Athroniaeth Emosiwn

Beth yw emosiwn? Pam mae ofn yn emosiwn ond pryder yn hwyl? Beth sy'n gwneud rhywbeth yn ddicter yn hytrach na braw?

A yw emosiwn a rheswm yn gyferbyniadau sylfaenol neu'n fwy tebyg nag y mae safbwyntiau traddodiadol yn ei awgrymu?

Pa rôl ddylai emosiynau ei chwarae mewn ymholi, barn a bywyd moesol? Bydd y cwrs hwn yn rhoi cyflwyniad i chi i'r astudiaeth o athroniaeth emosiwn; nid oes angen unrhyw wybodaeth flaenorol o athroniaeth.

Dysgu ac addysgu

Cyflwynir y modiwl drwy ddeg sesiwn 2 awr, a fydd yn cynnwys darlithoedd, trafodaethau dosbarth, gwaith grŵp bach, a sesiynau dadlau. Caiff sesiynau dosbarth eu hategu gan adnoddau sydd ar gael i fyfyrwyr drwy Dysgu Canolog.

Dyma’r pynciau a allai fod o dan sylw:

• Ontoleg – beth yw emosiwn? Beth sy'n gwahaniaethu un emosiwn oddi wrth un arall?
• Rhesymoldeb – sut mae emosiwn a rheswm yn gysylltiedig?
• Moeseg a seicoleg foesol – pa rôl ddylai emosiynau ei chwarae mewn theori foesegol a bywyd moesol?
• Epistemoleg – beth yw'r berthynas rhwng emosiwn a'r canfyddiad o wirionedd?
• Seicopatholeg – beth all anhwylderau emosiynol ddweud wrthym am rôl a therfynau prosesu affeithiol?
• Anifeiliaid nad ydynt yn ddynol – a yw anifeiliaid nad ydynt yn ddynol yn profi emosiynau?
• Estheteg – beth yw'r berthynas rhwng emosiwn a gwerth esthetig?

Gwaith cwrs ac asesu

I ddyfarnu credydau, bydd angen i ni gael tystiolaeth o’r wybodaeth a’r sgiliau yr ydych wedi eu caffael neu eu gwella. Dylai rhywfaint o hyn fod ar ffurf y gallwn ni ei rhoi gerbron arholwyr allanol, fel y gallwn fod yn gwbl sicr bod safonau yn cael eu cyflawni ym mhob cwrs a phwnc.

Elfen bwysicaf y broses asesu yw y dylai gryfhau’r dysgu. Mae ein dulliau ni wedi’u llunio i roi hyder i chi, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.

Byddwch yn cwblhau tri aseiniad byr trwy gydol y cwrs. Byddwch yn ysgrifennu cyfanswm o oddeutu 1,700-2,000 o eiriau.

Deunydd darllen awgrymedig

Bydd darllen ac adnoddau yn amrywio yn ôl y themâu penodol yr eir i’r afael â nhw yn y modiwl. Efallai y bydd y testunau rhagarweiniol canlynol yn ddefnyddiol i fyfyrwyr.

Goldie, Peter, (gol.) The Oxford Handbook of Philosophy of Emotion (Rhydychen: Oxford University Press, 2010)

Solomon, Robert C., What is an emotion? Classic and contemporary readings, Ail argraffiad. (Efrog Newydd; Rhydychen: Oxford University Press 2003)

Cyfleusterau llyfrgell a chyfrifiadura

Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.

Hygyrchedd

Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.