Datblygu proffesiynol

Uwchsain yn y man lle rhoddir gofal (PoCUS) – Anaesthesia rhanbarthol dan arweiniad uwchsain (USGRA) (cyfunol)

Dyma gwrs dysgu cyfunol pwrpasol ar sganiau uwchsain a luniwyd ar gyfer ymarferwyr gofal brys ac anesthesia.

Datblygwyd y cwrs hwn er mwyn mynd i'r afael â’r galw heb ei fodloni am addysgu, hyfforddiant a chaboli sgiliau clinigol ym maes anesthesia rhanbarthol dan arweiniad uwchsain (USGRA).

Ar gyfer pwy mae hwn

Lluniwyd y cwrs hwn yn bennaf ar gyfer ymarferwyr gofal brys ac anaesthesia. Serch hynny, bydd y sgiliau a ddatblygir o fudd mawr hefyd i glinigwyr (a myfyrwyr) sy'n awyddus i ehangu eu strategaethau aml-ddull i reoli poen.

Beth fyddwch yn ei ddysgu

Caiff amser ar y cwrs hwn ei rannu rhwng astudio cyn dechrau’r cwrs ar-lein a sesiwn ymarferol wyneb yn wyneb:

• fideos byr cyn dechrau’r cwrs sy'n cyflwyno gwybodaeth ddamcaniaethol, arddangosiadau ymarferol a chyfeiriadau at ddeunydd print perthnasol
• ymarfer o dan oruchwyliaeth gydag adborth ar fodelau byw, efelychwyr a modelau o bobl a wneir o gelatin
• asesiad ar ddiwedd cwrs yn seiliedig ar wybodaethddamcaniaethol

Cydran e-ddysgu

Bydd deunyddiau'r cwrs ar gael o 23 Mai 2024.

Pwysig

Mae'n rhaid i chi gwblhau'r cwrs e-ddysgu cyn dechrau elfen wyneb-yn-wyneb y cwrs PoCUS.  Efallai na fydd ymgeiswyr nad ydynt yn cwblhau'r e-ddysgu mewn pryd yn gallu dod i'r diwrnod wyneb-yn-wyneb.

Bydd y cwrs sylfaenol yn cynnwys:

• gwddf
  • rhwystro plecsws gyddfol arwynebol
• braich
  • rhwystro plecsws breichiol uwchglaficlaidd
  • rhwystro nerf ceseiliol + suprascapular
  • rhwystro nerf rheiddiol, wlnar, a chanolwedd
• y bongorff
  • rhwystro plân erector spinae
  • rhwystro serratus anterior
• coes
  • rhwystro clun (Nerf ffemwrol, Fascia Iliaca, a rhwystro Grŵp Nerfau Pericapsular)
  • rhwystro nerf clunol transgluteal
  • rhwystro nerf Popliteal Siatig
  • rhwystro nerf y pigwrn

Ar ôl cwblhau'r cwrs, dylech allu gwneud y canlynol:

• disgrifio ac adnabod anatomeg berthnasol lleoliad y bloc; defnyddio uwchsain er mwyn dod o hyd i nerfau yn y gwddf, y breichiau, y torso a'r coesau, gan wahaniaethu’r nerfau oddi wrth y strwythurau cyfagos megis tendonau a chyhyrau
• crynhoi’r manteision ynghlwm wrth weithdrefnau bloc unigol; trafod y manteision a'r peryglon; deall sut i fynd at nerfau gan ddefnyddio technegau yn y plân a’r rheiny y tu allan i’r plân; dewis y nerf priodol er mwyn anestheteiddio yn achos patrymau anafiadau neilltuol; gosod cleifion yn gywir ar gyfer pob math o floc i wella’r llwyddiant
• defnyddio eich gwybodaeth a’ch sgiliau newydd er mwyn saernïo cynllun ymarferol i ddelio â phroblem glinigol benodol - trafod sut y gallai techneg unigol amlygu ei hun, gan ystyried strategaethau gwahanol a chymharu a chyferbynnu technegau anesthetig i gyflawni’r amcan clinigol
• gwerthuso'r opsiynau USGRA, ystyried natur y claf a'r lleoliad, ynghyd â’r risgiau sy'n gysylltiedig ag anatomeg a gwenwyndra anesthetig lleol, i roi dadl dros y camau mwyaf diogel i’w cymryd

Pynciau dan sylw

08:30-09:00 Cofrestru/coffi

09:00-09:10 Croeso; cyflwyniad i'r lleoliad, hwyluswyr ac offer

9.10- 09:30 Cyfarwyddiadau ar gyfer y trafodaethau grŵp bach: Egwyddorion/ peryglon/defnyddio offer (“knobology”) Uwchsain

09:30- 10.45 Cylchdroi rhwng gweithdai amrywiol

• gosod/optimeiddio peiriannau
• modelau i ddangos anatomeg berthnasol
• ymgyfarwyddo â chysylltwyr NRFit
• efelychiadau (phantoms) i ddangos technegau nodwyddau i mewn ac allan o blân

10:45-11:10 Te/coffi

11:10-12:40 Cylchdroi rhwng gweithdai amrywiol

• ymgyfarwyddo gydag offer NeedleTrainer
• modelau i ddangos anatomeg berthnasol
• efelychiadau (phantoms) i ddangos technegau nodwyddau i mewn ac allan o blân
• trafodaeth grŵp bach ar wanhau a chymysgu anesthetig lleol

12:40-13:30 Cinio

13:30-15:00 Cylchdroi rhwng gweithdai amrywiol

• modelau i ddangos anatomeg berthnasol
• dysgwyr yn arddangos technegau gyda nodwyddau gan ddefnyddio efelychiadau a NeedleTrainer
• trafodaeth grŵp bach ar wenwyndra a thriniaeth anesthetig lleol

15:00- 15:20 Te/coffi

15:20 -16:30 Cylchdroi rhwng gweithdai amrywiol

• modelau i ddangos anatomeg berthnasol
• efelychiadau i ddangos technegau gyda nodwyddau a gosod cathetrau rhwystro nerfau parhaus
• sesiwn holi ac ateb trafodaeth grŵp bach

16:30 Crynodeb a chloi

Manteision

• dull cyflwyno cyfunol: mae’r gydran eDdysgu yn caniatáu ichi ddysgu'n hyblyg wrth eich pwysau eich hun, tra bod y sesiwn wyneb yn wyneb yn cynnig dysgu amlddisgyblaethol gan gyd-fyfyrwyr eraill
• mae’r addysgu'n cyd-fynd ag arferion clinigol cyfoes y DU
• byddwch chi’n ymgymryd â’ch ymarfer ar wirfoddolwyr byw a modelau o bobl uwchsain
• byddwn yn defnyddio peiriannau uwchsain cart, offer uwchsain â llaw ac efelychwyr uwchsain
• arbenigwyr clinigol fydd yn cyflwyno’r cwrs
• pris cystadleuol