Bod yn gymwys a gwneud cais

Nid oes gennym nifer penodol o leoedd a byddwn yn ystyried pob cais addas gan raddedigion sydd â graddau mewn disgyblaethau perthnasol (gan gynnwys Optometreg a Gwyddorau’r Golwg, Bioleg, y Biowyddorau, Biocemeg, Geneteg, Meddygaeth, Bioleg Foleciwlaidd, Ffiseg, Seicoleg a Sŵoleg).

Mae gennym 4 thema ymchwil sy'n cynnal gwaith ymchwil sy'n cynnwys ystod eang o ddisgyblaethau gwyddonol:

• Bioffiseg adeileddol
• Dirywiad retinol a heneiddio
• Niwrowyddoniaeth weledol
• Adsefydlu gweledol

Bydd ceisiadau'n cael eu hystyried drwy gydol y flwyddyn, gyda phwyntiau mynediad ym mis Ionawr, Ebrill, Gorffennaf a Hydref.

Cyfleoedd am ysgoloriaeth

Mae cyfleoedd am ysgoloriaeth yn codi drwy gydol y flwyddyn yn ein gwahanol grwpiau ymchwil. Mae'r holl ysgoloriaethau yn cael eu hysbysebu i ddenu'r gronfa ehangaf bosibl o ymgeiswyr, gyda dyddiad cau penodol ar gyfer cyflwyno cais. Rydym yn gweithredu dull 'maes a gasglwyd' yn y sefyllfa hon, gan gasglu pob cais sy'n cyrraedd cyn y dyddiad cau, ac yna dewis o'r pwll cyfan.

Cyn hysbysebu ysgoloriaeth, bydd y prosiect arfaethedig, manyleb yr unigolyn a manylion y goruchwylwyr yn cael eu hadolygu'n allanol. Bydd manyleb yr unigolyn yn nodi'r meini prawf allweddol ar gyfer yr ysgoloriaeth.

Ceisiadau

Mae'n ofynnol i bob ymgeisydd lenwi ein ffurflen gais. Gall ymgeiswyr wneud cais ar-lein gan ddefnyddio'r ffurflen gais ar-lein neu lawrlwytho copïau papur o'r wefan ganolog. Gellir cael ffurflenni cais hefyd drwy gysylltu â Gweinyddwr Ymchwil Ôl-raddedig yr Ysgol.

Gellir anfon CVs gyda cheisiadau. Gellir gofyn am eirdaon gyda’r cais neu eu cael pan fydd ymgeisydd wedi cyrraedd y rhestr fer. Rhaid derbyn geirda ar gyfer pob ymgeisydd ar y rhestr fer. Dim ond ymgeiswyr sy'n bodloni'r meini prawf hanfodol ar fanyleb yr unigolyn fydd ar y rhestr fer.

Llunio rhestr fer

Fel arfer, bydd yn ofynnol i bob ymgeisydd ar y rhestr fer ddod i gyfweliad. Bydd y panel cyfweld yn trafod yr ymgeisydd ac yn dod i gytundeb ynghylch a yw'n addas i ddilyn gradd ymchwil yn yr adran.

Bydd ein Gweinyddwr Ymchwil Ôl-raddedig yn rhoi gwybod i ymgeiswyr sydd wedi bod yn aflwyddiannus o ganlyniad eu cais. Byddwn yn rhoi gwybod i bob ymgeisydd yn ysgrifenedig am y penderfyniad a wnaed mewn perthynas â'u cais.

Mae'n ofynnol i bob ymgeisydd lenwi ffurflen gais y brifysgol ac efallai y byddant am ddarparu curriculum vitae i gael rhagor o wybodaeth. Gall ymgeiswyr wneud cais ar-lein gan ddefnyddio'r ffurflen gais ar-lein neu lawrlwytho copïau papur o'r wefan ganolog.

Gellir cael ffurflenni cais hefyd drwy gysylltu â Gweinyddwr Ymchwil Ôl-raddedig yr Ysgol. Mae croeso i ymgeiswyr gyflwyno amlinelliad o waith ymchwil arfaethedig, ond gwahoddir ceisiadau hefyd gan unigolion sydd â diddordeb ymchwil sy'n berthnasol i'r Ysgol nad oes ganddynt unrhyw brosiect penodol mewn golwg. Yn y sefyllfa hon, bydd ymgeiswyr llwyddiannus yn gweithio gyda'r darpar oruchwylwyr i benderfynu ar brosiect ymchwil priodol.

Gwahoddir ceisiadau am raddau ymchwil mewn unrhyw faes sy'n dod o fewn themâu ymchwil yr Ysgol.

Gall ymgeiswyr gyfeirio at y tudalennau ôl-raddedig canolog a'n tudalennau ymchwil i gael rhagor o wybodaeth. Cyn gwneud cais, mae'n ddoeth i ddarpar ymgeiswyr ymgyfarwyddo ag arbenigedd staff yr Ysgol trwy edrych ar eu .

Efallai y bydd ymgeiswyr yn dymuno cysylltu ag aelodau staff yn uniongyrchol yn y disgyblaethau ymchwil perthnasol yn anffurfiol cyn cyflwyno cais, i drafod meysydd ymchwil posibl.

Caiff ceisiadau a wneir ar gyfer rhaglenni ôl-raddedig eu prosesu gan y Tîm Derbyn Myfyrwyr yng Nghofrestrfa'r Brifysgol ac fe'u hanfonir i Weinyddwr Ymchwil Ôl-raddedig yr Ysgol. Bydd y Cyfarwyddwr Ymchwil Ôl-raddedig yn gwneud asesiad cychwynnol i ganfod a oes gan yr Ysgol yr adnoddau i gefnogi'r ymgeisydd yn ei gais i gofrestru ar gyfer gradd ymchwil yn yr Ysgol.

Os yw canlyniad yr asesiad cychwynnol hwnnw'n nodi nad yw adnoddau'n gallu cefnogi'r cais, yna ystyrir bod y cais yn aflwyddiannus. Bydd ymgeiswyr yn cael gwybod yn ysgrifenedig gan Gofrestrfa Prifysgol Caerdydd. Os yw'r Cyfarwyddwr Ymchwil Ôl-raddedig yn canfod y gellir cefnogi'r ymgeisydd a bod y gwaith ymchwil arfaethedig yn unol â strategaeth ymchwil yr Adran, caiff y cais ei drosglwyddo i aelodau priodol o staff sydd â'r arbenigedd a'r cefndir i oruchwylio'r ymgeisydd.

Os yw'r goruchwyliwr/goruchwylwyr yn penderfynu mynd ar drywydd y cais ymhellach, gwahoddir yr ymgeisydd am gyfweliad gan banel dethol. Bydd y panel cyfweld yn trafod yr ymgeisydd ac yn dod i gytundeb ynghylch a yw'n bodloni’r meini prawf i ddilyn gradd ymchwil yn yr adran. Rhaid casglu geirdaon erbyn i’r ymgeisydd gyrraedd y cam hwn.

Bydd Cofrestrfa Prifysgol Caerdydd yn rhoi gwybod i bob ymgeisydd yn ysgrifenedig am y penderfyniad a wnaed mewn perthynas â'u cais.

Ar ddechrau pob blwyddyn academaidd, mae'r Pwyllgor Ôl-raddedig yn adolygu ein meini prawf derbyn a'r cylch derbyn blaenorol ac yn argymell unrhyw newidiadau mewn polisïau neu’r meini prawf dethol. Fel arfer, ni fydd y polisi na’r meini prawf dethol yn cael eu newid yn ystod cylch derbyn.

Asesir ceisiadau cychwynnol ar sail y wybodaeth sydd wedi’i chynnwys yn y ffurflen gais a dogfennau atodol. Mae'n ddymunol bod gan yr ymgeisydd y priodoleddau/rhinweddau canlynol ac y gall ddangos rhai ohonynt neu’r cyfan:

• Tystiolaeth o gyflawniad academaidd uchel a photensial yn hynny o beth: tystiolaeth o gyflawniadau academaidd, neu ddarn o waith ysgrifenedig a gyflwynwyd ar gyfer ymgeiswyr nad ydynt yn gallu dangos eu potensial academaidd drwy gymwysterau ardystiedig neu sydd ar ddod)
• Gwybodaeth a dealltwriaeth o ddulliau ymchwil: tystiolaeth o astudiaeth ar lefel ôl-raddedig a/neu israddedig
• Brwdfrydedd dros y maes ymchwil a ddewiswyd: tystiolaeth o brofiad gwaith, geirda, datganiad personol
• Sgiliau cyfathrebu da: tystiolaeth o brofiad academaidd a gwaith blaenorol, diddordebau/gweithgareddau allgyrsiol, geirda
• Y gallu i weithio'n dda fel rhan o dîm: tystiolaeth o waith academaidd a phrofiad gwaith blaenorol a diddordebau/gweithgareddau allgyrsiol, geirda
• Gallu rhesymu a datrys problemau: tystiolaeth o waith academaidd, gwaith blaenorol a diddordebau/gweithgareddau allgyrsiol, geirda
• Y gallu i reoli eich amser eich hun yn effeithiol a gweithio'n annibynnol: profiad academaidd a phrofiad gwaith blaenorol, a diddordebau/gweithgareddau allgyrsiol, geirda

Os byddwch yn cyrraedd y rhestr fer, bydd yr holl briodoleddau hyn yn cael eu hasesu ymhellach yn ystod y cyfweliad.

Gofynion myfyrwyr Cartref/UE

• Gradd israddedig mewn disgyblaeth berthnasol, fel arfer 2.1 neu uwch/gradd meistr fel arfer
• Byddwn yn gwirio cywerthedd cymwysterau tramor drwy'r gwasanaeth NARIC
• Mae’r gofynion o ran iaith Saesneg i fyfyrwyr tramor fel y’u pennir gan y brifysgol
• Mae’r gofynion eraill yn dibynnu ar natur y prosiect penodol.
• Weithiau bydd angen i fyfyrwyr clinigol ôl-raddedig fod wedi eu cofrestru gyda’r Cyngor Optegol Cyffredinol (GOC) ar gyfer rhai prosiectau a bydd angen iddynt fod wedi bodloni gwiriad gan y Swyddfa Cofnodion Troseddol (CRB)
• Gall fod gofyn i fyfyrwyr ôl-raddedig sy’n gweithio mewn labordai fod wedi cael profiad o’r technegau perthnasol
• Mae’r gofynion eraill yn dibynnu ar natur y prosiect penodol

Gofynion ychwanegol ar gyfer myfyrwyr rhyngwladol

• Byddwn yn gwirio cywerthedd cymwysterau tramor drwy'r gwasanaeth NARIC

• Rhaid i holl ymgeiswyr tramor nad yw Saesneg yn iaith gyntaf iddynt fod â lefel safonol o Saesneg a fydd yn eu galluogi i fanteisio’n llawn ar eu cwrs astudio

Cewch ragor o wybodaeth ar ein .

Nid oes gennym brofion derbyn myfyrwyr safonol.

Rydym yn cyfweld â phob ymgeisydd ar y rhestr fer. Os, am unrhyw reswm, nad yw'r ymgeisydd yn gallu dod i’r Ysgol am gyfweliad, gellir cynnal hyn drwy fideo neu delegynadledda (er y bydd rhai prosiectau yn gofyn i'r ymgeiswyr ddod i’r ysgol i ddangos hyfedredd mewn technegau labordy perthnasol).

Bydd yr ymgeiswyr hynny a ddewisir ar gyfer cyfweliad yn cael eu cyfweld gan o leiaf dau unigolyn. Bydd hyn naill ai'n ddau ddarpar oruchwyliwr, neu un darpar oruchwyliwr a phennaeth y grŵp ymchwil perthnasol, neu ei enwebai. Bydd cwestiynau'r cyfweliad yn cael eu teilwra i fodloni gofynion prosiectau unigol, ond byddant yn cael eu safoni ar draws ymgeiswyr.

Bydd y panel cyfweld yn trafod pob ymgeisydd ac yn dod i gytundeb ynghylch yr ymgeisydd mwyaf addas. Bydd yr ymgeisydd llwyddiannus yn cael gwybod dros y ffôn, neu wyneb yn wyneb, gan y goruchwylwyr.

Bydd gofyn i ymgeiswyr rhan-amser sy'n cael eu cyflogi ddarparu prawf ysgrifenedig o'r trefniadau absenoldeb astudio a wneir gyda'u cyflogwr.

Trosglwyddo gyda chredyd gan sefydliad addysg uwch arall neu o fewn Prifysgol Caerdydd

Nid yw'r rhaglen PhD yn derbyn myfyrwyr sy’n trosglwyddo gyda chredyd o raglenni eraill. Cyfleoedd i ddysgu mwy am yr Ysgol a'i rhaglenni astudio. Cynhelir Diwrnod Agored ar gyfer ôl-raddedigion ledled y brifysgol ym mis Tachwedd bob blwyddyn ac mae'n gyfle i ymweld â'r brifysgol.

Mae gan yr Ysgol Optometreg a Gwyddorau’r Golwg stondin yn y digwyddiad hwn, lle gall darpar ymgeiswyr siarad â staff/myfyrwyr ôl-raddedig o'r Ysgol. Mae'r Ysgol hefyd yn rhoi cyflwyniad byr am y rhaglen PhD.

Nid oes gennym unrhyw wrthwynebiad i'r posibilrwydd o ohirio mynediad. Dylid nodi hyn yn glir ar y ffurflen gais, gan roi rhesymau dros ohirio. Mae'r un meini prawf dethol yn berthnasol i ymgeiswyr sy’n gohirio.

Croesewir ceisiadau gan ymgeiswyr anabl yn yr Ysgol Optometreg a Gwyddorau’r Golwg. Caiff ymgeiswyr o'r fath eu hannog i gysylltu â Chynrychiolydd Anableddau ac Anghenion Arbennig yr Ysgol yn fuan yn y broses ymgeisio er mwyn gallu trafod unrhyw anghenion a gwneud addasiadau i'r broses, lle bynnag y bo hynny'n rhesymol.

Gellir cyflenwi dogfennau, gan gynnwys y ffurflen gais a phrosbectws yr Ysgol, mewn fformatau amgen. Gall y Cynrychiolydd Anableddau ac Anghenion Arbennig, sy'n gweithio gyda Chynghorwyr Anableddau’r Brifysgol, roi gwybodaeth am gyflwyniad cyrsiau a mynediad at yr amgylchedd ffisegol, sy'n berthnasol i ddarpar ymgeiswyr sydd ag anghenion penodol. Gellir trefnu ymweliadau anffurfiol er mwyn i ymgeiswyr allu gweld y cyfleusterau llety a chyfarfod â staff academaidd a chefnogi myfyrwyr.

Gall ymgeiswyr y gwneir cynigion iddynt gael eu gwahodd i Ddiwrnod Agored. Gwahoddir ymgeiswyr o'r fath i roi gwybod i'r Ysgol am unrhyw anghenion penodol neu sy'n ymwneud ag anabledd sydd ganddyn nhw, neu'r ymwelwyr a ddaw gyda nhw, er mwyn gallu rhoi addasiadau rhesymol ar waith. Caiff pob myfyriwr gyfle i ymweld â'r brifysgol i gyfarfod â chynghorydd anableddau a thiwtor anghenion arbennig i drafod gofynion y cwrs a pha drefniadau neu addasiadau rhesymol y gellir eu gwneud. Mae rhagor o wybodaeth am ddarpariaeth y Brifysgol i fyfyrwyr anabl ar gael gan ein Dyslecsia.

Datganiad cydraddoldeb ac amrywiaeth

Mae Prifysgol Caerdydd wedi ymrwymo i hybu cydraddoldeb ac amrywioldeb yn ei holl arferion a gweithgareddau, gan gynnwys y rhai sy’n ymwneud â denu, dethol a derbyn myfyrwyr. Nod y brifysgol yw sefydlu diwylliant cynhwysol sy'n croesawu ac yn sicrhau cyfle cyfartal i bawb. Mae'r ymrwymiad hwn yn rhan o’n Polisi Cydraddoldeb ac Amrywiaeth.

Mae'r brifysgol wedi cytuno ar weithdrefnau ar gyfer ymdrin â cheisiadau am adborth, a nodir ym mharagraffau 89-95 o Fframwaith Derbyniadau'r brifysgol.

Cael mwy o wybodaeth am Broses Cwynion ac Apeliadau'r Brifysgol i Ymgeiswyr.