Rhestr QS o Brifysgolion Gorau'r Byd yn ôl Pwnc
29 Ebrill 2015
25 pwnc ar restr QS ar gyfer 2015
Mae'r Brifysgol ymhlith sefydliadau gorau'r byd mewn 25 pwnc o 33, yn ôl Rhestr QS o Brifysgolion Gorau'r Byd yn ôl Pwnc, a gyhoeddwyd heddiw (00.01, dydd Mercher 29 Ebrill, 2015).
Mae Rhestr QS o Brifysgolion Gorau'r Byd yn ôl Pwnc yn rhoi sgôr i oddeutu 894 o sefydliadau ledled y byd, gan ystyried dros 100M o sylwadau a thros 14,000 o raglenni Prifysgol i lunio rhestr o brifysgolion mwyaf blaenllaw'r byd yn ôl maes pwnc.
Dyma'r tri uchafbwynt ar gyfer y Brifysgol:
- Cyrhaeddodd Pensaernïaeth/Yr Amgylchedd Adeiledig rif 29 yn y byd – yr uchaf ar y rhestr ymhlith holl bynciau'r Brifysgol
- Cyrhaeddodd Seicoleg rif 36
- Cyrhaeddodd Daearyddiaeth rif 38
Dywedodd y Dirprwy Is-Ganghellor, Yr Athro Elizabeth Treasure: "Yn dilyn ein perfformiad rhagorol yn y Fframwaith Rhagoriaeth Ymchwil, mae Rhestr QS eleni o'r Prifysgolion Gorau yn y Byd yn ôl Pwnc yn cadarnhau ein safle ymhlith y gorau yn y byd.
"Er y gellir canmol pensaernïaeth, seicoleg a daearyddiaeth yn benodol am gyrraedd y 50 gorau yn y byd, yr hyn sy'n arbennig o dda yw'r safon ragorol y gallwn ei dangos mewn llawer o feysydd pwnc.
"O'r gwyddorau cymdeithasol, i'r gwyddorau biofeddygol a bywyd a'r gwyddorau ffisegol, mae Prifysgol Caerdydd ymhlith y goreuon.
"Fodd bynnag, nid ydym am orffwys ar ein rhwyfau am eiliad. Nod y Brifysgol gyfan yw bod ymhlith y 100 gorau yn y byd yn gyson.
"Mae'r canlyniadau hyn yn gadarnhaol, ac yn gam ymlaen wrth i ni gyflawni ein hamcan cyffredinol."
Ein canlyniadau llawn:
Coleg y Gwyddorau Ffisegol a Pheirianneg
Pensaernïaeth/Yr Amgylchedd Adeiledig – 50 uchaf
Daearyddiaeth – 50 uchaf
Peirianneg Sifil a Strwythurol – 150 uchaf
Peirianneg Fecanyddol – 150 uchaf
Gwyddorau'r Ddaear a'r Môr – 200 uchaf
Ystadegau ac Ymchwil Weithredol – 200 uchaf
Y Gwyddorau Amgylcheddol – 200 uchaf
Mathemateg – 250 uchaf
Peirianneg Drydanol – 250 uchaf
Cemeg – 250 uchaf
Cyfrifiadureg – 250 uchaf
Ffiseg a Seryddiaeth – 350 uchaf
Seicoleg – 50 uchaf
Fferylliaeth a Ffarmacoleg – 100 uchaf
Fferylliaeth – 100 uchaf
Meddygaeth – 150 uchaf
Y Gwyddorau Biolegol – 150 uchaf
Meddygaeth – 150 uchaf
Y Celfyddydau, y Dyniaethau a'r Gwyddorau Cymdeithasol
Daearyddiaeth – 50 uchaf
Cyfrifeg a Chyllid – 100 uchaf
Busnes a Rheolaeth – 100 uchaf
Cyfathrebu ac Astudiaethau'r Cyfryngau – 100 uchaf
Cymdeithaseg – 150 uchaf
Saesneg Iaith a Llenyddiaeth – 150 uchaf
Addysg – 150 uchaf
Y Gyfraith – 150 uchaf
Ieithyddiaeth – 150 uchaf
Hanes – 200 uchaf