Haen Gwyrdd Lean Six Sigma
Mae'r rhaglen ddwys 5 diwrnod hon yn cyfuno pŵer lleihau gwastraff Lean Six Sigma wedi'i yrru gan ddata â thechnolegau Diwydiant 4.0.
Bydd yn rhoi'r dulliau a'r technegau i chi ar gyfer gwella effeithlonrwydd ac effeithiolrwydd gweithrediadau a datgloi gwelliannau trawsnewidiol o fewn eich sefydliad a'i gadwyn gyflenwi. Mae ganddo'r potensial i gael effaith gwerth dros £30,000 ar eich elw o fewn 3-4 mis i brosiect Green Belt.
- Datgloi gwelliannau
- Sbarduno arloesedd
- Hwb aruthrol I berfformiad
Mae'r cwrs hwn ar gael fel rhaglen bwrpasol hefyd y gallwn ei theilwra i'ch gofynion penodol. Os hoffech drafod hyn cysylltu â ni.
Os hoffech astudio'r rhaglen lawn, gallwch gofrestru ar gyfer Haen Felen a Gwyrdd Lean Six Sigma.
Maneesh Kumar fydd eich hyfforddwr.
Nid oes unrhyw ddyddiadau ar y gweill
Ar hyn o bryd, nid oes dyddiadau ar gael cyn bo hir ar gyfer y cwrs hwn, ond gallwch chi fynegi eich diddordeb. Byddwn ni mewn cysylltiad pan fydd dyddiad newydd ar gyfer y cwrs wedi cael ei drefnu.
Diolch
Rydych wedi llwyddo i gofrestru eich diddordeb yn y cwrs hwn. Byddwn yn cysylltu â chi os bydd dyddiadau newydd ar gael.
Ar gyfer pwy mae hwn
- goruchwylwyr llinell, rheolwyr canol, ac uwch-reolwyr o swyddogaethau craidd
- uwch-reolwyr neu reolwyr canol o Adnoddau Dynol, Cyllid a TG
- tîm Gwasanaeth Cwsmeriaid a’r tîm Ansawdd
- rheolwyr cyfrif sy'n rheoli cwsmeriaid/asiantau allweddol
- aelodau o'r tîm ôl-werthu a gwasanaeth
- unrhyw aelodau o dimau eraill sy'n gyfrifol am brosesau neu swyddogaethau allweddol
Haen Felen a Gwyrdd Lean Six Sigma
Nodweddion Allweddol
- Lean a Six Sigma: golwg dwfn ar egwyddorion a dulliau Lean a Six Sigma i ddeall sut maent yn gweithio ochr yn ochr i ddileu gweithgareddau nad ydynt yn ychwanegu gwerth, lleihau gwastraff, a symleiddio prosesau
- meistroli ystadegau i wella canlyniadau: meistroli adnoddau a thechnegau ystadegol hanfodol i ddadansoddi perfformiad prosesau, nodi achosion sylfaenol problemau, a mynd ati'n hyderus i gyflwyno datrysiadau ar sail data
- diwydiant 4.0: dysgwch sut y gall technolegau Diwydiant 4.0 sy'n cael eu gyrru gan ddata fel Deallusrwydd Artiffisial, Data Mawr, a'r Rhyngrwyd Pethau roi hwb anferthol i'ch mentrau Lean Six Sigma, gan eich galluogi i optimeiddio mewn amser real a datgloi arloesedd sy'n tarfu
Beth fyddwch yn ei ddysgu
Mae Bloc Dau yn cynnwys tri diwrnod o hyfforddiant Haen Wyrdd. Mae'r hyn a ddysgir wedi'i deilwra ar gyfer pob cyfranogwr drwy ganolbwyntio ar brosiect yn y byd go iawn sy'n cyd-fynd ag anghenion a blaenoriaethau eich sefydliad. Gall arwain at gael ardystiad Haen Wyrdd Lean Six Sigma 4.0 Prifysgol Caerdydd ar ôl cwblhau prosiect Haen Wyrdd.
Ennill achrediad
Mae’r hyfforddiant Haen Wyrdd yn cael ei achredu gan Lean Competency System (LCS), at Lefel 1c.
Yr LCS yw’r prif gymhwyster gwella parhaus yn y gweithle, ac fe’i ddefnyddir gan sefydliadau ledled y byd. Mae dod yn ardystiedig o’r LCS yn eich galluogi i ddod yn Aelod Ymarferydd LCS sy’n eich galluogi i gael gafael mewn adnoddau i’ch helpu i ymarfer ac addysgu, sefydlu proffil hygrededd digidol, a defnyddio platfform Datblygiad Proffesiynol Parhaus LCS.
Pynciau dan sylw
- defnyddio technegau Lean Six Sigma perthnasol mewn byd ôl-COVID
- integreiddio Lean Six Sigma gyda thechnolegau Diwydiant 4.0
- integreiddio Meddwl ar sail Systemau i sicrhau manteision cynaliadwy o ganlyniad i Fentrau Gwella Parhaus
- deall metrigau allweddol Lean a Six Sigma
- defnyddio meddalwedd Minitab ar gyfer prosiectau Lean Six Sigma (Bloc 2 yn unig)
- defnyddio methodoleg Lean Six Sigma DMAIC mewn sefyllfaoedd lle mae angen datrys problemau
- defnyddio cysyniadau ystadegol sylfaenol ac uwch (megis dadansoddi atchweliad, profi rhagdybiaethau, Dadansoddiad Cysondeb Priodoleddau, Siartiau Rheoli Prosesau Ystadegol) ar gyfer gwella prosesau
- deall rolau a chyfrifoldebau’r rhai sydd â Haen Wyrdd
- cwblhau prosiectau ac ysgrifennu'r adroddiad
- alinio Lean a Six Sigma ag egwyddorion Meddwl ar sail Systemau a Diwydiant 4.0
- dewis prosiect gan ddefnyddio methodoleg wrthrychol ar gyfer dewis prosiectau rhaglen Lean / Six Sigma
Bydd angen cwblhau prosiect Haen Wyrdd i brofi a ydych wedi cyflawni’r deilliannau dysgu (o fewn 6 mis ar ôl cwblhau Bloc 2).
Buddsoddi yn eich dyfodol, cofleidio gwelliant parhaus
Ymunwch â ni ar y daith drawsnewidiol hon a manteisiwch ar bŵer cyfunol Lean Six Sigma a Diwydiant 4.0 i wneud cynnydd sylweddol a chynaliadwy o ran perfformiad yn eich sefydliad. Cysylltwch â ni heddiw i drafod sut y gall yr hyfforddiant pwrpasol hwn rymuso eich tîm a galluogi eich busnes i gamu ymlaen.
Manteision
- wedi'i deilwra i'ch anghenion: rydym yn addasu cynnwys yr hyfforddiant a ffocws y prosiect i fynd i'r afael â'ch heriau sefydliadol penodol a'ch nodau ar gyfer gwella
- dull dysgu cyfunol: mae'r profiad dysgu yn cael ei wella gyda deunyddiau i'w darllen ymlaen llaw, sesiynau ystafell ddosbarth wyneb yn wyneb, gweithdai rhyngweithiol, a chymorth parhaus ar gyfer y prosiect
- nid oes angen unrhyw wybodaeth flaenorol: mae'r rhaglen hon wedi'i chynllunio ar gyfer staff gweithredol heb unrhyw brofiad blaenorol o Lean Six Sigma, gan roi'r wybodaeth a'r sgiliau hanfodol i chi gael effaith ar unwaith
- ymarferol: Ffocws ar adnoddau a thechnegau y gellir eu defnyddio ar unwaith
- cefnogaeth ar ôl yr hyfforddiant: mae ein hyfforddwr arbenigol yn parhau i fod ar gael i'ch tywys a'ch cefnogi drwy gydol eich prosiect Haen Wyrdd, gan eich helpu i lwyddo a sicrhau canlyniadau cynaliadwy
- wedi'i hwyluso gan academydd o Ysgol Busnes Caerdydd sydd â phrofiad sylweddol ar draws sectorau a phrofiad byd-eang
