OPT037: Gofal Llygaid Pediatrig Uwch

Nod y modiwl yw rhoi'r wybodaeth a'r sgiliau i ymarferwyr gofal llygaid iddynt allu darparu safon uchel o ofal llygaid pediatrig.

Mae'n adeiladu ar y wybodaeth graidd yn OPT006 ​​ac OPT033 i alluogi'r ymarferydd i ddatblygu gallu i ddarparu gofal llygaid i achosion pediatrig mwy cymhleth a phoblogaethau arbenigol, ac i ddeall y dystiolaeth ar gyfer datblygu opsiynau rheoli.

Achredir y modiwl hwn gan Goleg yr Optometryddion ar gyfer y Dystysgrif Broffesiynol Uwch mewn Gofal Llygaid Pediatrig. Mae'n ddilyniant i Dystysgrif Broffesiynol Coleg yr Optometryddion mewn Gofal Llygaid Pediatrig (OPT006 ac OPT033).

Mae pwyntiau CET ar gael ar ôl cwblhau elfennau perthnasol o'r modiwl.

Amcanion dysgu

Ar ôl cwblhau'r rhaglen yn llwyddiannus, bydd myfyrwyr yn gallu dangos y canlynol:

• gwybodaeth fanwl am ddatblygiad gweledol nodweddiadol a chanlyniadau gweledol annormal cyffredin
• dealltwriaeth o ddatblygiad yn ystod plentyndod
• gwybodaeth fanwl am gryfderau a chyfyngiadau profion a thechnegau ar gyfer babanod a phlant
• y gallu i asesu gweithrediad y llygaid mewn babanod a phlant â nam ar eu golwg (VI) a gydag anabledd datblygiadol
• gwybodaeth fanwl am nodweddion gweledol nodweddiadol babanod a phlant â nam ar eu golwg ac anabledd datblygiadol
• gwybodaeth fanwl am y sylfaen dystiolaeth ar gyfer risgiau a manteision therapi golwg deulygadog
• dealltwriaeth o therapïau amblyopia cyfredol a datblygol
• dealltwriaeth o'r dystiolaeth bresennol sy'n sail i reolaeth myopia
• dealltwriaeth o’r arwyddion ar gyfer  gwisgo lensys cyffwrdd mewn babanod a phlant a goblygiadau hynny
• y gallu i lunio, cyfathrebu a chyflwyno cynllun rheoli sy'n seiliedig ar dystiolaeth ar gyfer babanod a phlant sy'n datblygu fel arfer a'r rhai ag anabledd datblygiadol a/neu nam ar eu golwg.

Dull cyflwyno’r modiwl

Mae darlithoedd rhyngweithiol ar-lein / tiwtorialau Xerte rhyngweithiol, a ddarperir trwy Dysgu Canolog, sef system e-ddysgu'r Brifysgol, a darperir adnoddau a chyfeirnodau ategol. Fe'u rhoddir gan arbenigwyr yn eu meysydd penodol.

Mae senarios dysgu ar sail achosion dan arweiniad sy’n cynnwys nodweddion allweddol yn caniatáu i fyfyrwyr adolygu a chymhwyso gwybodaeth i senarios cleifion mewn lleoliad rhithwir trwy Dysgu Canolog.

Bydd gweminarau yn galluogi myfyrwyr i drafod y senarios nodweddion allweddol ffurfiannol gyda'i gilydd a chyda thiwtor. Bydd myfyrwyr yn cael eu hannog i gyflwyno eu hachosion eu hunain yn ystod gweminarau.

Bydd dau ddiwrnod a hanner o hyfforddiant ymarferol yn cyflwyno gweithdai a fydd yn caniatáu profiad mewn lensys cyffwrdd, cyflenwi uwch, a rôl gweithwyr proffesiynol eraill. Bydd trafodaethau achos yn galluogi ymarferwyr i gael mewnbwn cymheiriaid a thiwtoriaid i senarios clinigol gan gynnwys eu cleifion eu hunain. Bydd seminarau gyda phlant a phobl ifanc â nam ar eu golwg gyda rhieni plant ag anghenion arbennig yn cynyddu gwerthfawrogiad ymarferwyr o'r heriau y mae plant â VI ac anghenion arbennig eraill yn eu hwynebu mewn addysg, mewn archwiliadau llygaid, ac mewn bywyd bob dydd.

Dull asesu’r modiwl

Adroddiadau Achos (55%): Bydd yn ofynnol i fyfyrwyr gyflwyno pum cofnod achos o'u hymarfer clinigol gan bwysleisio rheolaeth a myfyrio.

Cyflwyniad (20%): Bydd pob myfyriwr yn cyflwyno un o'r achosion i'r grŵp yn ystod y diwrnodau ymarferol, ac yn arwain trafodaeth am y materion sy'n codi.

ISCEs ar y diwrnodau ymarferol (25%): Bydd pedair gorsaf ISCE sy'n para 4 munud yr un yn asesu'r gallu i gyflawni tasgau sy'n gysylltiedig ag archwilio plant.

Llyfr cofnodion (0%) yn cynnwys 40 o gyfnodau gofal cleifion a gynhaliwyd gan y myfyriwr, gan ddangos rheolaeth gyda thystiolaeth, a myfyrdod.

Sgiliau a fydd yn cael eu hymarfer a'u datblygu

Sgiliau academaidd

• datblygu gwybodaeth a dealltwriaeth eich hun i lefel uwch
• coladu gwybodaeth o nifer o adnoddau i wella dysgu

Sgiliau pwnc-benodol

• arfarniad beirniadol o'r sylfaen dystiolaeth ar gyfer ymarfer clinigol cyfredol mewn gofal llygaid pediatrig
• dealltwriaeth o effaith nam ar y golwg ar ddatblygiad yn ystod plentyndod
• gwybodaeth am achosion cyffredin anabledd datblygiadol a'r diffygion optometrig sy'n gysylltiedig â'r cyflyrau
• cyfathrebu'n effeithiol â phlant o bob oed a gallu, a'u rhieni/gofalwyr
• datblygu sgiliau ymarferol i asesu a rheoli plant o bob oed a phob gallu
• y gallu i lunio strategaeth rheoli sy'n seiliedig ar dystiolaeth ar gyfer gofal llygaid mewn plant o bob oed a gallu
• dealltwriaeth o rôl gweithwyr proffesiynol eraill sy'n ymwneud â phlant a phwysigrwydd gweithio mewn cydweithrediad

Sgiliau cyffredinol

• rheoli amser
• gweithio’n annibynnol
• arfarnu’r llenyddiaeth yn feirniadol
• sgiliau datrys problemau
• sgiliau cyfathrebu