Llwybrau at radd mewn Cerddoriaeth

Mae astudio ein Llwybr i Gerddoriaeth yn eich paratoi i wneud cais i symud ymlaen at radd israddedig yn Ysgol Cerddoriaeth y Brifysgol.

Addysgir modiwlau ar-lein gyda'r nos yn nhymor yr Hydref a'r Gwanwyn a thrwy gyfuniad o dair Ysgol Undydd a thiwtorialau ar-lein yn nhymor yr Haf.

Rydyn ni’n croesawu ceisiadau gan fyfyrwyr nad ydyn nhw efallai wedi cael addysg ffurfiol ers sawl blwyddyn.

Sut mae’n gweithio

Yn y Llwybr mae 60 o gredydau. Bwriad y llwybr yw cynnig y sgiliau a'r wybodaeth sydd eu hangen arnoch chi, a bydd yn gwarantu cyfweliad i chi i astudio gradd gyda'r Ysgol Cerddoriaeth. Gall y Llwybr hwn eich paratoi i wneud cais ar gyfer y graddau canlynol:

Cerddoriaeth (BMus) W302
Cerddoriaeth gyda Blwyddyn o Astudio Dramor (BMus) G85D
Cerddoriaeth (BA) W300

Os hoffech chi gofrestru ar y Llwybr at radd mewn Cerddoriaeth, rhaid i chi fod yn lled gyfarwydd â graddau theori cerddoriaeth 1-2.

Os ydych chi’n dymuno canolbwyntio ar berfformio unigol neu ensemble yn y modiwl Cerddoriaeth Greadigol, argymhellir yn gryf eu bod wedi cyflawni Graddau Ymarferol 5–6 cyn gwneud cais, neu’n dangos gallu i berfformio cerddoriaeth sy’n gymesur â’r lefel hon fel yr amlinellir yn neilliannau dysgu arholiadau cerddoriaeth ymarferol Graddau 5-6.