Realaeth Hudol

Realaeth hudol yw un o symudiadau llenyddol mwyaf unigryw'r ganrif ddiwethaf. Yn debyg i straeon tylwyth teg, mae nofelau realaidd hudol a straeon byrion yn cymylu'r llinell rhwng ffantasi a realiti.

Yn aml mae realaeth hudol chwareus ac afieithus hefyd yn chwarae rhan enfawr wrth dynnu sylw at ormes economaidd a gwleidyddol De’r Byd.

Yn y cwrs hwn, byddwch yn astudio realaeth hudol fel genre llenyddol. Byddwch yn dadansoddi detholiad o destunau realaidd hudol o bob cwr o'r byd, gan gynnwys awduron fel awdur mwyaf adnabyddus America Ladin ac enillydd Gwobr Nobel, Gabriel Garcia Marquez, a Haruki Murakami sydd wedi ennill sawl gwobr yn Japan.

Dysgu ac addysgu

Cyflwynir y modiwl drwy ddeg sesiwn 2 awr drwy Zoom, a fydd yn cynnwys darlithoedd, trafodaethau seminar, gwaith grŵp bach a sesiynau dadlau. Caiff sesiynau dosbarth eu hategu gan adnoddau sydd ar gael i fyfyrwyr drwy Dysgu Canolog.

Bydd y pynciau'n canolbwyntio ar destunau llenyddol a gallant gynnwys:

• Lleoliadau realistig a bydoedd cyfarwydd
• Elfennau hudol – o wrthrychau sy’n siarad i gymeriadau sydd wedi marw a thelepathi
• Gwybodaeth gyfyngedig – hud a lledrith heb esboniad a normaleiddio
• Grym a Gwleidyddiaeth Beirniadaeth – o ormes economaidd i Imperialaeth Americanaidd
• Strwythurau plot unigryw a chrymliniau stori annodweddiadol

Gwaith cwrs ac asesu

I ddyfarnu credydau, bydd angen i ni gael tystiolaeth o’r wybodaeth a’r sgiliau yr ydych wedi eu caffael neu eu gwella. Dylai rhywfaint o hyn fod ar ffurf y gallwn ni ei rhoi gerbron arholwyr allanol, fel y gallwn fod yn gwbl sicr bod safonau yn cael eu cyflawni ym mhob cwrs a phwnc.

Elfen bwysicaf y broses asesu yw y dylai gryfhau’r dysgu. Mae ein dulliau ni wedi’u llunio i roi hyder i chi, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.

Byddwch yn cwblhau portffolio ysgrifennu, a all gynnwys adolygiadau, dadansoddiadau a thraethodau byr. Bydd y portffolio yn cynnwys tua 1800 o eiriau

Deunydd darllen awgrymedig

Darllen Hanfodol:

• Ahmed Saadawi, Frankenstein in Bagdad (2014) (cyfieithiad gan Jonathan Wright)
• Franz Kafka, The Metamorphosis (1915)
• F. Scott Fitzgerald, The Curious Case of Benjamin Button (1922)
• Neil Gaiman, The Ocean at the End of the Lane (2013).
• Gabriel García Márquez, A Very Old Man with Enormous Wings (1968)
• Haruki Murakami, The Wind-Up Bird Chronicle (1994)
• Salman Rushdie, Midnight’s Children (1981)

Deunydd Darllen Ychwanegol a Ddewiswyd

• Maggie Bowers Magic(al) Realism (2004)
• Amaryll Beatrice Chanady Magical Realism and the Fantastic: Resolved Versus Unresolved Antinomy (1985)
• Wendy B. Faris Ordinary Enchantments (2004)
• Wendy B. Faris a Lois Parkinson Zamora (goln.) Magical Realism: Theory, History, Community (1995)
• Wen-chin Ouyang a Stephen M. Hart A Companion to Magical Realism (2005)
• Christopher Warnes Magical Realism and the Postcolonial Novel: Between Faith and Irreverence (2009)

Cyfleusterau llyfrgell a chyfrifiadura

Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.

Hygyrchedd

Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.