Cynnal Adolygiad Systematig: arweiniad ymarferol (ar-lein)
Nod y cwrs yw rhoi dealltwriaeth o brosesau adolygu’n systematig a chyflwyniad ynghylch y sgiliau sydd eu hangen i gynnal adolygiad i’r cyfranogwyr.
Mae’r cwrs yn ymarferol ac yn rhyngweithiol iawn, gydag amrywiaeth o sesiynau trafod, grŵp ac ymarferol. Rhagwelir y bydd y cyfranogwyr yn dod i’r cwrs â phwnc ymchwil ac yn mynd â phrotocol drafft ar gyfer eu hadolygiad systematig.
Sylwer: bydd y cyfle i gadw lle ar y cwrs hwn yn dod i ben ar 2 Ebrill.
Nid oes unrhyw ddyddiadau ar y gweill
Ar hyn o bryd, nid oes dyddiadau ar gael cyn bo hir ar gyfer y cwrs hwn, ond gallwch chi fynegi eich diddordeb. Byddwn ni mewn cysylltiad pan fydd dyddiad newydd ar gyfer y cwrs wedi cael ei drefnu.
Diolch
Rydych wedi llwyddo i gofrestru eich diddordeb yn y cwrs hwn. Byddwn yn cysylltu â chi os bydd dyddiadau newydd ar gael.
Ar gyfer pwy mae hwn
Mae’r cwrs hwn wedi’i deilwra at:
- ymchwilwyr gofal iechyd ôl-raddedig
- gweithwyr gofal iechyd
- llunwyr polisïau
- arbenigwyr gwybodaeth a llyfrgellwyr
Gall staff Prifysgol Caerdydd ac ymchwilwyr NISCHR Portfolio fod yn gymwys am ffi cwrs ostyngol o £550. Y ffi i'w thalu yw £40. Cysylltwch â Mala Mann ar mannmkcaerdydd.ac.uk cyn archebu.
Beth fyddwch yn ei ddysgu
Erbyn diwedd y cwrs, dylech allu:
- datblygu cwestiwn penodol
- dod o hyd i’r dystiolaeth i ateb y cwestiwn hwnnw
- asesu ansawdd/dilysrwydd y dystiolaeth a ganfuwyd
- penderfynu pa ffurfiau o syntheseiddio tystiolaeth yw’r mwyaf priodol
- cyflwyno a thablu canlyniadau
- cyflwyno’r canlyniadau i ddiwallu anghenion clinigwyr ac ymchwilwyr eraill
- datblygu strategaeth i gyhoeddi’r canlyniadau
Pynciau dan sylw
- camau i ddatblygu cwestiwn ymchwil â ffocws
- canfod y llenyddiaeth
- dethol, gwerthuso ac echdynnu astudiaethau
- meda-ddadansoddi neu syntheseiddio naratif
- ysgrifennu adroddiadau a’u lledaenu
Manteision
- datblygu sgiliau rhyngweithiol
- dod gyda phwnc
- gadael gydag amlinelliad o brotocol
- tiwtoriaid â phrofiad helaeth o adolygiadau systematig
Addysgu a gwybodaeth ddefnyddiol
Cwrs rhithwir yw hwn a fydd yn cynnwys 5 sesiwn hanner diwrnod (boreau) a fydd yn cael eu harwain gan diwtor. Bydd llawer o seibiannau wedi'u hamserlennu a digon o gyfleoedd ar gyfer astudio annibynnol yn ystod y prynhawniau.
Yn ystod y prynhawniau hynny, ar eich cyflymder a'ch hwylustod eich hun, byddwch yn gallu rhoi ar waith yr hyn rydych wedi'i ddysgu a gweithio ar eich cwestiynau adolygu systematig penodol, chwiliadau, yn ogystal â helpu gyda'r gweithgareddau ymarferol gwerthuso beirniadol. Bydd slotiau cymorth tiwtor un i un dewisol y byddwch chi'n gallu ymuno â nhw yn ystod y prynhawniau i hwyluso'ch gweithgareddau astudio annibynnol.
Byddwn yn cadarnhau amseroedd, darparu deunyddiau dysgu, a gwybodaeth arall (fel manylion mewngofnodi) yn ystod y pythefnos cyn eich cwrs. Ni fydd angen unrhyw offer arnoch oni bai am gyfrifiadur gyda chysylltiad rhyngrwyd da a chamera, a’r gallu i fewngofnodi i Zoom.
