Rhodri Morgan
18 Mai 2017
![Rhodri Morgan in robes](https://cardiff.imgix.net/__data/assets/image/0007/754873/Rhodri-Morgan-in-robes.jpg?w=570&h=321&fit=crop&q=60&auto=format)
Mae Prifysgol Caerdydd wedi talu teyrnged i gyn-Brif Weinidog Cymru, Rhodri Morgan, sydd wedi marw.
Roedd Rhodri Morgan yn ymwelydd cyson â'r Brifysgol. Yn 2010, dyfarnwyd Doethuriaeth Anrhydeddus iddo a chafodd ei benodi’n Athro Nodedig Anrhydeddus i helpu i wella enw da cynyddol y Brifysgol am arwain ymchwil ym meysydd llywodraethu a gwleidyddiaeth Cymru.
Mae Labordy Mellt Morgan Botti wedi’i enwi ar ôl y cyn-Aelod Seneddol ac Aelod Cynulliad o Gaerdydd i gydnabod ei rôl flaenllaw i gael y cyfleuster yng Nghymru.
Hyd heddiw, dyma’r unig labordy mellt mewn unrhyw brifysgol yn Ewrop, a dim ond dyrnaid o labordai o’r fath sy’n bodoli ar draws y byd.
![](https://cardiff.imgix.net/__data/assets/image/0018/530901/VC-Prof.-Colin-Riordan-Square.jpg?w=100&h=100&auto=format&crop=faces&fit=crop)
“Gyda thristwch mawr y clywodd y Brifysgol am farwolaeth cyn-Brif Weinidog Cymru, Rhodri Morgan. Roedd Rhodri'n gyfaill da i Brifysgol Caerdydd, ac yn ymwelydd rheolaidd a oedd bob amser yn fodlon cefnogi datblygiad y Brifysgol, ei myfyrwyr a'i staff. Roedd Rhodri'n gefnogol iawn i addysg uwch ac ymchwil yng Nghymru, ac mae'r ffaith i Labordy Mellt Morgan-Botti Prifysgol Caerdydd gael ei enwi ar ei ôl yn adlewyrchu ei ymdrechion i weithio gyda phartneriaid ym mannau eraill yn Ewrop i ddod â chyfleuster o'r radd flaenaf fel hwn i Gymru. Bydd cydweithwyr ym Mhrifysgol Caerdydd yn cofio Rhodri am ei ddeallusrwydd a'i agosatrwydd.”
![](https://cardiff.imgix.net/__data/assets/image/0009/2493198/364385-1612200496962.jpeg?w=100&h=100&auto=format&crop=faces&fit=crop)
"Bydd pawb yn gweld eisiau Rhodri, roedd ei ddeallusrwydd a'i allu i ofyn y cwestiwn cywir yn ddigymar."
![](https://cardiff.imgix.net/__data/assets/image/0020/65135/22729019_10214743648933128_8884066585577554976_n.jpg?w=100&h=100&auto=format&crop=faces&fit=crop)
“Oherwydd arweinyddiaeth Rhodri Morgan y daeth y Cymry i dderbyn datganoli fel y drefn arferol. Roedd yn gawr ym mhob ystyr y gair. Diolch.”
![](https://cardiff.imgix.net/__data/assets/image/0003/570369/13.10.16_mh_Governance_Centre_Staff_and_Lecture_63.jpg?w=100&h=100&auto=format&crop=faces&fit=crop)
“Dŵr coch croyw, hwyaid ungoes, dyfynnu llwyddiannau athletwyr Cymru yng Ngemau'r Gymanwlad yn y 1950au, a deall rôl clymbleidiau a chymodi gwleidyddol i sefydlogi ein democratiaeth ifanc. Dyma’r pethau rydw i’n eu cofio’n bennaf am Rhodri Morgan.”
![](https://cardiff.imgix.net/__data/assets/image/0004/639769/IMG_9010.jpg?w=100&h=100&auto=format&crop=faces&fit=crop)
“Mae'n anodd gor-bwysleisio dylanwad a a chyfraniad Rhodri Morgan at ddatblygiad Cymru yn yr unfed ganrif ar hugain, drwy gryfhau datganoli yng Nghymru yn benodol. Mae cael Rhodri Morgan fel Athro Anrhydeddus yn ein Hysgol Cyfraith a Gwleidyddiaeth ryngddisgyblaethol wedi bod yn anrhydedd ac yn fraint. Mae'r teyrngedau iddo heddiw wedi cadarnhau mai ef oedd y gwladweinydd pwysicaf yn hanes Cymru fodern. Cydymdeimlwn â'i deulu.”