Cyflwyniad i Hanes Cymdeithasol Celf: 1700au-1830au
| Tiwtor | Dr Angela Morelli |
|---|---|
| Côd y cwrs | AAA24A5578A |
| Ffi | £196 |
| Ffi ratach | £157 (gwybodaeth am gymhwysedd ac opsiynau ariannu) |
| Location | 50-51 Plas y Parc |
Sut gallwn ni astudio celf er mwyn cael gwybod am fywydau pobl, llefydd a’r gymdeithas?
Cyflwyniad i Hanes Cymdeithasol Celf yw’r modiwl hwn, ac mae’n ymdrin â’r hyn y gallwn ni ei ddysgu am y gymdeithas a datblygiadau cymdeithasol drwy bortreadau a geir mewn gwaith celf.
Ein prif ffocws bydd ar ddatblygiadau yn niwylliant gweledol, a hynny gan drin a thrafod printiau, paentiadau, a cherfluniau o'r cyfnod rhwng y 1700au a’r 1830au. Cyfnod o newid mawr oedd hwn, ac a gwmpasodd Oes yr Ymoleuo, y Chwyldro Diwydiannol, y Chwyldro Ffrengig, ac ymdrechion i gyflawni’r nod o ddiwygio cymdeithasol.
Byddwn ni’n rhoi cychwyn ar ein hymchwiliadau drwy ymdrin â gwaith Hogarth a dychan gwleidyddol, cyn symud ymlaen i’r mudiad Rhamantiaeth a chyflwyniad i daith ymchwil Casper Lavater i fyd ffisiognomi. Caiff sylw ei roi hefyd i gynrychioliadau o’r arddull arswyd Gothig, ac i waith Jacques-Louis David a Goya yn benodol, gan dalu sylw arbennig i’r digwyddiadau gwleidyddol a wnaeth ddylanwadu ar eu gwaith.
Yn rhan o’r modiwl hwn byddwn ni’n ymweld ag Amgueddfa Genedlaethol Cymru, Caerdydd, er mwyn dysgu mwy am y casgliad a lle mae’r gweithiau celf yn cyd-fynd â hanes celf.
Dysgu ac addysgu
Cyflwynir y modiwl drwy ddeg sesiwn 2 awr, a fydd yn cynnwys darlithoedd, trafodaethau dosbarth, gwaith grŵp bach a sesiynau dadlau.
Bydd adnoddau sy’n ategu’r sesiynau dosbarth ar gael i fyfyrwyr drwy Dysgu Canolog.
Maes Llafur:
- Trosolwg o’r Modiwl
- Hogarth a’r Dychanwyr
- Cwis, a Hogarth a’r Dychanwyr
- Rhamantiaeth – Ymweld â’r Amgueddfa
- Lavater a ffisiognomi
- Hunllefau Gothig
- Jacques-Louis David
- Goya
- Propaganda Gwleidyddol
- Atgrynhoi’r modiwl a pharatoi ar gyfer yr aseiniad.
Gwaith cwrs ac asesu
Bydd disgwyl ichi gwblhau dau ddarn o waith a asesir:
- Traethawd 1500 gair.
- NEU dri aseiniad gwerthuso critigol ar sail gweithiau celf (500 gair)
Bydd llawer o gymorth a chefnogaeth ar gael ar gyfer y ddau aseiniad.
Deunydd darllen awgrymedig
- National Gallery. 2023. Artists A to Z. [online] http://www.nationalgallery.org.uk/artists/
- Tate Britain. 2023. Art and Artists. [online] http://www.tate.org.uk/art
- Anthony Janson and H.W. Janson, History of Art, 6th edition (London: Thames and Hudson, 2001)
- Nadeije Laneyrie-Dagen, How to Read Paintings (London: Chambers, 2004)
- Marcia Pointon, History of Art: A Student’s Handbook, 5th edition (London and New York: Routledge, 2014)
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
