Sgiliau Cyfathrebu Arabeg II

Nod y modiwl hwn yw gwella sgiliau iaith lafar ac ysgrifenedig myfyrwyr ymhellach.

Bydd yn ymdrin â'r pynciau canlynol:

• Trafod plentyndod
• Mynegi teimladau ac agweddau
• Disgrifio eich cartref
• Disgrifio pobl, lleoedd
• Trafod amser hamdden a mynd allan
• Trafod hobïau a diddordebau
• Trafod gwaith
• Mynegi hoff bethau a chas bethau
• Rhifau
• Archebu pryd o fwyd mewn bwyty

I bwy mae’r cwrs hwn?

Mae’r cwrs hwn wedi’i anelu at fyfyrwyr sydd â gwybodaeth sylfaenol o Arabeg.

Dysgu ac addysgu

Mae'r cwrs yn canolbwyntio ar gymryd rhan, ac anogir y myfyrwyr i gymryd rhan yn y dosbarth trwy amrywiaeth o weithgareddau diogel a gynlluniwyd i ysgogi cyfathrebu.

Gwaith cwrs ac asesu

Portffolio gwaith cwrs a chymryd rhan yn y dosbarth. Mae ein hasesiadau’n hyblyg er mwyn gweddu i’r cwrs a'r myfyriwr.

Elfen bwysicaf y broses asesu yw y dylai gwella eich dysgu. Diben ein dulliau yw ceisio cynyddu eich hyder, ac rydyn ni’n gwneud ein gorau glas i ddyfeisio ffyrdd o asesu sy’n ddifyr ac yn addas i oedolion prysur.

Deunydd darllen awgrymedig

Byddwch chi’n derbyn yr holl ddeunyddiau.

Cyfleusterau llyfrgell a chyfrifiadura

Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.

Hygyrchedd

Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.