Oncoleg Gymunedol

Mae’r cwrs hwn, a gyflwynir ar y cyd ag arbenigwyr o Ganolfan Ganser Felindre, wedi’i deilwra i anghenion dysgu gweithwyr gofal iechyd proffesiynol sydd wedi’u lleoli yn y gymuned (e.e. timau gofal sylfaenol, gweithwyr gofal iechyd proffesiynol eraill yn y gymuned) sydd â diddordeb mewn dysgu rhagor am faterion oncoleg y gellid dod ar eu traws ym maes gofal sylfaenol.

Ar gyfer pwy mae hwn

Mae'r cwrs undydd aml-broffesiwn hwn yn ddelfrydol ar gyfer meddygon teulu a thimau gofal iechyd sylfaenol/cymunedol o ystod eang o grwpiau proffesiynol ond bydd yn berthnasol i unrhyw staff clinigol yn y gymuned sy'n gweithio'n rheolaidd gyda chleifion canser.

Beth fyddwch yn ei ddysgu

Wedi'i gyflwyno gan dîm arbenigol o feddygon a nyrsys, bydd y cwrs yn rhoi diweddariadau dysgu ar bynciau oncoleg hanfodol a manylion ar sut mae'r pandemig wedi newid cyfundrefnau triniaethau traddodiadol.

Bydd y cwrs hefyd yn canolbwyntio ar sgiliau cyfathrebu ac yn cefnogi staff clinigol sy'n cael sgyrsiau clinigol heriol gyda chleifion.

Mae’r tîm Oncoleg Gymunedol yn cynnwys:

• Yr Athro Fiona Rawlinson, Ymgynghorydd mewn Meddygaeth Liniarol a Chyfarwyddwr Rhaglen Meddygaeth Liniarol Ôl-raddedig ym Mhrifysgol Caerdydd
• Dr Mick Button, Oncolegydd Ymgynghorol a Dirprwy Gyfarwyddwr Clinigol yng Nghanolfan Ganser Felindre
• Dr Elise Lang, partner meddyg teulu a hyfforddwr yng Ngogledd Caerdydd, Arweinydd Clinigol Meddyg Teulu Macmillan ar gyfer Canolfan Ganser Felindre, ac Ymgynghorydd Clinigol Macmillan i Gymru.

Pynciau dan sylw

Ymdrinnir â 6 maes pwnc:

• diweddariad ynghylch imiwnotherapi: beth i boeni amdano; beth i'w wneud amdano
• diweddariad ynghylch cynlluniau triniaeth ôl-covid – radiotherapi – yr hyn sydd angen i chi ei wybod
• diweddariad ynghylch y ganolfan ddiagnostig gyflym a charsinoma o lwybr sylfaenol anhysbys
• gwasanaeth oncoleg acíwt
• genomeg a chanser – yr hyn sydd angen i chi ei wybod
• Iaith canser – yr hyn sydd angen i chi ei wybod

Amserlen ddrafft (yn amodol ar newidiadau)

Manteision

Bydd y sawl sy’n ymgymryd â’r cwrs yn elwa o ragor o wybodaeth a hyder i'w helpu i reoli cleifion oncoleg yn well.

Lleoliad