Hanfodion Ymchwiliadau Delweddu Diagnostig ar gyfer Atgyfeirwyr Anfeddygol
Cyflwynir y cwrs hwn gan y tîm Radiograffeg a Delweddu Diagnostig (DRI) yn Ysgol y Gwyddorau Gofal Iechyd. Nod y cwrs yw rhoi'r wybodaeth arbenigol sydd ei hangen ar weithwyr proffesiynol ym maes gofal iechyd i atgyfeirio pobl ar gyfer ymchwiliadau delweddu diagnostig.
Nod y cwrs hwn yw rhoi'r wybodaeth sydd ei hangen ar atgyfeirwyr anfeddygol i allu gofyn am ddelweddu diagnostig yn unol â gofynion IR(ME)R 2024, Llywodraeth Cymru a byrddau iechyd lleol.
| Dyddiad dechrau | 9 Mehefin 2025 | |
|---|---|---|
| Diwrnodau ac amseroedd | 08:30-16:30 | |
| Ffi | £300 |
Ar gyfer pwy mae hwn
Unrhyw weithwyr Gofal Iechyd cofrestredig sydd angen gofyn am ddelweddu fel rhan o'i rôl.
Bydd y cwrs hwn yn rhoi'r wybodaeth arbenigol i weithwyr gofal iechyd proffesiynol atgyfeirio pobl ar gyfer archwiliadau delweddu diagnostig sy'n berthnasol i'w maes ymarfer.
Beth fyddwch yn ei ddysgu
Bydd gan y rhai sy'n cwblhau'r cwrs ddealltwriaeth o:
- ffurfio delweddau
- ansawdd delweddau
- dulliau delweddu
- ystyriaethau moesegol a chyfreithiol
- archwilio a llywodraethu clinigol
- canllawiau delweddu cenedlaethol a lleol
Pynciau dan sylw
Mae'r rhaglen ddysgu o hyd hon yn ymwneud â dulliau delweddu, manteision gwahanol ddulliau, risgiau sy'n gysylltiedig â delweddu, defnyddio Systemau Archifo Lluniau a Chyfathrebu (PACS) a deddfwriaeth berthnasol, yn enwedig Rheoliadau Ymbelydredd Ïoneiddio (Datguddiadau Meddygol) 2024, ac mae arholiad amlddewis i brofi cymhwysedd. Daw'r cwrs i ben gyda sesiwn yn seiliedig ar senario er mwyn dangos cymhwysedd.
Addysgu a gwybodaeth ddefnyddiol
Bydd y cwrs yn cael ei gyflwyno wyneb yn wyneb yn Ysbyty Athrofaol Cymru yng Nghaerdydd.
