Datblygu proffesiynol

Rheoli’r Llwybr Anadlu mewn Argyfwng (EAM) wrth y Drws Ffrynt

Bydd y cwrs hwn yn helpu meddygon brys i ddefnyddio dulliau uwch o ansawdd uchel o reoli’r llwybr anadlu a rhoi anesthetig brys wrth ddadebru cleifion yn yr adran achosion brys.

Byddwch chi’n datblygu’r sgiliau sydd gennych chi ar hyn o bryd ym meysydd laryngosgopeg a mewndiwbio, yn ogystal â dysgu technegau modern ar gyfer rhoi anesthetig brys i gleifion yn eich ystafell ddadebru.

Mae'r cwrs dysgu cyfunol hwn wedi'i gynllunio'n ofalus er mwyn i chi allu cwblhau'r gydran e-ddysgu yn eich amser eich hun, gyda sesiwn wyneb-yn-wyneb undydd wedi’i chynnal gan glinigwyr profiadol ym meysydd mewndiwbio brys ac addysg feddygol. Bydd dysgu wyneb-yn-wyneb hefyd yn eich galluogi i rwydweithio, dod o hyd i fentoriaid a datblygu ymchwil a phrosiectau cydweithredol proffesiynol yn y dyfodol.

Nid oes unrhyw ddyddiadau ar y gweill

Ar hyn o bryd, nid oes dyddiadau ar gael cyn bo hir ar gyfer y cwrs hwn, ond gallwch chi fynegi eich diddordeb. Byddwn ni mewn cysylltiad pan fydd dyddiad newydd ar gyfer y cwrs wedi cael ei drefnu.

Enw cyntaf *

Cyfenw *

Cwmni

Cyfeiriad ebost *

Nifer y bobl sy'n mynychu

A hoffech dderbyn y newyddion diweddaraf am y cwrs hwn, yn ogystal â newyddion, digwyddiadau a chynigion CPD?

Hoffwn, yn Saesneg

Hoffwn, yn Gymraeg

Hysbysiad am breifatrwydd a diogelu data

Bydd Prifysgol Caerdydd yn prosesu’r data personol a ddarparwyd gennych yn unol â rheoliadau diogelu data. Drwy gyflwyno eich manylion, rydych yn caniatáu i’r Brifysgol brosesu eich data personol er mwyn anfon gwybodaeth atoch, yn unol â’r dewisiadau a nodwyd gennych uchod a rheoliadau diogelu data. Cewch newid eich meddwl ynglŷn â rhoi caniatâd ar unrhyw adeg drwy gysylltu â’r Tîm Datblygiad Proffesiynol.

Ewch i’n tudalennau gwybodaeth gyhoeddus i gael rhagor o wybodaeth am ein Polisi Diogelu Data, eich hawliau, a sut i fynegi pryder ynghylch sut y caiff eich data bersonol ei brosesu.Gallwch gysylltu â’n Swyddog Diogelu Data yn uniongyrchol - inforequest@caerdydd.ac.uk. Gallwch hefyd fynegi unrhyw bryder drwy gysylltu â Swyddfa’r Comisiynydd Gwybodaeth (ICO).

Ar gyfer pwy mae hwn

Mae'r cwrs hwn yn addas i feddygon brys sy'n ymarfer mewn adrannau achosion brys a lleoliadau cyn mynd i’r ysbyty ac sydd eisoes â sgiliau sylfaenol ym meysydd laryngosgopeg a rheoli’r llwybr anadlu. Byddwch chi’n datblygu eich sgiliau a’ch gwybodaeth yn unol â'r sylfaen dystiolaeth ddiweddaraf ac argymhellion rhyngwladol, megis rhai Cymdeithas Meddygaeth Frys Ewrop.

Mae'r cynnwys yn briodol ar gyfer meddygon brys sy'n gweithio yng Nghymru, yn y DU ac yn rhyngwladol.

Beth fyddwch yn ei ddysgu

Crëwyd cynnwys y cwrs yn unol â chwricwlwm y Coleg Brenhinol Meddygaeth Frys ac argymhellion Cymdeithas Meddygaeth Frys Ewrop ar gyfer rheoli’r llwybr anadlu mewn adrannau achosion brys.

Pynciau dan sylw

Technegau mewndiwbio dilyniant cyflym (RSI) a mewndiwbio dilyniant wedi’i oedi (DSI) – dewis y cyffuriau cywir ar gyfer y dasg
Rheoli llwybr anadlu wedi’i drochi – techneg Laryngosgopeg Sugno a Gwaredu a Glanhau’r Llwybr Anadlu (SALAD)
Defnyddio llafnau tra-onglog ym maes laryngosgopeg
Rheoli’r llwybr anadlu rhwng ataliadau ar y galon
Awyru mecanyddol a thawelydd ôl-fewndiwbio
Optimeiddio cyn ac yn ystod laryngosgopi

Manteision

Byddwch chi’n cael eich addysgu gan feddygon brys sydd â phrofiad o fewndiwbio mewn argyfwng a defnyddio technegau mewndiwbio dilyniant cyflym (ac wedi’i oedi) y tu mewn a'r tu allan i'r ysbyty. Ar ôl cwblhau’r cwrs, bydd gennych chi’r sgiliau a’r wybodaeth i sicrhau bod cleifion yn ein hystafelloedd dadebru ac yn y gymuned yn cael gofal o’r safon uchaf pan fydd angen rheoli’r llwybr anadlu mewn argyfwng.

Byddwch chi hefyd yn cael y cyfle i rwydweithio ag eraill a ffurfio partneriaethau mentora at ddibenion ymarfer parhaus a datblygu sgiliau rheoli’r llwybr anadlu.