Therapi Derbyn ac Ymrwymo I
| Hyd | 10 cyfarfod wythnosol | |
|---|---|---|
| Tiwtor | Ingrid Wallace | |
| Côd y cwrs | SOC24A4700D | |
| Ffi | £196 | |
| Ffi ratach | £157 (gwybodaeth am gymhwysedd ac opsiynau ariannu) | |
| Location | 50-51 Plas y Parc |
Mae Therapi Derbyn ac Ymrwymo (ACT) yn therapi ymddygiadol ar sail gwerthoedd, gydag elfen o ymwybyddiaeth ofalgar.
Mae ACT yn seiliedig ar dystiolaeth ac mae’n gymwys ar gyfer ystod gynyddol o sefyllfaoedd, e.e. gorbryder, hunan-barch a hyder. Mae'n ddull di-lol o fod yn driw i’ch gwerthoedd chi eich hun a’u cymhwyso fel sail i osod amcanion a chyflawni mwy o fywiogrwydd.
Mae'r cwrs yn agored i bawb.
Dysgu ac addysgu
- Model ACT (Yr hexaflex)
- Chwe egwyddor graidd ACT:
- Hunanarsylwi
- Ymwybyddiaeth Ofalgar
- Gwerthoedd
- Gweithredu ymrwymedig
- Diffiwsio'r meddwl
- Derbyn
- Archwilio teimladau 'cadarnhaol' a 'negyddol'
- Y cof fel 'storïwr'
- Bywiogrwydd yn erbyn goddef e.e. diffodd y 'switsh brwydro'
Gwaith cwrs ac asesu
I ddyfarnu credydau, bydd angen i ni gael tystiolaeth o’r wybodaeth a’r sgiliau yr ydych wedi eu hennill neu eu gwella.
Yn y cwrs hwn, cewch eich asesu trwy ymarferion ysgrifenedig ac ymarferion hunanymwybyddiaeth ymarferol
Mae ein hasesiadau yn hyblyg er mwyn gweddu i’r cwrs a'r myfyriwr. Yr elfen bwysicaf o’r asesu yw y dylai gryfhau’r dysgu. Mae’n dulliau ni wedi’u llunio i gynyddu eich hyder, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.
Deunydd darllen awgrymedig
- Getting Unstuck in ACT (Russ Harris)
- ACT made simple (Russ Harris)
- Learning ACT (Jason B Luoma, et al, 2007)
Adnoddau ar-lein
Bydd myfyrwyr yn cael deunydd drwy gydol cyfnod y cwrs, does dim angen prynu'r llyfrau.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
