Caerdydd, Metropolis Cymru: Pobl, Lleoedd, Hanes
| Hyd | 10 cyfarfod wythnosol | |
|---|---|---|
| Tiwtor | Dr Elizabeth Jones | |
| Côd y cwrs | HIS24A5569A | |
| Ffi | £196 | |
| Ffi ratach | £157 (gwybodaeth am gymhwysedd ac opsiynau ariannu) | |
| Location | Adeilad John Percival |
O'r fryngaer yng Nghaerau-Elái i oresgyniadau Rhufeinig a Normanaidd ac adeiladu Castell Caerdydd, ac ymlaen i Ddiwygiad, Rhyfel Cartref, glo a diwylliant, mae'r cwrs hwn yn archwilio twf a datblygiad Caerdydd o'i wreiddiau hyd heddiw.
Bydd ein taith yn dechrau gyda thrigolion cynharaf Caerdydd a sut y datblygodd yr anheddiad rhwng dyfodiad y Rhufeiniaid a datblygiad tref ganoloesol yn dilyn goresgyniad y Normaniaid.
Byddwn yn mynd ymlaen i ystyried twf Caerdydd yn dref sirol, ei thrawsnewid a'i rôl yn y bedwaredd ganrif ar bymtheg fel prifddinas allforion glo y byd, ei phrofiad o'r ddau Ryfel Byd, a'i hanes gwleidyddol, cenedlaethol a diwylliannol mwy diweddar wrth iddi dyfu i fod yn brifddinas Cymru.
Byddwn yn archwilio'r adeiladau a'r bobl sydd wedi llunio'r ddinas ac yn trafod sut mae ei hunaniaeth wedi gweddnewid mewn ymateb i ddigwyddiadau lleol, cenedlaethol a rhyngwladol.
Dysgu ac addysgu
Bydd y modiwl yn cael ei ddysgu dros naw sesiwn dwy awr o hyd, ac yn cynnwys darlithoedd, seminarau a gweithdai.
Bydd y sesiynau hyn yn digwydd ar ffurf darlith awr o hyd gyda thrafodaethau dosbarth a gwaith grŵp ar bynciau penodol yn ymwneud â'r modiwl yn dilyn hynny, bob tro.
Bydd y trafodaethau a'r gwaith grŵp yn galluogi’r myfyrwyr i feddwl yn feirniadol ac i gyfrannu at y dadleuon a'r pynciau a gyflwynir yn ystod y darlithoedd. Bydd adnoddau sydd ar gael i fyfyrwyr trwy Dysgu Canolog yn atgyfnerthu’r sesiynau trafod dan arweiniad a'r darlithoedd.
Maes Llafur:
- Trigolion Cynharaf Caerdydd
- Caerdydd y Normaniaid: Mechdeyrnedd Tramor a’r Cymry Trafferthus
- Bywyd yng Nghaerdydd Ganoloesol
- Caerdydd Fodern Gynnar: Ad-drefnu, Diwygiad a Gwrthryfel
- Caerdydd Fodern Gynnar: Newid, Datblygu a Chynnydd
- Mae'r Ddraig yn Deffro: Caerdydd y Porthladd Glo
- Nodweddion Trefol a Mannau Trefol, Twf Trefol a Statws Dinas
- Tensiwn, Protest a Chynnen: Caerdydd yn y Rhyfel
- Caerdydd Ers 1945: Rôl Newydd a Hunaniaeth Hewydd
- Beth yw'r dyfodol i Gaerdydd?
Gwaith cwrs ac asesu
Bydd disgwyl i chi gwblhau dau ddarn o waith a asesir:
- ffynhonnell fer
- darn 1000 o eiriau o ysgrifennu hanes cyhoeddus, fel blog
Bydd llawer o gymorth a chefnogaeth ar gael ar gyfer y ddau aseiniad.
Deunydd darllen awgrymedig
- Dennis Morgan, The Cardiff Story: A History of the City from the Earliest Times to the Present (Tonypandy: Hackmann, 2001)
- Dic Mortimer, Cardiff: The Biography (Stroud: Amberley, 2014)
- Nick Shepley, The Story of Cardiff (Stroud: The History Press, 2014)
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
