Rheoli’r Llwybr Anadlu mewn Argyfwng (EAM) wrth y Drws Ffrynt (cyfunol)
Cwrs pwrpasol ar y llwybr anadlu sydd wedi'i gynllunio i uwchsgilio meddygon brys i reoli’r llwybr anadlu ac anesthesia brys i safon uwch yn wrth ddadebru cleifion yn yr Adran Achosion Brys.
Mae'r cwrs hwn wedi'i ddatblygu i fynd i'r afael â'r angen addysgu a hyfforddi sut Reoli’r Llwybr Anadlu ac mae'r cwrs yn manteisio ar y canlynol:
- cyfleusterau efelychu manwl gywir (yng Nghanolfan Academaidd Meddygaeth Frys (EMAC) Prifysgol Caerdydd
- addysgu grwpiau bach o 3 ym mhob grŵp yn unig
- a chyfadran o ymgynghorwyr medrus a phrofiadol iawn (gyda blynyddoedd o brofiad o berfformio ac arwain mewndiwbio yn yr Adrannau Achosion Brys a'r amgylchedd cyn cyrraedd yr ysbyty).
Ymrestru ar y cwrs hwn
| Dyddiad dechrau | Diwrnodau ac amseroedd |
|---|---|
| 28 Chwefror 2025 | Cyfunol. 08:00 - 17:30 (ynghyd â gwaith cyn-cwrs a dysgu cyfunol) |
| Ffi |
|---|
| £380 |
Ar gyfer pwy mae hwn
Mae'r cwrs hwn wedi’i gynllunio’n bennaf i feddygon brys sy'n ymarfer mewn adrannau achosion brys a lleoliadau cyn cyrraedd i’r ysbyty ac sydd eisoes â sgiliau sylfaenol ym meysydd laryngosgopeg a rheoli’r llwybr anadlu. Mae'r cynnwys yn briodol ar gyfer meddygon brys sy'n gweithio yng Nghymru, yn y DU ac yn rhyngwladol.
Beth fyddwch yn ei ddysgu
Crëwyd cynnwys y cwrs yn unol â chwricwlwm y Coleg Brenhinol Meddygaeth Frys ac argymhellion Cymdeithas Meddygaeth Frys Ewrop ar gyfer rheoli’r llwybr anadlu mewn argyfwng. Bydd y myfyrwyr yn dysgu sgiliau modern o reoli’r llwybr anadlu mewn argyfwng, sydd eu hangen ar bob meddyg brys yn yr ystafell ddadebru. Ar ôl cwblhau’r cwrs clinigol DPP hwn, dylai’r cyfranogwyr allu gwneud y canlynol:
- mewndiwbio dilyniant cyflym (RSI) a mewndiwbio dilyniant wedi’i oedi (DSI) (gan gynnwys dewis cyffuriau priodol)
- rheoli llwybr anadlu wedi’i drochi (gan ddefnyddio’r dechneg Laryngosgopeg Sugno a Gwaredu a Glanhau’r Llwybr Anadlu (SALAD))
- defnyddio llafnau tra-onglog at ddibenion herio llwybrau anadlu anatomegol
- rheoli’r llwybr anadlu rhwng ataliadau ar y galon
- sefydlu awyru mecanyddol a thawelydd ôl-fewndiwbio
- optimeiddio anatomeg a ffisioleg y claf cyn ac yn ystod laryngosgopeg.
Pynciau dan sylw
E-ddysgu cyn y cwrs (3 awr)
Mae modiwlau e-ddysgu yn cynnwys darlithoedd ac arddangosiadau fideo, argymhellion darllen cyfredol, a chwestiynau ffurfiannol dewisol er mwyn profi gwybodaeth. Bydd holl ddeunydd y cwrs ar gael am 6 wythnos cyn a 6 wythnos ar ôl y cwrs wyneb yn wyneb.
Cwrs wyneb yn wyneb (7 awr)
Y gydran wyneb yn wyneb yw lle bydd cynrychiolwyr yn gweithio mewn grwpiau bach o 3 i ddatblygu eu sgiliau gydag arweiniad trwy’r broses efelychu ac adroddiad / trafodaeth helaeth. Dyma amserlen y diwrnod:
Amser | Cynnwys |
|---|---|
08:00 - 08:20 | Cofrestru |
08:20 - 08:40 | Cyflwyniad |
08:40 - 09:25 | Gorsaf sgiliau – SALAD |
09:25 - 10:10 | Gorsaf Sgiliau – Laryngosgopi ac optimeiddio |
10:10 - 10:30 | EGWYL |
10:30 - 12:00 | Efelychiad: Mewndiwbio Dilyniant Cyflym |
12:00 - 12:30 | Efelychiad: Mewndiwbio Dilyniant wedi’i Oedi (A) |
12:30 - 13:00 | CINIO |
13:00 - 14:00 | Efelychiad: Mewndiwbio Dilyniant wedi’i Oedi (B) |
14:00 - 15:30 | Efelychiad: Llwybr anadlu ataliad ar y galon |
15:30 - 15:50 | EGWYL |
15:50 - 17:20 | Efelychiad: Achosion Cymhleth |
17:20 - 17:30 | Crynhoi ar ddiwedd y diwrnod |
17:30 - ymlaen | Pryd cymdeithasol dewisol ar ddiwedd y cwrs |
Sylwer:
- gallai'r amserlen enghreifftiol uchod newid
- nid yw'r pryd cymdeithasol dewisol ar ddiwedd y cwrs wedi'i gynnwys yn y pris.
e-Asesiad 'llyfr agored' ar ôl y cwrs (1 awr)
Bydd yr e-Asesiad ar ôl y cwrs ar gael i’w gwblhau ar ôl y gydran wyneb yn wyneb. Bydd modd sefyll yr asesiad hwn mewn dull llyfr agored ac anghydamserol o fewn 6 wythnos ar ôl gorffen y cwrs wyneb-yn-wyneb.
Manteision
Mae'r cwrs hwn werth 11 pwynt CPD/CME. Mae'r manteision eraill yn cynnwys:
- dull cyflwyno cyfunol: mae’r gydran e-Ddysgu yn caniatáu ichi ddysgu'n hyblyg wrth eich pwysau eich hun, tra bod y sesiwn wyneb yn wyneb yn cynnig dysgu amlddisgyblaethol gan gyd-fyfyrwyr eraill
- addysgu grwpiau bach o 3 myfyriwr yn unig
- wedi’i gyflwyno gan academyddion profiadol sy’n meddu ar sgiliau lefel uchel ym maes mewndiwbio a rhoi gofal critigol meddygaeth frys
- hyfforddi â modelau manwl gywir ac offer sy'n efelychu amodau heriol ystafelloedd dadebru
- defnyddio laryngosgopau fideo modern yn unol â'r arferion cyfredol sy’n cael eu hargymell
- rhwydweithio gyda chymheiriaid a chreu mentoriaethau i ganiatáu ymarfer a datblygiad parhaus.
Cynhelir y cwrs hwn yn Ystafell Addysg y Ganolfan Academaidd Meddygaeth Frys (EMAC), sydd wedi'i lleoli yn Ysbyty Athrofaol Cymru. Gweld sut i gyrraedd y Ganolfan o Brif Adeilad yr Ysbyty.
