Rhaglen Cymrodoriaeth Glinigol ar Sail Tystiolaeth JBI

Ydych chi eisiau cynnwys tystiolaeth yn eich ymarfer dydd i ddydd?

Mae Rhaglen Cymrodoriaeth Glinigol ar Sail Tystiolaeth JBI yn cyflwyno dulliau wedi’u profi i glinigwyr, rheolwyr, llunwyr polisïau a rheolwyr ansawdd mewn gofal iechyd er mwyn rhoi tystiolaeth ar waith yn eu hymarfer. Yn ystod y rhaglen, bydd y rhai sy’n cymryd rhan yn:

• datblygu eu sgiliau a’u cryfderau o ran arweinyddiaeth glinigol ymhellach
• cynnal archwiliadau clinigol ac yn ymgymryd â phrosesau gwella ansawdd
• ymgyfarwyddo â fframweithiau a meddalwedd i roi ymchwil a thystiolaeth glinigol ar waith yn ymarferol
• datblygu a gweithredu strategaethau i roi ymarfer sy’n seiliedig ar dystiolaeth ar waith yn eu hamgylchedd gwaith eu hunain

Eich galluogi chi i wella gofal

Mae Rhaglen Cymrodoriaeth Glinigol ar Sail Tystiolaeth JBI yn grymuso gweithwyr gofal iechyd i wella deilliannau cleifion drwy roi’r sgiliau a’r wybodaeth iddynt roi tystiolaeth ar waith mewn ymarfer. Yn ystod y rhaglen, bydd y rhai sy’n cymryd rhan yn mynd i weithdai hyfforddiant dwys, ac yn cynnal prosiect rhoi tystiolaeth ar waith yn eu gweithle yn ystod y misoedd yn y cyfamser.

Manteision

Ar ddiwedd y rhaglen, bydd y rhai sy’n cymryd rhan wedi paratoi adroddiad i’w gyhoeddi mewn cyfnodolyn a adolygir gan gymheiriaid, a bydd hwn i’w weld ar gronfeydd data meddygol rhyngwladol ynghyd â Google Scholar. Mae Rhaglen Cymrodoriaeth Glinigol ar Sail Tystiolaeth yn cynnwys y Gweithdy Arweinyddiaeth Glinigol sy’n ddeinamig ac yn rhyngweithiol.