Heneiddio Drwy'r Oesoedd: Bioarchaeoleg a Phobl y Gorffennol
| Hyd | 9 cyfarfod wythnosol | |
|---|---|---|
| Tiwtor | Katie Faillace | |
| Côd y cwrs | ARC24A5487A | |
| Ffi | £264 | |
| Ffi ratach | £211 (gwybodaeth am gymhwysedd ac opsiynau ariannu) | |
| Location | Adeilad John Percival |
Mae oedran unigolyn yn effeithio ar sut mae ei ddiwylliant yn gweld yr unigolyn hwnnw.
Bydd y modiwl hwn yn archwilio dylanwad oedran yng nghymdeithasau'r gorffennol, o fod yn faban i fynd yn hŷn.
Wrth gyflwyno'r dulliau a ddefnyddir gan fio-archeolegwyr a defnyddio enghreifftiau o Brydain, Ewrop a Gogledd America, byddwn yn archwilio'r tri phrif fath o oedran: cronolegol, biolegol a chymdeithasol, cyn trafod y tebygrwydd a’r gwahaniaethau rhwng y cerrig milltir a chyfrifoldebau cymdeithasol sydd yn aml ynghlwm wrth oedran.
Byddwn yn archwilio sut mae'r rhain yn croestorri â hunaniaethau personol eraill, gan gynnwys rhywedd a chyfoeth.
Byddwch yn cael eich cyflwyno i ddulliau megis amcangyfrif oedran o esgyrn a dannedd, dadansoddi diet a daearyddiaeth, ac arwyddion o glefyd a thrawma mewn sgerbydau dynol.
Byddwn yn gorffen trwy gymharu hyn oll â diwylliannau modern o bob cwr o'r byd.
Dysgu ac addysgu
Cyflwynir y modiwl trwy naw sesiwn wyneb yn wyneb. Bydd y sesiynau hyn yn cynnwys darlithoedd ac yna trafodaethau dosbarth a gwaith grŵp ar bynciau penodol sy'n ymwneud â'r modiwl. Bydd y drafodaeth a'r gwaith grŵp yn galluogi’r myfyrwyr i feddwl yn feirniadol a chyfrannu at y dadleuon a'r pynciau a gyflwynir yn ystod y darlithoedd. Bydd adnoddau sydd ar gael i fyfyrwyr trwy Dysgu Canolog yn atgyfnerthu’r sesiynau trafod dan arweiniad a'r darlithoedd.
Maes Llafur:
- Cyflwyniad a throsolwg o'r cwrs
- Astudio poblogaethau bodau dynol a dulliau o amcangyfrif oedran
- Babandod
- Deunyddiau darllen ym maes bioarchaeoleg: gweithdy gwaith cwrs
- Plentyndod
- Y glasoed
- Oedolion Ifanc
- Oedolyn Hŷn
- Oedran Heddiw
Gwaith cwrs ac asesu
Bydd disgwyl i chi gwblhau dau ddarn o waith a asesir:
- adolygiad beirniadol byr
- traethawd 1000 gair.
Rhoddir cyngor a chymorth ar gyfer y ddau aseiniad, a byddwch yn derbyn adborth manwl ynghylch y cryfderau a’r meysydd i’w gwella ar gyfer y ddau ddarn o waith.
Deunydd darllen awgrymedig
- Argawal, S and Glencross, B. (2011) Social Bioarchaeology. Chichester: Wiley Blackwell.
- Devlin, Z and Graham, E-J. (2015) Death embodied. Oxford: Oxbow.
- Larsen, C. S. (1998) Bioarchaeology: Interpreting Behavior from the Human Skeleton. Cambridge University Press, Cambridge.
- Parker-Pearson, M. P. (1999) The Archaeology of Death and Burial. Sutton, Gloucester.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
