Trin a Thrafod Plentyndod
| Hyd | 10 cyfarfod wythnosol | |
|---|---|---|
| Tiwtor | Briony Goffin | |
| Côd y cwrs | CRW24A5584A | |
| Ffi | £196 | |
| Ffi ratach | £157 (gwybodaeth am gymhwysedd ac opsiynau ariannu) | |
| Location | Cwrs ar-lein |
| Hyd | 10 cyfarfod wythnosol | |
|---|---|---|
| Tiwtor | Briony Goffin | |
| Côd y cwrs | CRW24A5584B | |
| Ffi | £196 | |
| Ffi ratach | £157 (gwybodaeth am gymhwysedd ac opsiynau ariannu) | |
| Location | 50-51 Plas y Parc |
Bydd y cwrs hwn yn eich galluogi chi i ddefnyddio pwnc plentyndod a glaslencyndod i ysbrydoli eich straeon, boed yn ffuglen neu’n hunangofiant, gan gynnwys y profiad o fod yn blentyn, tyfu i fyny, a chyrraedd cerrig milltir.
Byddwch chi’n cael y cyfle i drin a thrafod persbectif a llais, yn ogystal â sut i bortreadu byd y plentyn mewn ffordd sy'n fywiog a pherthnasol, mewn ffordd sy’n bersonol i chi ac yn gyffredinol.
Os oes gennych chi ddiddordeb mewn astudio ein cwrs Ysgrifennu i Blant yn y dyfodol, ond yn dymuno magu hyder yn gyntaf, mae hwn yn lle gwych i ddechrau ysgrifennu.
Dysgu ac addysgu
Cyflwynir y modiwl drwy ddeg sesiwn 2 awr, a fydd yn cynnwys gweithdai, trafodaethau dosbarth a gwaith grŵp bach.
Gall pynciau a themâu gynnwys:
- Defnyddio pwnc plentyndod ar gyfer creadigrwydd
- Rôl hunangofiant
- Defnyddio pwnc plentyndod i ysgrifennu ffuglen
- Ysgrifennu o safbwynt plentyn
- Deall lleisiau gwahanol yn ystod plentyndod
- Cyffredinolrwydd plentyndod
Sylwch fod y cwrs hwn defnyddio elfennau o blentyndod i annog creadigrwydd. Fodd bynnag, nid yw’n gwrs sy’n seiliedig ar dechnegau cwnsela neu les. Bydd angen i fyfyrwyr ystyried yn ofalus yr hyn y maen nhw am eu rhannu â’r grŵp, yn enwedig os yw profiadau’n ymwneud â thrawma yn ystod plentyndod.
Gwaith cwrs ac asesu
Bydd angen i ni gael tystiolaeth o’r wybodaeth a’r sgiliau rydych chi wedi’u hennill neu eu gwella i ddyfarnu credydau. Mae’n rhaid i rywfaint o’r dystiolaeth hon fod ar ffurf y gallwn ei rhoi gerbron arholwyr allanol er mwyn i ni allu bod yn hollol sicr bod safonau’n cael eu bodloni ym mhob cwrs a phwnc.
Elfen bwysicaf y broses asesu yw y dylai gwella eich dysgu. Lluniwyd ein dulliau i wella eich hyder, ac rydyn ni’n gwneud pob ymdrech i greu ffyrdd o asesu sy’n rhoi mwynhad ac sy’n addas ar gyfer oedolion prysur.
Byddwch chi’n cwblhau portffolio ysgrifennu creadigol ac yn ysgrifennu’n fyfyriol am eich proses eich hun. Bydd y portffolio yn cynnwys tua 1500 o eiriau.
Deunydd darllen awgrymedig
Byddwch chi’n cael awgrymiadau darllen cynhwysfawr ar ddechrau'r cwrs. Nid oes angen darllen unrhyw beth ymlaen llaw.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
