Cyfarfodydd i Fyfyrwyr Ymchwil Ôl-raddedig gael trafod ein Dyfodol Academaidd

Darllenwch neges gan eich Rhag Is-Gangellorion a'r Deon ar gyfer Myfyrwyr Ymchwil Ôl-raddedig, a anfonwyd ar 14 Chwefror.

Gan fod hwn yn gopi o e-bost a anfonwyd i fyfyrwyr, mae'r dolenni o fewn yr e-bost ar fewnrwyd y myfyrwyr, felly mae angen mewngofnodi i gael mynediad.

Annwyl Ymchwilydd Ôl-raddedig,

Yn ddiweddar, fe wnaethon ni ysgrifennu atoch chi gyda'r wybodaeth ddiweddaraf am sut y byddwn ni’n dechrau cyflawni ein strategaeth, gan ddechrau gyda chynigion i lunio ein Dyfodol Academaidd.

Er mai cynigion yw’r rhain ac nad oes unrhyw benderfyniadau wedi’u gwneud eto, rydyn ni’n deall fod rhywfaint o’r wybodaeth wedi peri gofid i chi. Rydyn ni hefyd yn gwerthfawrogi  y bydd rhai ohonoch chi eisoes wedi bod i Fforwm Trafod i fyfyrwyr, ac wedi rhoi cyfle i ni ateb eich cwestiynau chi yno.

Er mwyn gallu cynnal trafodaeth i Fyfyrwyr Ymchwil Ôl-raddedig, rydyn ni’n eich gwahodd i gyfarfod fydd yn cael ei drefnu ar y cyd gydag Undeb y Myfyrwyr. Bydd hyn yn rhoi amser penodol i ymchwilwyr ôl-raddedig drafod y cynigion gydag arweinwyr y brifysgol, i ofyn cwestiynau a chynnig adborth.

Diolch yn fawr i Micaela Panes, Is-lywydd Myfyrwyr Ôl-raddedig Undeb y Myfyrwyr am hwyluso'r digwyddiadau hyn.

Bydd y canlynol yn bresennol yn y digwyddiad:

• Athro Nicola Innes, Rhag Is-Ganghellor Dros Dro, Addysg a Phrofiad Myfyrwyr
• Micaela Panes, Is-lywydd Myfyrwyr Ôl-raddedig Undeb y Myfyrwyr
• Dr Liz Wren-Owens, Deon Myfyrwyr Ymchwil Ôl-raddedig

Bydd 3 chyfarfod ddydd Mercher 19 Chwefror, un ar gyfer pob Coleg. Mae croeso i chi ddod unrhyw un o'r digwyddiadau hyn. Os ydych chi’n dod i gyfarfod ar gyfer coleg gwahanol, dylech ddeall na fydd pob maes trafod o bosib yn berthnasol i chi.

Rydyn ni’n deall y bydd rhai ohonoch chi’n ymwneud â gweithgarwch addysgu ar yr un pryd, neu efallai na fyddwch chi’n gallu cyrraedd y campws. Gallwch wylio ar-lein drwy ddilyn y dolenni isod, a byddwn ni’n recordio'r sesiwn ar Panopto i’w chyhoeddi yn dilyn y sesiynau.

Coleg y Gwyddorau Biofeddygol a Gwyddorau Bywyd (BLS)

• 15:15 i 16:00, Darlithfa 03, Adeilad Aberconwy
• Ymunwch â digwyddiad BLS ar-lein

Coleg y Celfyddydau, y Dyniaethau a'r Gwyddorau Cymdeithasol (AHSS)

• 16:15 i 17:00, Darlithfa 03, Adeilad Aberconwy
• Ymunwch â digwyddiad AHSS ar-lein

Coleg y Gwyddorau Ffisegol a Pheirianneg (PSE)

• 17:15 i 18:00, Darlithfa 03, Adeilad Aberconwy
• Ymunwch â digwyddiad PSE ar-lein

Gallwch hefyd roi adborth drwy e-bostio newid-change@caerdydd.ac.uk.

Cofion cynnes,

Yr Athro Nicola Innes
Rhag Is-Ganghellor Dros Dro, Addysg a Phrofiad Myfyrwyr

Yr Athro Roger Whitaker
Rhag Is-Ganghellor, Ymchwil, Arloesi a Menter

Dr Liz Wren-Owens
Deon y Myfyrwyr Ymchwil Ôl-raddedig