Cyllido a thalu am eich dysgu

Os ydych chi’n bwriadu astudio ar gyfer 30 credyd neu ragor yn ystod y flwyddyn academaidd hon, gallwch gyflwyno cais am fenthyciad ffioedd i Gyllid Myfyrwyr Cymru i ariannu eich addysg. Mewn rhai achosion efallai y byddwch chi hefyd yn gymwys am grantiau penodol.

Bydd angen i chi wirio’r meini prawf cymhwysedd sy’n berthnasol i fyfyrwyr rhan-amser. Bydd y meini prawf yn amrywio gan ddibynnu ar y flwyddyn academaidd rydych chi’n dechrau ar eich astudiaethau a p’un a ydych chi’n fyfyriwr newydd neu’n fyfyriwr sy’n dychwelyd. Darllenwch grynodeb cyflym yma.

Os ydych chi’n dymuno gwneud cais dylech wneud hynny cyn gynted â phosibl unwaith y byddwch wedi dewis eich cyrsiau. Y ffordd gyflyma yw i wneud cais ar-lein ar wefan Cyllid Myfyrwyr Cymru.

Noder fod rhaid llenwi Adran 4 y ffurflen gais, ‘Am eich prifysgol neu goleg a’r cwrs’, yn gywir neu bydd Cyllid Myfyrwyr Cymru yn anfon y ffurflen yn ôl atoch chi. Os ydych chi angen cymorth i lenwi’r ffurflen gais yna cysylltwch â’r Gwasanaethau Myfyrwyr:

Ebost: studentconnect@caerdydd.ac.uk

Ffôn: +44 (0)29 2251 8888

Hepgor Ffioedd: Diweddariad

Rydym wedi dihysbyddu’r cyllid hepgor ffioedd sydd gennym ar gyfer 2024/2025. Bydd ymgeiswyr yn cael eu hychwanegu at restr aros. Yn anffodus, ni allwn gadw lleoedd ar gyrsiau i’r ymgeiswyr hynny sydd ar y rhestr aros.

Gyda chyllid gan Y Comisiwn Addysg Drydyddol ac Ymchwil (Medr) mae Prifysgol Caerdydd yn cynnig cynllun hepgor ffioedd i gefnogi myfyrwyr na fyddai ganddynt fynediad at addysg uwch fel arall (yn amodol ar argaeledd). Bydd Medr yn talu ffioedd myfyrwyr cymwys.

I fod yn gymwys ar gyfer y cynllun hepgor ffioedd mae’n rhaid ichi fodloni’r canlynol:

• Mae’n rhaid ichi beidio ag astudio mwy na 20 credyd yn ystod y flwyddyn academaidd hon
• Rhaid bod yn byw yng Nghymru

Yn ogystal, mae rhaid ichi fodloni o leiaf un o'r meini prawf canlynol:

• Rydych yn dod o ardal o amddifadedd economaidd-gymdeithasol neu o gyfranogiad isel mewn addysg uwch
• Rydych yn derbyn budd-daliadau sy’n eich gwneud yn gymwys fel Universal Credit
• Rydych yn perthyn i grŵp Du, Asiaidd neu leiafrifoedd ethnig
• Rydych chi'n ffoadur;
• Rydych yn geisiwr lloches
• Mae gennych chi anabledd
• Rydych yn ofalwr
• Rydych wedi Gadael Gofal neu wedi cael Profiad o Ofal
• Rydych chi'n ystyried eich hun yn LDHTC+
• Nid yw eich rhieni/gwarcheidwaid wedi cael eu haddysgu i lefel addysg uwch

Cofiwch fod y cynllun hepgor ffioedd dysgu i fyfyrwyr yn amodol ar argaeledd.

Darllenwch ein taflen Hepgor Ffioedd Myfyrwyr.

Efallai y bydd cymorth ariannol ychwanegol ar gael gan y Brifysgol i fyfyrwyr ar incymau isel heb unrhyw brofiad blaenorol mewn Addysg Uwch. Am ragor o wybodaeth ar gymhwysedd a’r broses gwneud cais, cysylltwch â’r Tîm Cyngor ac Arian.