Adsefydlu cleifion difrifol wael (ar-lein)

Mae'r cwrs ar-lein hwn yn un o gyfres o bedwar gan y tîm Gofal Critigol yn yr Ysgol Meddygaeth. Mae'r cwrs hwn yn gyflwyniad i ofalu am gleifion sydd wedi bod yn ddifrifol wael.

Cwrs dysgu hunangyfeiriedig yw hwn, sy'n cynnwys tua 7-10 awr o astudio. Bydd y cynnwys ar gael trwy'r wythnos i chi weithio drwyddo yn eich amser eich hun.

Ar gyfer pwy mae hwn

Gweithwyr gofal iechyd proffesiynol cofrestredig addas sy'n gweithio ym maes gofal acíwt a chritigol.

Gall hefyd helpu gweithwyr gofal iechyd proffesiynol cofrestredig sy'n gofalu am gleifion ar ôl eu salwch critigol.

Beth fyddwch yn ei ddysgu

Ar ôl i chi gwblhau hyn, byddwch yn gallu:

• deall problemau sy'n gysylltiedig ag adsefydlu cleifion sy'n ddifrifol wael.
• ystyried goroesedd.
• deall ffactorau sy'n helpu i hyrwyddo adsefydlu cleifion sy'n ddifrifol wael.
• ystyried pryd y dylid dechrau adsefydlu cleifion gofal critigol
• ystyried problemau, poen a lles ôl-ddwys.
• ystyried dulliau newydd o adsefydlu pobl sy'n ddifrifol wael

Manteision

Byddwch yn elwa ar ddeall tystiolaeth a damcaniaethau am adsefydlu cleifion sydd, neu sydd wedi bod, yn ddifrifol wael.

Mae'r cwrs hwn wedi'i ddylunio'n benodol i'w gyflwyno’n gwbl rithwir; byddwch yn elwa ar sesiynau dan arweiniad tiwtoriaid, sesiynau wedi'u recordio ymlaen llaw ac ymarferion rhyngweithiol.

Anogir trafodaeth er mwyn i chi gael y cyfle i rwydweithio a chyfnewid syniadau gyda'ch cyfoedion.

Rydym wedi cyfyngu ar nifer y lleoedd er mwyn sicrhau eich bod yn cael y profiad dysgu gorau posibl.

Byddwch hefyd yn datblygu eich sgiliau TG drwy gydol y cwrs.

Dull cyflwyno

Cynhelir y cwrs ar-lein hwn drwy blatfform dysgu'r Brifysgol (Dysgu Canolog); mae'r cwrs yn cynnwys cyflwyniadau wedi'u recordio a chyfryngau clywedol eraill, testunau ysgrifenedig, canllawiau, deunydd darllen a argymhellir, a dolenni gwe.

Bydd tîm y modiwl ar gael i roi cymorth ac arweiniad trwy’r fforymau trafod. Byddan nhw hefyd yn cynnal gweminar cyflwyniadol byw.

Asesu

Byddwch yn dangos eich gwybodaeth a’ch dealltwriaeth drwy fyfyrio personol a thasgau ar-lein yn neunyddiau’r cwrs.