Rwseg i Ddechreuwyr II

Mae'r cwrs hwn ar gyfer myfyrwyr sydd wedi bod i astudio Rwseg i Ddechreuwyr I, neu sy'n meddu ar rywfaint o wybodaeth sylfaenol iawn o Bortiwgaleg.

Mae'r pwyslais ar sgiliau cyfathrebu a addysgir mewn awyrgylch hamddenol a phleserus.  Nid yw'n addas i ddechreuwyr llwyr yr iaith.

Mae’r cwrs hwn ar gyfer myfyrwyr sydd â dealltwriaeth hynod sylfaenol o Rwsieg ac sydd am allu gwella eu sgiliau sgwrsio sylfaenol wrth deithio i Rwsia.

Ddim yn siŵr pa lefel sy’n addas i chi? Dewch o hyd i'ch lefel.

Dysgu ac addysgu

Mae'r cwrs yn canolbwyntio ar gymryd rhan, ac anogir y myfyrwyr i gymryd rhan yn y dosbarth trwy amrywiaeth o weithgareddau diogel a gynlluniwyd i ysgogi cyfathrebu.

Dyma’r pynciau fydd o dan sylw:

• fi a fy nheulu (adolygiad)
• fy ninas, fy nghref a/neu bentref
• enwau a chyfenwau Rwsieg

Gramadeg:

• ansoddeiriau
• rhagenwau dangosol
• hwn/y rhain
• hwnnw/y rheiny
• adferfau
• berfau moddol a mynegiannau
  amseroedd y ferf yn y gorffennol/dyfodol

Byddwch yn cwblhau ymarferion ysgrifenedig gartref. Caiff llungopïau eu rhoi o'r deunydd dysgu.

Gwaith cwrs ac asesu

I ddyfarnu credydau, bydd angen i ni gael tystiolaeth o’r wybodaeth a’r sgiliau yr ydych wedi eu caffael neu eu gwella. Dylai rhywfaint o’r dystiolaeth fod ar ffurf y gallwn ei rhoi gerbron arholwyr allanol, fel y gallwn fod yn gwbl sicr bod safonau yn cael eu cyflawni ym mhob cwrs a phwnc.

Ni fyddwch yn cael arholiadau ffurfiol, ond efallai y byddwch yn cael profion darllen a gwrando yn y dosbarth. Efallai y gofynnir i chi ysgrifennu testunau byr yn waith cartref. Mae ein hasesiadau yn hyblyg er mwyn gweddu i’r cwrs a'r myfyriwr.

Yr elfen bwysicaf o’r asesu yw y dylai gryfhau’r dysgu. Mae ein dulliau ni wedi’u llunio i gynyddu eich hyder, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.

Cyfleusterau llyfrgell a chyfrifiadura

Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.

Hygyrchedd

Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.