Galaethau a’u Hesblygiad

Rydyn ni'n ceisio deall tarddiad ac esblygiad galaethau, yn ogystal â'r prosesau ffisegol a chemegol sydd ar waith ynddyn nhw, a hynny drwy wneud arsylwadau gan ddefnyddio telesgopau ar y ddaear.

Mae'r rhain yn cynnwys Arae Milimetrau Fawr Atacama a'r Telesgop Mawr Iawn (VLT), a thelesgopau yn y gofod megis Hubble a Thelesgop Gofod James Webb. Mae'r arsylwadau a gawn yn cynnwys delweddau o alaethau cyfagos, megis y ddelwedd fanwl gyntaf ar lefel isfilimetrau sy’n dangos galaeth Andromeda (uchod), a delweddau o alaethau rhuddiad uchel sy'n dangos sut beth oedd y galaethau hyn mwy na deng biliwn o flynyddoedd yn y gorffennol.