosiect Prifysgol Caerdydd ac arweinwyr y cynadleddwyr.
• Anfonwyd adolygiad 6 wythnos i’r cynadleddwyr hanner ffordd drwy’r rhaglen, a holiadur terfynol cyn i’r rhaglen ddod i ben.
• Cynhaliwyd cinio croeso yn un o fannau ciniawa ffurfiol trawiadol Prifysgol Caerdydd.
• Fe wnaeth cinio ffarwel yng Nghastell hudolus Caerdydd ddarparu dathliad addas ar gyfer ymdrechion y cynadleddwyr yn ystod y rhaglen. Roedd y cinio yn cynnwys cyflwyno tystysgrifau a rhoi rhoddion gan gynnwys llyfr coffaol.

Canlyniadau ac effaith

Ar ddiwedd y rhaglen, fe wnaeth y cynadleddwyr gyflwyno ar brosiect gwella yr oedden nhw wedi gweithio arno yn ystod sesiynau tiwtorial y prosiect.

Fe wnaeth panel o staff Brifysgol Caerdydd gyflwyno adborth manwl i’r cynadleddwyr ar eu prosiectau gan gynnwys (on nid yn gyfyngedig i) pa mor dda oedd eu dealltwriaeth o faterion allweddol wedi’i gyfleu, eu dealltwriaeth o safbwyntiau rhanddeiliaid, ac unrhyw awgrymiadau ar gyfer gwella.

Roedd lefel y buddsoddiad a’r ymgysylltiad yn y prosiect a arddangoswyd gan y cynadleddwyr yn cael ei adlewyrchu yn yr adborth a ddarparwyd gan y panel. Ar gyfer un cynadleddwr penodol dywedodd y panel.

Datblygu cysylltiadau

Agwedd allweddol ar y rhaglen oedd sicrhau fod cynadleddwyr yn cael cyfleoedd i ddatblygu cysylltiadau gyda chydweithwyr ym Mhrifysgol Caerdydd a sefydliadau eraill. Fe wnaeth tîm y prosiect hwyluso cyfarfodydd rhwng cynadleddwyr a llu o adrannau gwahanol o fewn y brifysgol. Fe wnaeth digwyddiadau rhwydweithio hefyd chwarae rôl ganolog yn y rhaglen.

Adroddiad terfynol yn nodi effaith

Ar ôl gadael Caerdydd, fe wnaeth y cynadleddwyr roi adborth ar eu profiadau yn ystod y rhaglen. Pan ofynnwyd iddynt nodi’r pethau gorau am y rhaglen, dywedodd un cynadleddwr:

Defnyddiwyd sylwadau ac adborth i ysgrifennu adroddiad terfynol yn nodi effaith y rhaglen a bydd adborth pellach yn cael ei gasglu unwaith y bydd cynadleddwyr wedi bod yn ôl yn eu sefydliadau cartref am dri mis.

Cysylltwch â ni

Os hoffech chi siarad â ni am sut y gallem ni ddylunio a chyflwyno rhaglen debyg mewn cydweithrediad â'ch sefydliad, cysylltwch â'n tîm cyfeillgar am drafodaeth anffurfiol gychwynnol:

Our five-day customised leadership programme for a delegation of mid to senior staff from Kuwait University.

Y rhaglen

Rhaglen arweinyddiaeth pum diwrnod o hyd wedi’i deilwra ar gyfer 12 o staff ar lefel rheoli a goruchwylio o Brifysgol Kuwait.

Rhedodd y rhaglen o ddydd Llun 16 Hydref i ddydd Gwener 20 Hydref 2017.

Y prif themâu oedd rheoli prosesau ac awtomateiddio llif gwaith gweinyddol - symud o waith papur i system awtomataidd, a’r newidiadau sy’n datblygu llif gwaith, adnoddau dynol ac yn hwyluso gweithdrefnau gweinyddol.

Fformat

• dysgu’n cael ei gyflwyno gan Ysgol Busnes Caerdydd
• cyflwyniadau gan staff gwasanaeth proffesiynol Prifysgol Caerdydd
• teithiau o gampws a chyfleusterau Prifysgol Caerdydd
• ymweliadau a chiniawa rhwydweithio.

Adborth cynrychiolwyr

Roedd yr ymateb i’r rhaglen yn gadarnhaol, gyda chyfranogwyr yn amlygu eu mwynhad o ran ansawdd a rheoli amser sesiynau a gyflwynwyd gan Dr Maneesh Kumar, a’u hymweliad ag adran TG Prifysgol Caerdydd.

Roedd cyfranogwyr hefyd yn gwerthfawrogi’r amrywiaeth o gyfranogwyr i’r rhaglen.

Rhaglen arweinyddiaeth 5 diwrnod wedi’i deilwra ar gyfer cynrychiolwyr o staff uwch o Brifysgol Kuwait.

Rhaglen ddwys, rhyngweithiol, pythefnos o hyd ar gyfer mynychwyr o Tsieina, a ddarparwyd gan Ysgol Busnes Caerdydd gyda chyfraniadau gan brifysgolion eraill o Gymru.

Mae Chengdu Administration Institute yn adran israddol o lywodraeth drefol Chengdu, a’i dasg yw hyfforddi gweision llywodraeth trefol a gweision sifil dinas elfennol. Mae’r sefydliad yn rhoi pwysigrwydd mawr ar addysgu a gwaith ymchwil gydag athrawon dethol yn cael eu hanfon dramor ar gyfer hyfforddiant a chyfnewid academaidd rhyngwladol bob blwyddyn.

Addysgu a arweinir gan ymchwil

Roedd y rhaglen yn defnyddio ymchwil ac arbenigedd Ysgol Busnes Caerdydd mewn arweinyddiaeth a rheolaeth yn y sector cyhoeddus yn y DU, gyda ffocws penodol ar rai o’r heriau a’r blaenoriaethau a wynebir, a sut y gellir defnyddio’r rhain mewn cyd-destun Tsieinëaidd.

Yn ogystal â’r ddarpariaeth ffurfiol, trefnwyd cyfres o giniawa rhwydweithio ac ymweliadau ymarferol i wella profiad personol a phroffesiynol y mynychwyr tra yng Nghymru.

Darpariaeth gydweithredol

Darparwyd y rhaglen ar y cyd rhwng Prifysgol De Cymru a Phrifysgol Metropolitan Caerdydd gyda chefnogaeth gan Lywodraeth Cymru.

Er mwyn sicrhau bod y cyfranogwyr yn manteisio i’r eithaf ar y sesiynau, cyflwynwyd yr addysgu yn ddwyieithog yn Saesneg a Tsieinëeg.

Adborth rhagorol

Roedd ymateb i’r rhaglen yn gadarnhaol iawn. Roedd cyfranogwyr yn teimlo eu bod wedi elwa ar y safbwyntiau gwahanol a gynigiwyd gan y cydweithredu, a bod yr arddulliau dysgu ac addysgu amrywiol a rhyngweithiol wedi gwella’r profiad.