Heneiddio a'r Cof: Ymagwedd Lenyddol

Rydym bellach yn byw mewn byd lle mae bywydau'n para dipyn yn hirach na rhai'r cenedlaethau blaenorol.

Mae newidiadau mewn gofal meddygol, y bwyd a fwytawn a natur ein gwaith wedi arwain at newidiadau yng ngwneuthuriad ein cymdeithas. Rydym yn tyfu'n hŷn.

Mae'r modiwl hwn yn trin a thrafod ystyr ysgrifennu am heneiddio a'r cof drwy ffuglen a gwaith ffeithiol-greadigol. Mae’n archwilio’r mathau o ymadroddion a delweddau sy’n ailymddangos mewn testunau sy’n dychmygu ac yn archwilio gwahanol fathau o brofiadau, o’r syniad o dyfu’n hŷn i fyw bywyd llawn.

Byddwch yn archwilio syniadau gerontoleg llenyddol yng nghyd-destun nofelau, straeon byrion, hunangofiant a chofiant.

Dysgu ac addysgu

Cyflwynir y modiwl drwy ddeg sesiwn 2 awr, a fydd yn cynnwys darlithoedd, trafodaethau dosbarth, gwaith grŵp bach, a sesiynau dadlau. Caiff sesiynau dosbarth eu hategu gan adnoddau sydd ar gael ar Dysgu Canolog..

Ymhlith y pynciau a drafodir y mae:

• menywod a heneiddio
• cof a hunaniaeth
• llenyddiaeth oed mawr
• henaint mewn ysgrifennu Cymreig mewn Saesneg
• heneiddio, y cof, a bildungsroman
• nesáu at heneiddio o wahanol ddiwylliannau.

Gwaith cwrs ac asesu

I ddyfarnu credydau, bydd angen i ni gael tystiolaeth o’r wybodaeth a’r sgiliau yr ydych wedi eu hennill neu eu gwella. Dylai rhywfaint o’r dystiolaeth fod ar ffurf y gallwn ei rhoi gerbron arholwyr allanol, fel y gallwn fod yn gwbl sicr bod safonau yn cael eu cyflawni ym mhob cwrs a phwnc.

Elfen bwysicaf y broses asesu yw y dylai gryfhau’r dysgu. Mae’n dulliau ni wedi’u llunio i gynyddu eich hyder, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.

Byddwch yn cynhyrchu portffolio o waith ysgrifennu o tua 1600 o eiriau.

Deunydd darllen awgrymedig

• Diana Athill, Somewhere towards the end (2008)
• Nora Ephron, I remember Nothing (2010)
• Atul Gawande, Being Mortal: Illness, Medicine and What Matters in the End (2014)
• Emyr Humphreys, Old People are a Problem (2003)
• Wendy Mitchell, Somebody I Used to Know (2018)
• Deborah Moggach, These Foolish Things [Retitled as The Best Exotic Marigold Hotel] (2004, 2012)
• Allen Raine, ‘Home Sweet Home’ and Margiad Evans’s ‘The Old Woman and the Wind,’ in A View Across the Valley (Honno, 1999)
• Ellie Rees, ‘Blurred Boundaries’ (New Welsh Review, 108, 2015)

Cyfleusterau llyfrgell a chyfrifiadura

Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.

Hygyrchedd

Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.