Ysgrifennu Ffeithiol Creadigol
Nid oes modd cadw lle ar y cwrs hwn ar hyn o bryd
Nid oes dyddiadau ar gael ar gyfer y cwrs hwn ar hyn o bryd. Byddwch y cyntaf i gael gwybod pan gyhoeddir dyddiadau newydd trwy ymuno â’r rhestr bostio..
Mae'r cwrs hwn yn cynnwys dau ymweliad lleol i gael ysbrydoliaeth i ysgrifennu, yr Amgueddfa Genedlaethol a Pharc Cathays yn ôl pob tebyg. Mae rhywfaint o hyblygrwydd yn y teithiau hyn sydd wedi'u trefnu, felly rhowch wybod i ni am unrhyw anghenion mynediad sydd gennych chi wrth ymrestru.
Weithiau, cyfeirir at ysgrifennu ffeithiol creadigol fel y “pedwerydd genre”, ochr yn ochr â barddoniaeth, drama a ffuglen.
Mae’n ffurf lle mae dweud y gwir a defnyddio iaith lenyddol cyn bwysiced â’i gilydd.
Mae ysgrifennu ffeithiol creadigol yn cynnwys sawl gwahanol fath o ysgrifennu, gan gynnwys cofiant, dyddiadur, llên teithio, llên bwyd, newyddiaduraeth lenyddol, hanes naratif a thraethawd personol.
Yn fwy diweddar, mae llên ffeithiol ddamcaniaethol a'r traethawd gweledol wedi dechrau cael eu cynnwys o dan y term ymbarél hwn.
Ar y cwrs hwn, byddwch yn archwilio ystod eang o arddulliau a ffurfiau ym maes ysgrifennu ffeithiol creadigol, gan ddod o hyd i lais sy'n gweddu i'r naratif rydych am ei adrodd.
Mae cywirdeb ffeithiol yn hollbwysig, ond mae’r arddull adrodd yn grefftus.
Dysgu ac addysgu
Cyflwynir y modiwl drwy ddeg sesiwn 2 awr, a fydd yn cynnwys gweithdai, trafodaethau dosbarth, a gwaith grŵp bach.
Maes Llafur
Mae’r pynciau’n debygol o gynnwys:
- Cofiant, bywgraffiad, a hunangofiant
- Llên teithio
- Llên bwyd
- Traethodau Personol
- Llên ffeithiol ddamcaniaethol
- Cyd-destunau digidol
Gwaith cwrs ac asesu
I ddyfarnu credydau, bydd yn rhaid inni gael tystiolaeth o’r wybodaeth a’r sgiliau rydych chi wedi’u hennill neu eu gwella.
Rhaid i rywfaint o’r dystiolaeth hon fod ar ffurf y gallwn ei rhoi gerbron arholwyr allanol er mwyn i ni allu bod yn hollol sicr bod safonau’n cael eu cyrraedd ym mhob cwrs a phwnc.
Elfen bwysicaf y broses asesu yw y dylai gyfoethogi’r dysgu.
Lluniwyd ein dulliau i wella eich hyder, a gwnawn bob ymdrech i greu ffyrdd o asesu sy’n rhoi mwynhad ac sy’n addas ar gyfer oedolion â bywydau prysur.
Byddwch yn cwblhau portffolio ysgrifennu creadigol ac yn ysgrifennu’n fyfyriol am eich proses eich hun. Bydd y portffolio’n cynnwys tua 1500-2000 o eiriau.
Deunydd darllen awgrymedig
Byddwch yn cael awgrymiadau darllen cynhwysfawr ar ddechrau'r cwrs. Nid oes angen darllen ymlaen llaw.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
