Prifysgol Caerdydd yn arwain ymdrechion i fynd i’r afael â chaethwasiaeth fodern mewn busnesau bach a chanolig yn y diwydiant creadigol

Mae ymchwilwyr Prifysgol Caerdydd wedi cymryd cam sylweddol ymlaen i frwydro yn erbyn risgiau caethwasiaeth fodern ym musnesau bach a chanolig (BBaChau) y diwydiant creadigol yng Nghymru.

Yn rhan o’r prosiect Caethwasiaeth Fodern a BBaChau, fe wnaeth academyddion gynnal grŵp ffocws a sesiwn hyfforddi, gan ddod â’r diwydiant, y byd academaidd a llunwyr polisïau o Brifddinas-Ranbarth Caerdydd ynghyd.

Roedd y digwyddiad, wedi’i ariannu gan Medr a’i gefnogi gan Brifddinas-Ranbarth Caerdydd a Media Cymru, yn trin a thrafod sut y gall busnesau bach gryfhau arferion busnes moesegol a mynd i’r afael â risgiau camfanteisio.

Dan arweiniad Dr Maryam Lotfi a Dr Anna Skeels o Grŵp Ymchwil Caethwasiaeth Fodern a Chynaliadwyedd Cymdeithasol Prifysgol Caerdydd, mewn cydweithrediad â Dr Marian Buhociu o Brifysgol De Cymru, sbardunodd y sesiwn drafodaethau agored yn seiliedig ar atebion ar yr heriau a’r cyfleoedd y mae BBaChau yn eu hwynebu wrth liniaru risgiau caethwasiaeth fodern.

Ymhlith yr uchafbwyntiau roedd

• trafod cyfrifoldebau moesegol a chyfreithiol BBaChau y diwydiant creadigol.
• trin a thrafod strategaethau ymarferol i gryfhau arferion busnes moesegol.
• ymgysylltu â phartneriaid allweddol sydd wedi ymrwymo i fynd i’r afael â chamfanteisio a gwella cynaliadwyedd cymdeithasol yn y sector.

Wrth i’r prosiect symud yn ei flaen, mae Prifysgol Caerdydd a’i phartneriaid yn parhau i fod yn ymroddedig i droi’r trafodaethau hyn yn effaith wirioneddol, gan atgyfnerthu rôl y Brifysgol yn arweinydd mewn mentrau cynaliadwyedd cymdeithasol a gwrth-gaethwasiaeth.

Dyma ragor o wybodaeth am y Grŵp Ymchwil Caethwasiaeth Fodern a Chynaliadwyedd Cymdeithasol.