Dr Maryam Lotfi yn ymuno â phwyllgor BSI i frwydro yn erbyn caethwasiaeth fodern

Mae Dr Maryam Lotfi, Cyd-gyfarwyddwr y Grŵp Ymchwil Caethwasiaeth Fodern a Chynaliadwyedd Cymdeithasol Ysgol Busnes Caerdydd, wedi’i phenodi i Bwyllgor Caethwasiaeth Fodern y Sefydliad Safonau Prydeinig (BSI).

Mae’r rôl fawreddog hon yn ei gosod yn y rheng flaen wrth lunio polisïau a safonau cenedlaethol i frwydro yn erbyn caethwasiaeth fodern.

Mae'r BSI yn helpu busnesau i gynnig gwell cynnyrch, helpu llywodraethau i ddeddfu gwell rheoleiddio, a chytuno ar safonau sy'n mynd i'r afael â heriau mwyaf y gymdeithas

Mae penodi Dr Lotfi yn ei galluogi i ddylanwadu’n uniongyrchol ar ddatblygu ac adolygu safonau caethwasiaeth fodern

Mae'r cyflawniad hwn hefyd yn dod â chydnabyddiaeth i Brifysgol Caerdydd, a hon yw’r bumed sefydliad yn y DU i ymuno â'r pwyllgor. Mae Caerdydd bellach ochr yn ochr â Choleg y Brenin, Llundain, Prifysgol Nottingham, Prifysgol Manceinion, a Phrifysgol Sheffield, ynghyd â’r Swyddfa Gartref a sefydliadau allweddol eraill sy’n mynd i’r afael â’r mater byd-eang pwysig hwn.

Rhagor o wybodaeth am y Grŵp Ymchwil i Gaethwasiaeth Fodern a Chynaliadwyedd Cymdeithasol ym Mhrifysgol Caerdydd.