Cymryd rhan mewn ymchwil
Drwy gymryd rhan yn ein hymchwil bwysig, byddwch yn ein helpu i wella ein gwybodaeth a gwella bywydau cleifion.
Rydym bob amser yn edrych am aelodau o’r cyhoedd i helpu gyda’n gwaith ymchwil, ac mae nifer o ffyrdd y gallwch gymryd rhan.
Caiff ein hymchwil ei chydnabod yn rhyngwladol a gallwch fod yn rhan ohoni. Gadewch eich gwaddol drwy wneud cyfraniad hanfodol i wyddoniaeth a gofal iechyd.
Cyfleoedd
Ymchwil clefyd maciwlaidd a golwg wrth heneiddio
Mae ein tîm ymchwil yn ceisio nodi ffyrdd newydd o brofi a thrin pobl â chlefyd maciwlaidd. Rydym yn recriwtio oedolion iach a phobl â chlefyd maciwlaidd, yn enwedig y rheiny sy’n dal i allu gweld yn dda ag un neu ddwy lygad, ar gyfer ein hastudiaethau ymchwil. Os oes gennych chi neu unrhyw un rydych yn ei adnabod ddiddordeb mewn cymryd rhan, llenwch ein holiadur ar-lein, a byddwn yn cysylltu â chi i drafod astudiaethau a allai fod yn addas.
Gallwch gael rhagor o wybodaeth am ein grŵp ymchwil a'n prosiectau ymchwil ar dudalen we ein grŵp ymchwil maciwlaidd.
Y Gronfa Ddata Colli Golwg Niwrolegol
Ar y cyd â’r Ysgol Seicoleg, rydym yn chwilio am bobl i gymryd rhan mewn gwaith ymchwil ar gyfer astudio colli golwg niwrolegol. Rydym yn recriwtio’r rhai hynny sydd wedi colli eu golwg niwrolegol, yn ogystal ag unigolion iach sy’n gallu gweld yn iawn, er mwyn eu cymharu gyda’r rheiny sydd wedi colli eu golwg. Rydych yn gymwys i gofrestru ar gyfer ein cronfa ddata colli golwg niwrolegol cyhyd â’ch bod dros 18 mlwydd oed.
I gael rhagor o wybodaeth am y gronfa ddata gallwch lawrlwytho ein taflen wybodaeth. Os oes gennych chi ddiddordeb mewn cael eich talu i gymryd rhan, llenwch ein holiadur ar-lein.
Ymchwil a Gwerthuso Perimetreg Modiwleiddio Ardal
Bydd pobl â glawcoma a phobl heb glawcoma (cyfranogwyr rheoli), o'r un oedran yn fras, yn cael eu gwahodd i gymryd rhan mewn nifer o brofion arbrofol, lle byddant yn gweld sgrin cydraniad uchel ac yn pwyso botwm bob tro y byddant yn gweld ychydig bach o olau yn ymddangos ar y sgrin yn eu golwg ochr.
Byddwn yn cymharu perfformiad dulliau newydd a chyfredol o ran cywirdeb a chywirdeb. Er mwyn ein helpu i ddatblygu'r prawf newydd, rydym yn gwahodd pobl sydd â glawcoma, a phobl heb unrhyw gyflyrau llygaid, i ddod am rai profion maes golwg. Rydym yn chwilio am gyfranogwyr dros 40 oed.
I gael rhagor o wybodaeth, ewch i wefan Astudiaeth REVAMP.
