Diwrnodau ymweld i ymgeiswyr
Mae diwrnodau ymweld yn eich helpu i wneud yn siŵr eich bod yn dewis y lle cywir i astudio. Mae ymweld â'r Ysgol Ffiseg a Seryddiaeth yn eich galluogi i gwrdd ag aelodau o'n staff academaidd, cael golwg ar ein cyfleusterau a phrofi awyrgylch yr Ysgol.
Rydym yn cynnig cyfle i'n hymgeiswyr ddod i weld yr Ysgol ar ddiwrnod ymweld. Mae'r diwrnod arferol yn cynnwys:
- cyflwyniadau rhagarweiniol
- darlithoedd rhagflas
- sgwrs un i un ag aelod o staff academaidd
- teithiau dan arweiniad myfyrwyr o'n cyfleusterau addysgu
- taith gerdded o amgylch y Brifysgol
- cyfleoedd i rieni gyfarfod â staff,
- cinio yn ein ffreutur gyda staff a myfyrwyr.
Mae'r digwyddiadau hyn yn cael eu cynnal yn rhithwir tra bod cyfyngiadau ar waith oherwydd pandemig y coronafeirws (COVID-19).
Bydd ymgeiswyr yn cael eu gwahodd drwy ebost i ddiwrnod ymweld yn yr Ysgol ar ôl derbyn eu cynnig.
Mae yna hefyd ddiwrnodau agored yn y Brifysgol sy'n dangos i chi beth sydd gan Brifysgol Caerdydd a Dinas Caerdydd i'w gynnig i fyfyrwyr yn ehangach.
I gael rhagor o wybodaeth am ein diwrnodau ymweld â'r Ysgol, cysylltwch â'n tîm derbyn myfyrwyr.
