Effective assessment and screening of Musculoskeletal (MSK) conditions in Primary Care (blended)

Diben y cwrs hwn yw gwella gwybodaeth, sgiliau, a’r rhesymu o ran adnabod patrymau (diagnostig) ymysg ymarferwyr wrth asesu a sgrinio cleifion sydd â chyflyrau MSK ym maes Gofal Sylfaenol a Gofal Rhwng Sylfaenol ac Eilradd.

Byddwn ni’n defnyddio dull dysgu cyfunol, dull meddwl drwy systemau, gyda ffocws ar ddysgu seiliedig ar sefyllfaoedd i gyflawni hyn.

Noddir y cwrs hwn yn garedig gan Hallam Medical.

Ar gyfer pwy mae hwn

Ers y pandemig, rydyn ni i gyd wedi wynebu sefyllfaoedd lle roedd gofyn inni reoli cleifion â mwyfwy o gymhlethdod clinigol, yn aml gyda diffyg adnoddau.

Mae’r cwrs hwn yn berffaith ar gyfer unrhyw Weithiwr Proffesiynol Iechyd Perthynol (AHP) neu ymarferydd meddygol sy’n gweithio mewn rôl gofal Sylfaenol/Rhyngwyneb priodol, e.e., Ymarferwyr Cyswllt Cyntaf (FCPs), Ymarferwyr Nyrsio (NPs), Parafeddygon ac ati, sy’n aml yn gorfod asesu, sgrinio a rheoli cleifion sydd ag amrywiaeth o gyflyrau MSK.

Beth fyddwch yn ei ddysgu

Diben y cwrs hwn yw hybu hyder ac effeithiolrwydd ymysg clinigwyr wrth asesu a sgrinio cleifion sydd â chyflyrau MSK mewn gofal Sylfaenol/Rhwng Sylfaenol ac Eilradd, gan ddefnyddio dull dysgu cyfunol, meddwl trwy systemau, sydd â phwyslais ar resymu yn seiliedig ar senario.

Bydd y cwrs yn anelu at drafod y prif feysydd a ganlyn:

Diwrnod 1 (wyneb yn wyneb)

Sesiwn 1: Risg glinigol, ymdopi ag ansicrwydd, sgrinio am batholeg ddifrifol, a lliniaru risg/sicrhau rhwydi diogelwch

Sesiwn 2: Gwneud y defnydd gorau o Radioleg ym maes gofal Sylfaenol/rhwng Sylfaenol ac Eilradd

Sesiwn 3: Rhesymu clinigol (yn seiliedig ar senario)

Diwrnod 2 (ar-lein)

Sesiwn 1: Sgrinio rhiwmatoleg mewn gofal Sylfaenol/Rhwng Sylfaenol ac Eilradd

Sesiwn 2: Y defnydd gorau posibl o brofion gwaed mewn gofal Sylfaenol/Rhwng Sylfaenol ac Eilradd

Pynciau dan sylw

Diwrnod 1 (wyneb yn wyneb)

Sesiwn 1: Risg glinigol, ymdopi ag ansicrwydd, sgrinio am batholeg ddifrifol, a lliniaru risg/sicrhau rhwydi diogelwch

• cymhlethdod clinigol. Beth yw cymhlethdod clinigol a’r model Cynefin.
• ansicrwydd.  Fframweithiau damcaniaethol at ddibenion rheoli ansicrwydd, ei drafod ac ymdopi ag ef
• rheoli risg glinigol a’i lliniaru
• sgrinio am batholeg ddifrifol

Sesiwn 2: Gwneud y defnydd gorau o Radioleg ym maes gofal Sylfaenol/rhwng Sylfaenol ac Eilradd

• IRMER a’r ddeddfwriaeth allweddol
• sut mae atgyfeirio mewn modd da?
• dehongli'r adroddiad
• dehongli delweddau pelydr-X ac MRI sylfaenol

Sesiwn 3: Gwydnwch a lles ymysg ymarferwyr

• theorïau rhesymu clinigol
• gweithdy rhesymu clinigol yn seiliedig ar senario

Diwrnod 2 (ar-lein)

Sesiwn 1: Sgrinio rhiwmatoleg mewn gofal Sylfaenol/Rhwng Sylfaenol ac Eilradd

• pathoffisioleg
• sefyllfaoedd Achos
• awgrymiadau da ar Sgrinio am amryw o batholegau rhiwmatoleg cyffredin, gan gynnwys spondyloarthropathies, arthritis gwynegol, ac arthropathïau grisial

Sesiwn 2: Y defnydd gorau posibl o brofion gwaed mewn gofal Sylfaenol/Rhwng Sylfaenol ac Eilradd

• pryd i defnyddio profion gwaed mewn gofal Sylfaenol/Rhwng Sylfaenol ac Eilradd, a phryd i beidio
• pa brofion i'w hystyried, gan gynnwys crynodeb o’r defnydd o brofion gwaed cyffredin a’u cymhwysiad
• sefyllfaoedd achos

Manteision

Ar ôl cwblhau'r cwrs hwn, byddwch chi’n deall y canlynol yn well:

• theori cymhlethdod clinigol a sylfaen y dystiolaeth sy’n gysylltiedig ag ef
• sut i ymdopi ag ansicrwydd clinigol a rheoli risg glinigol
• y broses a'r canllawiau ar sgrinio am batholeg ddifrifol yn achos cleifion sydd â symptomau MSK
• cymhwyso archwiliadau radiolegol cyffredin gan gynnwys Pelydr-X ac MRI a’u dehongli mewn modd sylfaenol
• pathoffisioleg, rhesymu adnabod patrymau a sgrinio patholegau rhiwmatoleg cyffredin
• y defnydd gorau o brofion gwaed cyffredin a ddefnyddir at ddibenion sgrinio cleifion MSK, a’u dehongli’n sylfaenol, o fewn gofal sylfaenol/rhwng sylfaenol ac eilradd

Gwybodaeth am addysgu

Ar ôl cwblhau eich portffolio, byddwch chi’n cael tystysgrif DPP.  Does dim asesiad wedi'i gynllunio ar gyfer y gweithgaredd dysgu hwn.

Tua 5-10 diwrnod cyn pob sesiwn, byddwn ni’n rhannu gwybodaeth bwysig megis lleoliad, manylion mewngofnodi ar-lein ac ati gyda chi.

Lleoliad